Yohane 12:46 - Somi He Ɔ

⁴⁶ Imi lɛɛ i ba je ɔ mi kaa la, konɛ nɔ tsuaa nɔ nɛ heɔ ye nɔ yeɔ ɔ, e ko hi diblii ɔ mi.

BAIBLO ALOO NGMAMI KLƆUKLƆU Ɔ

⁴⁶ Imi lɛɛ i ba je ɔ mi kaa la, konɛ nɔ tsuaa nɔ nɛ heɔ mi yeɔ ɔ, e ko hi diblii ɔ mi.

Yohane 12:46 ပူးပေါင်းရင်းမြစ်များ

Yohane 8:12

Kɛkɛ nɛ Yesu kɛ mɛ tu munyu ekohu nɛ e ke: “Imi ji je ɔ la a nɛ. Nɔ nɛ nyɛɛ ye se ɔ, e be diblii mi nyɛe gblegbleegblee, se mohu e ma na wami la a.”

Yohane 9:5

Be abɔ nɛ i ngɛ je ɔ mi nɛ ɔ, je ɔ la ji mi.”

Ni Tsumi 26:18

nɛ o ya bli a hɛngmɛ komɛ a kpale kɛ je diblii mi kɛ ba la he, kɛ je abosiami he wami mi kɛ ba Mawu ngɔ, nɛ a na a he yayami pami kɛ gbo si ni ngɛ nihi nɛ a kɛ ye nɔ hemi kɛ yemi pee mɛ klɔuklɔu ɔmɛ a kpɛti.’ ”

Yohane 3:19

Se kojomi ɔ ji nɛ ɔ nɛ, kaa la a ba je ɔ mi, nɛ nimli suɔ diblii ɔ mohu pe la a, ejakaa a ni tsumi ɔmɛ ɔ yayami ʼi;

Yohane 1:9

La nitse nɛ tsoo haa nɔ tsuaa nɔ ɔ lɛ ma je ɔ mi ɔ nɛ.

Mateo 4:16

Ma nɛ hii si ngɛ diblii mi ɔ na la kpetekpleenyɛ, nɛ ninɛmɛ nɛ hii si ngɛ gbenɔ zugba kɛ e hɔ́ ɔ mi ɔ, la te si ha mɛ!”

Efesobi 5:14

Lɔ ɔ he nɛ a de ke: “O hɛ nɛ tsɛ, mo nɔ nɛ o ngɛ mahɛ hwɔe ɔ, Nɛ o te si kɛ je gbeje, Nɛ Kristo maa tso ha mo” ɔ, nɛ!

Luka 2:32

La nɛ ma bli majemajeli ɔmɛ a hɛ Nɛ maa wo o ma Israel hɛ mi nyami ɔ,

Yohane 9:39

Nɛ Yesu ke: “Kojomi he nɛ i ba je nɛ ɔ mi ngɛ, konɛ nihi nɛ hyɛ we nɔ ɔ, a hyɛ, nɛ nihi nɛ ngɛ hyɛe ɔ, a plɛ hɛ yuyuli.”