Yohane 14:13 - Somi He Ɔ

¹³ Nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, lɔ ɔ ma pee, konɛ Tsɛ ɔ hɛ mi nɛ ba nyami ngɛ Bi ɔ mi.

BAIBLO ALOO NGMAMI KLƆUKLƆU Ɔ

¹³ Ke nyɛ kpa nɔ́ ko he pɛɛ ngɛ ye biɛ mi ɔ, ma pee; kɛkɛ ɔ, kɛ gu Bi ɔ nɔ ɔ, a maa wo Tsɛ ɔ hɛ mi nyami.

Yohane 14:13 ပူးပေါင်းရင်းမြစ်များ

Mateo 21:22

Nɛ nɔ́ tsuaa nɔ́ nɛ nyɛ maa sɔle ma bi kɛ hemi kɛ yemi ɔ, nyɛ nine maa su nɔ.”

Mateo 7:7

“Nyɛ bi, nɛ a ma ha nyɛ; nyɛ hla nɛ nyɛ maa na; nyɛ si, nɛ a ma bli ha nyɛ.

Marko 11:24

Lɔ ɔ he ɔ, i ngɛ nyɛ dee ke: Nihi abɔ kulaa nɛ nyɛ ma kpa he pɛɛ ngɛ nyɛ sɔlemi mi ɔ, nyɛ he ye kaa nyɛ ma na nɛ a kɛ ma ha nyɛ.

Luka 11:9

Nɛ imi hu i ngɛ nyɛ dee ke: Nyɛ bi, nɛ a ma ha nyɛ; nyɛ hla, nɛ nyɛ maa na; nyɛ si, nɛ a ma bli ha nyɛ.

Yohane 10:30

Imi kɛ Tsaatsɛ tsuo ɔ, kake ʼi.”

Yohane 12:44

Yesu de boboobo ke: “Nɔ nɛ heɔ ye nɔ yeɔ ɔ, pi ye nɔ nɛ e heɔ yeɔ, se mohu nɔ nɛ tsɔ mi ɔ.

Yohane 13:31

Benɛ Yuda je kpo se ɔ, Yesu ke: “Jeha nɛ ɔ a wo Nɔmlɔ Bi ɔ hɛ mi nyami, nɛ a wo Mawu hɛ mi nyami ngɛ e mi.

Yohane 14:14

Ke nyɛ kpa nɔ ko he pɛɛ ngɛ ye biɛ mi ɔ, ma pee.”

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 15:16

Tsa pi nyɛ nɛ nyɛ hla mi, se imi mohu lɛ i hla nyɛ, nɛ i to nyɛ konɛ nyɛ hu nyɛɛ ya nɛ nyɛ ya wo yiblii, nɛ nyɛ yiblii ɔ nɛ hi si; konɛ nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ngɔ ha nyɛ.

Yohane 15:7

Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ.

Yohane 16:23

“Jamɛ a ligbi ɔ nɔ ɔ, nyɛ be mi nɔ́ ko nɔ́ bie. I ngɛ nyɛ dee anɔkuale mi ke: Nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ma ha nyɛ.

Yohane 16:26

Jamɛ a ligbi ɔ nɔ ɔ, nyɛ ma kpa pɛɛ ngɛ ye biɛ mi, se i de we nyɛ ke imi lɛ ma bi Tsɛ ɔ ha nyɛ,

Yohane 16:7

Se kɛ̃ ɔ, i ngɛ nyɛ anɔkuale dee: e hi ha nyɛ kaa ma je; mɛni he je ɔ, ke i ji ɔ, Hepiɛlɔ ɔ be nyɛ ngɔ bae; se ke i je ɔ, ma ha e ba nyɛ ngɔ.

Yohane 4:10

Yesu he nɔ nɛ e de lɛ ke: “Kaa o le Mawu nɔke nɔ́ ɔ kɛ nɔ nɛ ngɛ mo dee ke: ‘Ha mi eko ma nu’ ɔ, jinɛ mo mohu o maa ba lɛ nɛ e ha mo wami nyu.”

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Yohane 5:19

Lɔ ɔ he ɔ Yesu he nɔ nɛ e de mɛ ke: “I ngɛ nyɛ dee anɔkuale mi ke: Bi ɔ nitse be e yi mi nyɛe maa to kɛ pee nɔ ko, ja nɔ nɛ se naa kaa Tsɛ ɔ peɔ ɔ; ejakaa nihi tsuo nɛ Tsɛ ɔ peɔ ɔ, kɔlɔ ɔmɛ nɔuu Bi ɔ hu peɔ.

Yohane 7:37

Nyagbe ligbi nɛ ji nyami ligbi ɔmɛ a kpɛti ligbi ngua a nɔ ɔ, Yesu ya da si nɛ e wo e nya nɔ nɛ e de ke: “Ke kuma ngɛ nɔ ko tɔe ɔ, e ba ye ngɔ nɛ e ba nu nyu;

1 Korintobi 14:13

Lɔ ɔ he ɔ, nɔ nɛ tuɔ munyu kɛ lilɛ slɔɔto ko ɔ, e sɔle konɛ e nyɛ sisi hu nɛ e tsɔɔ.

Efesobi 2:18

ejakaa e nɔ wɔ ni enyɔ ɔmɛ kulaa guu kɛ naa blɔ ngɛ mumi kake mi kɛ yaa Tsɛ ɔ ngɔ.

Efesobi 3:12

nɔ nɛ nɔ hemi kɛ yemi mi wa gu kɛ na kã kɛ he blɔ ngɛ hɛ kɛ nɔ fɔmi mi ɔ.

Efesobi 3:14

Enɛ ɔ he je ɔ, i kplaa si haa Tsɛ ɔ,

Filipibi 4:13

I nyɛɔ nihi kulaa peɔ ngɛ kristo, nɔ nɛ woɔ ni he wami ɔ mi.

Kolosebi 3:17

Nɛ nɔ́ tsuaa nɔ́ nɛ nyɛ ngɛ pee ngɛ munyu tumi loo ni tsumi blɔfami ɔ, nyɛɛ pee kulaa ngɛ Yesu Kristo biɛ mi, nɛ nyɛɛ gu e nɔ kɛ na Mawu kɛ Tsɛ ɔ si.

Hebribi 13:15

Lɛɛ nyɛ ha nɛ waa gu Yesu nɔ nɛ waa kɛ yi jemi bɔ ba ha Mawu daa; kɔlɔ ɔ ji waa jaje e biɛ ɔ yi jemi kɛ wa nya.

Hebribi 4:15

Ejakaa wa osɔfo nɔkɔtɔma nɛ wa ngɛ ɔ, e pi nɔ nɛ be nyɛe maa nu wa gbɔjɔmi ɔmɛ a he ha wɔ, se e ji nɔ ko nɛ a ka lɛ ngɛ nihi kulaa blɔfami kaa wɔ, nɛ kɛ̃ ɔ yayami ko yayami ko be e he.

Hebribi 7:25

Lɔ ɔ he hu ɔ e nyɛɔ nihi nɛ guu e nɔ kɛ baa Mawu ngɔ ɔmɛ a yi wami heɔ, ejakaa e ngɛ daa konɛ e da mi ha mɛ.

Yakobo 1:5

Se ke e hia nyɛ ti nɔ ko ni lemi ɔ, e kpa Mawu nɛ haa nihi kulaa faa kɛ bua jɔmi nɛ e ka we nɔ hɛ mi ɔ pɛɛ, nɛ e ma ngɔ ha lɛ.

Yakobo 5:16

Nyɛɛ jaje nyɛ he yayami ɔmɛ ngɔ tsɔɔ nyɛ he, nɛ nyɛɛ sɔle ngɔ ha nyɛ he, konɛ a tsa nyɛ. Dalɔ sɔlemi nɛ mi wa a nyɛɔ nihi babauu tsuɔ.

1 Petro 2:5

nɛ nyɛ hu, nyɛ ha a ngɔ nyɛ kaa tɛ nɛ hɛ ngɛ nɛ a kɛ fia mumi mi sɔlemi tsu nɛ nyɛɛ pee osɔfohi a weku konɛ nyɛɛ sã mumi mi bɔ nɛ sa Mawu hɛ mi kɛ gu Yesu Kristo nɔ.

1 Yohane 3:22

Nɛ nɔ́ tsuaa nɔ́ nɛ wa baa iɛ ɔ, wa naa kɛ jee e dɛ mi, ejakaa e kita amɛ ɔ, wa yeɔ nɔ, nɛ wa peɔ nihi nɛ sa e hɛ mi.

1 Yohane 5:14

Nɛ enɛ ɔ ji ka nɛ wa ngɛ ngɛ e hɛ mi ɔ, kaa, ke wa ba nɔ́ ko ngɛ e suɔmi nya a, e buɔ wɔ tue.