Yohane 14:23 - Somi He Ɔ

²³ Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

BAIBLO ALOO NGMAMI KLƆUKLƆU Ɔ

²³ Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 14:23 ပူးပေါင်းရင်းမြစ်များ

Yohane 10:30

Imi kɛ Tsaatsɛ tsuo ɔ, kake ʼi.”

Yohane 14:15

“Ke nyɛ suɔ mi ɔ, nyɛ maa ye ye kita amɛ a nɔ.

Yohane 14:17

anɔkuale mumi ɔ nɛ je ɔ nyɛ we lɛ nɛ e ngɔ ɔ, mɛni he je ɔ, e nɛ́ lɛ, nɛ pohu e li lɛ; se nyɛɛ lɛɛ nyɛ le lɛ, ejakaa e kɛ nyɛ lɛ ngɛ, nɛ e maa hi nyɛ mi.

Yohane 14:21

“Nɔ nɛ ngɔɔ ye kita amɛ nɛ e yeɔ nɔ ɔ, lɛ ji nɔ nɛ suɔ mi; nɛ nɔ nɛ suɔ mi ɔ, Tsaatsɛ maa suɔ lɛ, nɛ imi hu ma suɔ lɛ, nɛ ma je ye he si ngɔ tsɔɔ lɛ.”

Yohane 14:24

Nɔ nɛ sume mi ɔ, e yi ye munyu nɔ. Nɛ munyu nɛ nyɛ ngɛ nue ɔ, pi ye nɔ, se mohu Tsɛ nɛ tsɔ mi ɔ nɔ ʼi.

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Yohane 16:27

ejakaa Tsɛ ɔ nitsɛ suɔ nyɛ, mɛni he je ɔ, nyɛ hu nyɛ suɔ mi, nɛ nyɛ he ye kaa Mawu ngɔ i je.

Yohane 6:56

Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi.

Yohane 8:51

I ngɛ nyɛ dee anɔkuale mi ke: Ke nɔ ko ye ye munyu ɔ nɔ ɔ, e be gboe gblegbleegblee.”

Yohane 8:52

Kɛkɛ nɛ Yudafo ɔmɛ de lɛ ke: “Kpaako wa na le kãa mumi yayami ngɛ o mi. Abraham gbo, nɛ gbali ɔmɛ hu gbo, nɛ moo lɛɛ o deɔ ke: ‘Ke nɔ ko ye ye munyu ɔ nɔ ɔ, e be gboe ligbi ko ligbi ko kɛ maa ya neneene.’

2 Korintobi 6:16

Nɛ jehanɛ hu, mɛni kake peemi Mawu sɔlemi we ɔ kɛ amagahi ngɛ? Ejakaa Mawu hɛ kalɔ ɔ sɔlemi tsu ji nyɛ, kaa bɔ nɛ Mawu de ke: “Ma hi a mi, nɛ ma nyɛɛ a kpɛti, Nɛ ma pee a Mawu, nɛ mɛ hu a maa pee ye ma.”

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

1 Yohane 2:24

Lɔ ɔ he ɔ, nyɛɛ lɛɛ, nɔ́ nɛ nyɛ nu kɛ je sisije ɔ, nyɛ ha kɔlɔ ɔ nɛ hi nyɛ mi. Ke nɔ́ nɛ nyɛ nu kɛ je sisije ɔ ngɛ nyɛ mi ɔ, lɔ ɔ lɛɛ nyɛ hu nyɛ maa hi Bi ɔ kɛ Tsɛ ɔ mi.

1 Yohane 2:5

Se nɔ tsuaa nɔ nɛ yeɔ e munyu ɔ nɔ ɔ, niinɛ, lɛ e mi Mawu suɔmi ɔ pi si ngɛ. Enɛ ɔ waa kɛ leɔ kaa wa ngɛ e mi.

1 Yohane 4:4

Bimɛ tsɔwi, nyɛɛ lɛɛ nyɛ je Mawu mi, nɛ nyɛ ye lakpa gbali ɔmɛ a nɔ kunimi; ejakaa mumi nɛ ngɛ nyɛ mi ɔ kle pe mumi nɛ ngɛ je ɔ mi ɔ.

1 Yohane 5:3

Ejakaa enɛ ji suɔmi nɛ wa suɔ Mawu kaa waa ye e kita amɛ a nɔ; nɛ e kita amɛ a nya wɛ́,

2 Yohane 1:6

Enɛ ɔ ji suɔmi ɔ nɛ, kaa waa nyɛɛ ngɛ e kita amɛ a nya. Enɛ ɔ ji kita a nɛ, kaa bɔ nɛ nyɛ nu kɛ je sisije ɔ, nɛ nyɛɛ hi si ngɛ suɔmi mi.

Kpojemi 21:22

I nɛ sɔlemi tsu ko ngɛ ma a mi, ejakaa Nyɔmtsɛ Mawu Ope ɔ kɛ Tobi ɔ ji e sɔlemi tsu.

Kpojemi 21:3

Nɛ i nu gbi ngua ko je matsɛ sɛ ɔ mi de ke: “Oʼɛ Mawu bo tsu ɔ ngɛ nimli a kpɛti, nɛ e maa hi a kpɛti, nɛ a maa pee e ma, nɛ Mawu nitsɛ kɛ mɛ maa hi si, nɛ e maa pee a Mawu.

Kpojemi 22:3

Nɛ musu ko musu ko be lejɛ ɔ hu. Mawu kɛ Tobi ɔ matsɛ sɛ ɔ maa ma si ngɛ e mi, nɛ e sɔmɔli ɔmɛ ma sɔmɔ lɛ,