Yohane 14:17 - Somi He Ɔ

¹⁷ anɔkuale mumi ɔ nɛ je ɔ nyɛ we lɛ nɛ e ngɔ ɔ, mɛni he je ɔ, e nɛ́ lɛ, nɛ pohu e li lɛ; se nyɛɛ lɛɛ nyɛ le lɛ, ejakaa e kɛ nyɛ lɛ ngɛ, nɛ e maa hi nyɛ mi.

BAIBLO ALOO NGMAMI KLƆUKLƆU Ɔ

¹⁷ Lɛ ji anɔkuale mumi nɛ tsɔɔ nihi bɔ nɛ tutuutu nɛ Mawu ngɛ ɔ. Je mi bi ɔmɛ ngɔɛ lɛ, ejakaa a nɛ́ lɛ, nɛ a li lɛ hulɔ. Se nyɛɛ lɛ nyɛ le lɛ, ejakaa e kɛ nyɛ ngɛ, nɛ e ngɛ nyɛ mi.

Yohane 14:17 ပူးပေါင်းရင်းမြစ်များ

Mateo 10:20

Ejakaa pi nyɛ ji ninɛmɛ nɛ ngɛ munyu ɔ tue ɔ, se mohu nyɛ tsɛ ɔ mumi ɔ lɛ ngɛ munyu tue ngɛ nyɛ mi.

Yohane 14:16

Nɛ imi lɛɛ ma bi Tsɛ ɔ, nɛ e ma ha nyɛ Hepiɛlɔ kpa, konɛ e kɛ nyɛ nɛ hi si kɛ ya neneene;

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

Yohane 15:26

“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase;

Yohane 16:13

se ke anɔkuale Mumi ɔ na ba a, e maa tsɔɔ nyɛ anɔkuale ɔ kulaa mi blɔ; ejakaa e be lɛ nitsɛ e yi mi toe kɛ tu munyu, se mohu nɔ́ tsuaa nɔ́ nɛ e maa nu ɔ, kɔlɔ ɔ e ma de, nɛ nihi nɛ ma a, e maa wo nɔ ta de nyɛ.

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

1 Korintobi 14:15

Jeha nɛ kɛ ma pee kɛɛ? I kɛ mumi maa sɔle, nɛ i kɛ juɛmi hu maa sɔle. Ma fia kɛ mumi, nɛ ma la kɛ juɛmi hulɔ.

1 Korintobi 2:14

Se nɔmlɔ su nɛ a kɛ fɔ lɛ ɔ he we Mawu Mumi ɔ ni ɔmɛ; ejakaa e peɔ lɛ kaa kuasiahi a sane ʼi, nɛ e nɛ́ nya, ejaka mumi a kɛ hlaa nya.

1 Korintobi 3:16

Anɛ nyɛ li kaa Mawu sɔlemi tsu ji nyɛ nɛ Mawu Mumi ɔ hii nyɛ mi lo?

1 Korintobi 6:19

Anɛ nyɛ li kaa nyɛ nɔmlɔ tso ɔ Mumi Klɔuklɔu nɛ ngɛ nyɛ mi nɛ nyɛ na kɛ je Mawu ngɔ ɔ sɔlemi tsu ʼi, nɛ nyɛ pi nyɛ nitsɛmɛ nyɛ nɔ lo?

2 Korintobi 13:5

Nyɛɛ ka nyɛ nitsɛmɛ nyɛ he hyɛ kaa nyɛ ngɛ hemi kɛ yemi mi lo. Nyɛɛ hyɛ nyɛ nitsɛmɛ nyɛ he nɛ hi. Aloo nyɛ li nyɛ nitsɛmɛ nyɛ he kaa Yesu Kristo ngɛ nyɛ mi lo? Ke pi ja a, lɛɛ nihi nɛ sɛ kulaa ji nyɛ.

2 Korintobi 6:16

Nɛ jehanɛ hu, mɛni kake peemi Mawu sɔlemi we ɔ kɛ amagahi ngɛ? Ejakaa Mawu hɛ kalɔ ɔ sɔlemi tsu ji nyɛ, kaa bɔ nɛ Mawu de ke: “Ma hi a mi, nɛ ma nyɛɛ a kpɛti, Nɛ ma pee a Mawu, nɛ mɛ hu a maa pee ye ma.”

Galatabi 4:6

Se akɛnɛ bimɛ ji nyɛ he je ɔ, Mawu tsɔ e bi ɔ Mumi ɔ kɛ ba nyɛ tsui mi, nɔ nɛ kpaa ngmlaa ke: “Abba, Tsaatsɛ!”

Efesobi 2:22

nɔ nɛ mi nɛ a fia nyɛ hu ngɔ wo ngɔ pee Mawu sihi he ngɛ Mumi ɔ mi ɔ.

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

2 Timoteo 1:14

Ni kpakpahi nɛ a tu wo o dɛ ɔ buu he ngɛ Mumi Klɔuklɔu nɛ hii wa mi ɔ he wami nya!

1 Yohane 2:27

Se nyɛɛ lɛɛ nu pɔmi nɛ nyɛ na kɛ je e ngɔ ɔ hii nyɛ mi, nɛ e hia we nyɛ nɔ ko nɛ tsɔɔ nyɛ ni, se mohu bɔ nɛ e nu pɔmi ɔ tsɔɔ nyɛ nihi kulaa, nɛ e ji anɔkuale se pi lakpa a, he je ɔ, bɔ nɛ e tsɔɔ nyɛ ɔ, nyɛɛ hi e mi.

1 Yohane 3:24

Nɔ nɛ yeɔ e kita amɛ a nɔ ɔ hii Mawu mi, nɛ Mawu hu hii emi. Nɛ nɔ́ nɛ waa kɛ leɔ kaa e hii wa mi ji mumi nɛ e ngɔ ha wɔ ɔ.

1 Yohane 4:4

Bimɛ tsɔwi, nyɛɛ lɛɛ nyɛ je Mawu mi, nɛ nyɛ ye lakpa gbali ɔmɛ a nɔ kunimi; ejakaa mumi nɛ ngɛ nyɛ mi ɔ kle pe mumi nɛ ngɛ je ɔ mi ɔ.

1 Yohane 4:6

Se wɔɔ lɛɛ Mawu mi wa je; nɔ tsuaa nɔ nɛ le Mawu ɔ, e buɔ wɔ tue; nɔ tsuaa nɔ nɛ e ji Mawu mi ɔ e bui wɔ tue. Lɔ ɔ waa kɛ naa anɔkuale mumi ɔ kɛ lakpa mumi ɔ.

1 Yohane 5:7

Odase yeli etɛ lɛ ngɛ,

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”