Yohane 14:19 - Somi He Ɔ

¹⁹ E piɛ bɔɔ kɛkɛ nɛ je ɔ be mi nae hu; se nyɛ lɛɛ nyɛɛ ngɛ mi nae, ejakaa ye hɛ ngɛ, nɛ nyɛ hu nyɛ hɛ maa hi ngmengmle.

BAIBLO ALOO NGMAMI KLƆUKLƆU Ɔ

¹⁹ E piɛ bɔɔ pɛ nɛ je ɔ be mi nae hu; se nyɛɛ lɛɛ nyɛ maa na mi. Nɛ akɛnɛ i ngɛ wami mi ɔ, nyɛ hu nyɛ maa hi wami mi.

Yohane 14:19 ပူးပေါင်းရင်းမြစ်များ

Yohane 16:16

“E piɛ bɔɔ nɛ nyɛ be mi nae, nɛ jeha nɛ ɔ hu e piɛ bɔɔ nɛ nyɛ maa na mi; ejakaa i yaa Tsɛ ɔ ngɔ.”

Hebribi 7:25

Lɔ ɔ he hu ɔ e nyɛɔ nihi nɛ guu e nɔ kɛ baa Mawu ngɔ ɔmɛ a yi wami heɔ, ejakaa e ngɛ daa konɛ e da mi ha mɛ.

Yohane 7:33

Kɛkɛ nɛ Yesu de mɛ ke: “Be bɔɔ ko pɛ e piɛ nɛ i kɛ nyɛ maa hi si, nɛ ma ya nɔ nɛ tsɔ mi ɔ ngɔ.

Yohane 11:25

Yesu de lɛ ke: “Imi ji sitemi ɔ kɛ wami ɔ nɛ; nɔ nɛ heɔ ye nɔ yeɔ ɔ, ke e gbo tete po ɔ, e hɛ maa hi ngmengmle,

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

Yohane 16:22

Lɔ ɔ he ɔ nyɛ hu, jeha nɛ ɔ nyɛ ngɛ kɔmɔ yee mohu, se ma na nyɛ ekohu, nɛ nyɛ tsui maa nɔ nyɛ mi, nɛ nyɛ bua jɔmi ɔ, na ko be kpɔe ngɛ nyɛ dɛ.

Romabi 8:34

Mɛnɔ ji nɔ nɛ buu fɔ ɔ? Yesu Kristo nɔ nɛ e gbo, se nɔ́ nɛ pe kɔlɔ ɔ, nɔ nɛ a tle lɛ si hulɔ, nɛ e ngɛ Mawu hiɛ ɔ nɔ, nɛ e pa daa mi haa wɔ.

Romabi 5:10

Ejakaa ke be mi nɛ wa ji henyɛli ɔ nɛ a kɛ Mawu bi ɔ gbenɔ ba kpata waa kɛ Mawu kpɛti ɔ, jeha nɛ nɛ a kpata nɛ ɔ, a ma he wa yi wami hluu ngɛ e wami ɔ mi.

1 Korintobi 15:20

Se anɔkuale ɔ ji kaa, a tle Kristo si kɛ je gbeje, e pee kekleekle nɔ ngɛ nihi nɛ gbo ɔmɛ a kpɛti.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 13:33

Bimɛ tsɔwi, be bɔɔ kɛkɛ e piɛ nɛ i kɛ nyɛ maa hi si; nyɛ ma hla mi, nɛ bɔ nɛ i de Yudafo ɔmɛ ke: ‘He nɛ i yaa a, nyɛɛ lɛɛ nyɛ be lejɛ ɔ nyɛe maa bɛ’ a, jã i ngɛ nyɛ hu dee jeha nɛ ɔ nɛ.

Yohane 12:35

Yesu de mɛ ke: “Be kpiti kɛkɛ e piɛ ha la a ngɛ nyɛ kpɛti. Be abɔ nɛ nyɛ ngɛ la a nɛ ɔ ɔ, nyɛɛ nyɛɛ, konɛ diblii ko ba na nyɛ; se nɔ nɛ nyɛɛ diblii mli ɔ, e li he nɛ e yaa.

Yohane 8:21

Kɛkɛ nɛ Yesu kpale de mɛ ekohu ke: “Imi lɛɛ i yaa, se nyɛ ma hla mi, nɛ nyɛ he yayami mi nyɛ ma gbo ngɛ. He nɛ i yaa a, nyɛ be lejɛ ɔ nyɛe maa ba.”

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Ni Tsumi 10:41

tsa pi ma mluku ɔ tsuo, se mohu odase yeli nɛ Mawu hla ngɔ to momo ɔ, nɛ ji wɔ nihi nɛ waa kɛ lɛ ye ni nɛ waa kɛ lɛ nu, benɛ e te si kɛ je gbeje ɔ se ɔ.

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.