Yohane 12:35 - Somi He Ɔ

³⁵ Yesu de mɛ ke: “Be kpiti kɛkɛ e piɛ ha la a ngɛ nyɛ kpɛti. Be abɔ nɛ nyɛ ngɛ la a nɛ ɔ ɔ, nyɛɛ nyɛɛ, konɛ diblii ko ba na nyɛ; se nɔ nɛ nyɛɛ diblii mli ɔ, e li he nɛ e yaa.

BAIBLO ALOO NGMAMI KLƆUKLƆU Ɔ

³⁵ Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yohane 12:35 ပူးပေါင်းရင်းမြစ်များ

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ ye nɔ yeɔ ɔ, e ko hi diblii ɔ mi.

Yohane 16:16

“E piɛ bɔɔ nɛ nyɛ be mi nae, nɛ jeha nɛ ɔ hu e piɛ bɔɔ nɛ nyɛ maa na mi; ejakaa i yaa Tsɛ ɔ ngɔ.”

Efesobi 5:8

Ejakaa sa a diblii ji nyɛ, se jahanɛ ɔ nyɛ plɛ la ngɛ Nyɔmtsɛ ɔ mi. Lɛɛ nyɛɛ nyɛɛ kaa la bimɛ mɔ.

Yohane 8:12

Kɛkɛ nɛ Yesu kɛ mