Yohane 14:12 - Somi He Ɔ

¹² Anɔkuale mi, i ngɛ nyɛ dee ke: Nɔ nɛ heɔ ye nɔ yeɔ ɔ, ni tsumihi nɛ i tsuɔ ɔ, lɛ hu e ma tsu, nɛ e ma tsu nihi nɛ pe kɔlɔ ɔmɛ tete, ejakaa i yaa Tsɛ ɔ ngɔ.

BAIBLO ALOO NGMAMI KLƆUKLƆU Ɔ

¹² I ngɛ nyɛ dee anɔkuale mi ke, nɔ tsuaa nɔ nɛ heɔ mi yeɔ ɔ, níhi nɛ i tsuɔ kɛ toɔ okadi ɔ, lɛ hu e ma tsu. Ee, e maa pee níhi nɛ pe enɛ ɔmɛ tete po, ejakaa i je kɛ yaa Tsaatsɛ ngɔ.

Yohane 14:12 ပူးပေါင်းရင်းမြစ်များ

Mateo 21:21

Se Yesu he nɔ nɛ e de mɛ ke: “Niinɛ, i ngɛ nyɛ dee ke: ke nyɛ ngɛ hemi kɛ yemi nɛ nyɛ ji nguane ɔ, pi nɔ́ nɛ a pee ngmɔkɔ tso nɛ ɔ kɛkɛ nɛ nyɛ maa pee; se ke nyɛ de yoku nɛ ɔ tete ke: ‘Hia nɛ o ya nɔ wo mi’ ɔ, e maa ba mi ja.

Marko 11:13

Nɛ e na ngmɔkɔ tso ko ngɛ lokoo nɛ ba ngɛ yi, nɛ e ho ya hyɛ kaa alinɔ e maa na nɔ ko ngɛ nɔ lo. Se benɛ e su he ɔ, e nɛ nɔ́ ko kaa ja ba sɔuu, ejakaa ngmɔkɔ womi be sui lolo.

Marko 16:17

Se okadihi nɛ maa nyɛɛ ninɛmɛ nɛ heɔ yeɔ ɔmɛ a se ji nɛ ɔmɛ nɛ: Ye biɛ mi ɔ, sa maa hia mumi yayamihi; a maa tu munyu hehi;

Yohane 14:28

Nyɛ nu kaa i de nyɛ ke: ‘I yaa, nɛ ma ba nyɛ ngɔ.’ Nyɛ suɔ mi jinɛ nyɛ ma na bua jɔmi kaa i yaa Tsɛ ɔ ngɔ, ejakaa Tsaatsɛ kle pe mi.

Yohane 16:7

Se kɛ̃ ɔ, i ngɛ nyɛ anɔkuale dee: e hi ha nyɛ kaa ma je; mɛni he je ɔ, ke i ji ɔ, Hepiɛlɔ ɔ be nyɛ ngɔ bae; se ke i je ɔ, ma ha e ba nyɛ ngɔ.

Yohane 4:37

Ejakaa enɛ ɔ mi nɛ munyu nɛ a de ke: ‘Nɔ ko duɔ nɛ nɔ ko kpaa’ a baa mi ngɛ.

Yohane 5:20

Ejakaa Tsɛ ɔ suɔ Bi ɔ, nɛ e tsɔɔ lɛ nihi kulaa nɛ lɛ nitse e peɔ ɔ, nɛ e maa tsɔɔ lɛ ni tsumi nguahi nɛ pe enɛ ɔmɛ tete, nɛ nyɛ nya maa kpɛ nyɛ he.

Yohane 7:33

Kɛkɛ nɛ Yesu de mɛ ke: “Be bɔɔ ko pɛ e piɛ nɛ i kɛ nyɛ maa hi si, nɛ ma ya nɔ nɛ tsɔ mi ɔ ngɔ.

Yohane 7:39

Mumi ɔ nɛ nihi nɛ heɔ e nɔ yeɔ ɔ ma na a he nɛ e de enɛ ɔ ɔ nɛ; se Mumi Klɔuklɔu ɔ na we nɛ e ba, ejakaa a na we nɛ a wo Yesu hɛ mi nyami.

