Yohane 13:27 - Somi He Ɔ

²⁷ Nɛ nyamiwo bɔ ɔ se pɛ nɛ Satan sɛ e mi. Jeha nɛ ɔ Yesu de lɛ ke: “Nɔ́ nɛ o ngɛ pee ɔ, pee nɛ e sɔ!”

BAIBLO ALOO NGMAMI KLƆUKLƆU Ɔ

²⁷ Amlɔ nɔuu nɛ Yuda sɔle abolo ɔ, Abosiami sɛ e mi. Yesu de lɛ ke, “Nɔ nɛ o ngɛ pee ɔ, pee esɔ.”

Yohane 13:27 ပူးပေါင်းရင်းမြစ်များ

Luka 22:3

Kɛkɛ nɛ Abosiami ya sɛ Yuda, nɔ nɛ a tsɛɛ lɛ Iskariot nɛ ji ni nyɔngma kɛ enyɔ ɔmɛ a kpɛti nɔ kake ɔ mi.

Yohane 13:2

Nɛ benɛ a ngɛ ni yee ɔ, blɔɔ abosiami ngɔ wo Yuda Iskariot, Simon bi ɔ, tsui mi momo kaa e tsɔɔ Yesu se blɔ.

Ni Tsumi 5:3

Se Petro ke: “Anania, mɛni he je Satan hyi o tsui mi tɔ, nɛ o ye lakpa ngɔ tsɔɔ Mumi Klɔuklɔu ɔ, nɛ o kɛ zugba a yi ni ɔ fã ko to se?

Mateo 12:45

Kɛkɛ ɔ, e yaa nɛ e ya ngɔɔ mumi kpahi kpaago nɛ ji mumi yayamihi pe lɛ kɛ piɛɛ e he; nɛ a baa ba hii lejɛ ɔ; nɛ jamɛ a nɔmlɔ ɔ nyagbe si himi ɔ plɛɔ yayami pe kekle nɔ ɔ. Ja nɔuu e maa ba mi ngɛ yi nɔ yaya nɛ ɔ hu he.”

Marko 6:25

Nɛ amlɔ ɔ e ba matsɛ ɔ ngɔ oya nɛ e ba de lɛ ke: “I ngɛ hlae nɛ o ngɔ Yohane Baptisilɔ ɔ yi ngɔ ha mi amlɔ nɛ ɔ nɔuu ngɛ ka mi.”

Mateo 4:10

Kɛkɛ nɛ Yesu de lɛ ke: “Jee ye nɔ, Satan! ejakaa a ngma ke: ‘Nyɔmtsɛ, o Mawu ɔ, o ja, nɛ lɛ kɛkɛ o sɔmɔ!’ ”

Yohane 6:70

Yesu he nɔ nɛ e de mɛ ke: “Anɛ pi nyɛ ni nyɔngma kɛ enyɔ nɛ i hla lo? Se nyɛ kpɛti nɔ kake ɔ abosiami ʼi.”

Yohane 13:28

Se nihi nɛ hii si ngɛ okplɔɔ ɔ he ɔ a ti nɔ ko nɔ ko li nɔ́ he je nɛ e de lɛ ja a.