Yohane 14:24 - Somi He Ɔ

²⁴ Nɔ nɛ sume mi ɔ, e yi ye munyu nɔ. Nɛ munyu nɛ nyɛ ngɛ nue ɔ, pi ye nɔ, se mohu Tsɛ nɛ tsɔ mi ɔ nɔ ʼi.

BAIBLO ALOO NGMAMI KLƆUKLƆU Ɔ

²⁴ Nɔ nɛ sume mi ɔ, e yi ye munyu ɔmɛ a nɔ. Munyuhi nɛ nyɛ nu ngɛ ye nya a, pi imi nitsɛ ye yi mi tomi, se mohu Tsɛ ɔ nɛ tsɔ mi ɔ lɛ ha mi sɛ gbi ɔ.

Yohane 14:24 ပူးပေါင်းရင်းမြစ်များ

Yohane 7:16

Yesu he nɔ nɛ e de mɛ ke: “Ye ni tsumi ɔ, tsa pi ye nɔ, se mohu nɔ nɛ tsɔ mi ɔ nɔ.

Yohane 14:10

Anɛ o he we yi kaa i ngɛ Tsɛ ɔ mi nɛ Tsɛ ɔ hu ngɛ ye mi lo? Munyu nɛ i kɛ nyɛ tuɔ, pi imi nitsɛ ye yi mi nɛ i toɔ nɛ i deɔ; se Tsɛ ɔ nɛ hii ye mi ɔ, lɛ lɛ e tsuɔ ni tsumi ɔmɛ ɔ nɛ.

Yohane 8:42

Kɛkɛ nɛ Yesu de mɛ ke: “Mawu ji nyɛ tsɛ jinɛ nyɛ maa suɔ mi, ejakaa imi lɛɛ, Mawu ngɔ i je kɛ ba; nɛ pohu i to we imi nitsɛ ye yi mi kɛ bɛ, se mohu lɛ nɛ tsɔ mi.

Yohane 5:19

Lɔ ɔ he ɔ Yesu he nɔ nɛ e de mɛ ke: “I ngɛ nyɛ dee anɔkuale mi ke: Bi ɔ nitse be e yi mi nyɛe maa to kɛ pee nɔ ko, ja nɔ nɛ se naa kaa Tsɛ ɔ peɔ ɔ; ejakaa nihi tsuo nɛ Tsɛ ɔ peɔ ɔ, kɔlɔ ɔmɛ nɔuu Bi ɔ hu peɔ.

Yohane 3:34

Ejakaa nɔ nɛ Mawu tsɔ ɔ, Mawu munyu e tuɔ; ejakaa Mawu haa lɛ e Mumi ɔ faa.

Yohane 14:15

“Ke nyɛ suɔ mi ɔ, nyɛ maa ye ye kita amɛ a nɔ.

Yohane 5:38

nɛ e munyu ɔ nui si ngɛ nyɛ mi, ejakaa nya he we nɔ nɛ e tsɔ ɔ yi.

Yohane 8:38

Ini lɛɛ nihi nɛ i na ngɛ Tsaatsɛ he ɔ, lɔ ɔ i deɔ; nɛ nyɛ hu nihi nɛ nyɛ nu kɛ je nyɛ tsɛ nya a, kɔlɔ ɔ nyɛ peɔ.”

Yohane 8:26

I ngɛ nyɛ he sanehi fuu nɛ ma de nɛ ma kɛ kojo nyɛ; se kɛ̃ ɔ, nɔ nɛ tsɔ mi ɔ anɔkualetsɛ ʼi, nɛ imi lɛɛ nihi nɛ i nu kɛ je e nya a, lɔ ɔmɛ nɔuu i deɔ ngɔ tsɔɔ je ɔ nɛ.”

Yohane 8:28

Lɔ ɔ he ɔ Yesu de mɛ ke: “Ke nyɛ na nyɛ wo Nɔmlɔ Bi ɔ nɔ ɔ, lɔ ɔ loko nyɛ maa le kaa ami ʼi, nɛ kãa i to we ye yi mi i pee we nɔ́ ko, se mohu nɔ nɛ Tsaatsɛ tsɔɔ mi ɔ ja i deɔ.

Yohane 7:28

Jeha nɛ ɔ benɛ Yesu ngɛ ni tsɔɔe ngɛ sɔlemi we ɔ, e wo e nya nɔ nɛ e de ke: “Nyɛ le mi, nɛ nyɛ le he nɛ i je hulɔ; i tui imi nitsɛ ye yi mi kɛ bɛ́, se mohu anɔkualetsɛ ji nɔ nɛ tsɔ mi nɛ nyɛ li ɔ nɛ.

Mateo 19:21

Yesu de lɛ ke: “Ke o ngɛ hlae kaa o hii kɛ pii si ɔ, yaa nɛ o ya jua nihi nɛ o ngɛ ɔ, nɛ o ngɔ ha ohiafohi, nɛ o ma na juetli ngɛ hiɔwe; nɛ o ba nɛ o ba nyɛɛ ye se.”

Yohane 3:11

I ngɛ mo dee anɔkuale mi ke: Nɔ́ nɛ wa le ɔ, kɔlɔ ɔ wa deɔ; nɛ nɔ́ nɛ wa na a, kɔlɔ ɔ he odase wa yeɔ, se nyɛ ngɔɛ wa odase ɔ.

Yohane 14:25

“I de nyɛ ni nɛ ɔmɛ be mi nɛ i kɛ nyɛ ngɛ nɛ ɔ.