Ni Tsumi 10:46

Ejakaa a nu kaa a ngɛ ma se munyuhi slɔɔtohi tue, nɛ a ngɛ Mawu yi jee. Kɛkɛ nɛ Petro he nɔ ke:

Ni Tsumi 16:18

Nɛ e pee ja ligbihi fuu. Se e dɔ Paulo wawɛɛ, nɛ e plɛ e he nɛ e de mumi ɔ ke: “I ngɛ mo fae ngɛ Yesu Kristo biɛ mi kaa o je e mi.” Nɛ e je kpo ngɛ jamɛ a ngmlɛfia a nɔ nɔuu.

Ni Tsumi 19:12

hluu po nɛ a ngɔɔ e dukuhi kɛ e tade hɛ mi hami bohi tete ya haa hiɔtsɛmɛ a nɔ nɛ a hiɔ ɔmɛ jɔɔ, nɛ mumi yayami ɔmɛ hu jee a mi.

Ni Tsumi 2:33

Jeha nɛ ɔ akɛnɛ a wo e nɔ kɛ ho Mawu hiɛ ɔ nine nɔ ya nɛ e na Mumi Klɔuklɔu ɔ he si womi ɔ kɛ je Tsɛ ɔ dɛ he je ɔ, e nɛ nɔ́ nɛ nyɛ ngɛ nae nɛ nyɛ ngɛ nue nɛ ɔ ngɔ pue si.

Ni Tsumi 2:41

Kɛkɛ nɛ nihi nɛhe e munyu ɔ ye ngɛ tsui mi jɔmi nya a, a baptisi mɛ, nɛ jamɛ a ligbi ɔ nɔuu ɔ, a ngɔ klaahi maa pee akpe etɛ ngɔ piɛ a he.

Ni Tsumi 4:16

nɛ a ke: “Kɛ wa maa pee nimli nɛ ɔmɛ kɛɛ? ejakaa okadi ngua nɛ a pee ɔ ngɛ pãa ngɛ ni ɔmɛ kulaa nɛ ngɛ Yerusalem ɔ hɛ mi, nɛ wa be nyɛe ma kua.

Ni Tsumi 4:33

He wami kpetekpleenyɛ bɔfo ɔmɛ kɛ ye Nyɔmtsɛ Yesu sitemi ɔ he odase nɛ dloomi kpetekpleenyɛ ngɛ mɛ tsuo kulaa a nɔ.

Ni Tsumi 4:4

Se nihi nɛ nu munyu ɔ a kpɛti nihi fuu he ye, nɛ nyumu ɔmɛ a yibɔ maa su akpe enyɔ.

Ni Tsumi 5:15

hluu tete po nɛ a woɔ hiɔtsɛmɛ kɛ baa blɔ ɔmɛ a he ba pueɔ sahi kɛ sa tsohi a nɔ, konɛ ke Petro bee ɔ, e nini kɛkɛ nɛ pue a ti ni kome a nɔ.

Ni Tsumi 6:7

Nɛ Mawu munyu ɔ blɛke, nɛ kaseli ɔmɛ a he ba hiɛ babauu ngɛ Yerusalem; nɛ osɔfo ɔmɛ tete po a kpɛti nihi fuu buɔ hemi kɛ yemi ɔ tue.

Ni Tsumi 8:7

Ejakaa nihi fuu nɛ mumi yayamihi ngɛ a mi ɔ mumi ɔmɛ kpa ngmlaa wawɛɛ nɛ a je a mi, nɛ a tsa nihi nɛ hule kɛ akpaketsɛmɛ fuu hulɔ.

Ni Tsumi 9:34

Nɛ Petro de lɛ ke: “Ainea, Yesu Kristo ngɛ mo tsae; tee si nɛ mo nitsɛ o dla o sa a!” Nɛ amlɔ ɔ, e te si.

Ni Tsumi 9:40

Nɛ Petro fie mɛ kulaa kɛ je kpo, nɛ e kpla si nɛ e sɔle, nɛ e plɛ e he kɛ ya nɔ gbogboe ɔ ngɔ nɛ e ke: “Tabita, tee si!” Nɛ e bli e hɛngmɛ, nɛ benɛ e na Petro ɔ, e te si hi si.

Romabi 15:19

ngɛ okadihi kɛ nyakpɛ nihi a he wami mi, ngɛ Mawu Mumi he wami mi; enɛ ɔ he nɛ i je Yerusalem kɛ bɔle si hluu kɛ ya su Ilirikum, nɛ i fiɛ Kristo Sane Kpakpa a kɛ gbe nya a nɛ.