Yohane 12:43 - Somi He Ɔ

⁴³ ejakaa a suɔ nimli a hɛ mi nyami pe Mawu nɔ́.

BAIBLO ALOO NGMAMI KLƆUKLƆU Ɔ

⁴³ A suɔ kaa a sa nimli a hɛ mi pe nɛ a maa pee nɔ nɛ sa Mawu hɛ mi.

Yohane 12:43 ပူးပေါင်းရင်းမြစ်များ

Yohane 5:44

Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

Yohane 5:41

“I hla we nimli a hɛ mi nyami.

Luka 16:15

Nɛ Yesu de mɛ ke: “Nyɛ ji nihi nɛ nyɛ buu nyɛ he bemi ngɛ nimli a hɛ mi; se Mawu lɛɛ e le nyɛ tsuihi a mi, ejakaa nɔ nɛ ji gojoo ngɛ nimli a hɛ mi ɔ, eji nɔ ko nɛ Mawu nyɛɛ.

1 Tesalonikabi 2:6

jehanɛ wa hla we nimli a hɛ mi nyami ngɛ nyɛ ngɔ aloo ni kpa komɛ a ngɔ,

2 Korintobi 10:18

Ejakaa pi nɔ nɛ jeɔ e he yi ɔ ji nɔ nɛ sa, se mohu nɔ nɛ Nyɔmtsɛ ɔ jeɔ e yi ɔ.

Mateo 6:2

“Lɔ ɔ he ɔ ke o ngɛ kpakpa pee ɔ, ko kpa titimati ngɛ o hlami, kaa bɔ nɛ osatotsɛmɛ ɔmɛ peɔ ngɛ kpe hehi kɛ magbɛ ɔmɛ a nɔ konɛ nihi nɛ je a yi ɔ. I ngɛ nyɛ dee anɔkuale mi ke: A nine su a hiɔwo nɔ mo.

1 Korintobi 4:5

Lɔ ɔ he ɔ nyɛ ko kojo nɔ ko loko e su be ɔ, kɛ yaa su be nɛ Nyɔmtsɛ ɔ maa ba, nɔ nɛ kɛ diblii mi nihi nɛ a kɛ laa a tete maa ba la hɛ mi nɛ e ma je tsuihi a mi juɛmi ɔmɛ a si ɔ. Lɔ ɔ mi ɔ, nɔ tsuaa nɔ ma na e yi jemi kɛ maa je Mawu dɛ mi.

Yohane 12:26

Ke nɔ ko ngɛ mi sɔmɔe ɔ, e nyɛɛ ye se, nɛ he nɛ i ngɛ ɔ, lejɛ ɔ ye sɔmɔlɔ ɔ hu maa hi. Ke nɔ ko ngɛ mi sɔmɔe ɔ, Tsaatsɛ maa wo lɛ.”

Yohane 8:54

Yesu he nɔ ke: “Ke i wo imi nitsɛ ye hɛ mi nyami ɔ, ye hɛ mi nyɛmi ɔ pi nɔ́ ko. Tsaatsɛ ji nɔ nɛ woɔ ye hɛ mi nyami, nɔ nɛ nyɛ deɔ ke nyɛ Mawu ji lɛ ɔ,

Luka 19:17

Nɛ e de lɛ ke: ‘Ayekoo, sɔmɔlɔ kpakpa, akɛnɛ o ye anɔkuale ngɛ nɔ nyafii kulaa mi he ɔ, ye ma nyɔngma nɔ.’

1 Petro 3:4

se mohu nyɛ he fɛu ɔ, a na ngɛ nyɛ tsui mi, ngɛ mumi nɛ he jɔ nɛ ngɛ kpoo nɛ puɛ we ɔ mi, kɔlɔ ɔ ji nɔ nɛ he jua wa ngɛ Mawu hɛ mi.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Yohane 7:18

Nɔ nɛ toɔ lɛ nitsɛ e yi mi nɛ e tuɔ munyu ɔ, lɛ nitsɛ e hɛ mi nyami e ngɛ hlae, se nɔ nɛ hlaa nɔ nɛ tsɔ lɛ ɔ hɛ mi nyami ɔ, lɛɛ anɔkualetsɛ ji lɛ, nɛ nɔ́ nɛ dɛ blɔ ko be e mi.

Romabi 2:29

se mohu nɔ nɛ ji Yudafo no ngɛ mi mi je ɔ lɛ ji Yuda no; nɛ tsui mi nɔ pomi nɛ ngɛ mumi mi, nɛ pi ngmami okadi mi ɔ, ji nɔ pomi nɛ e yi jemi ɔ ji nimli a ngɔ, se mohu Mawu ngɔ e jee.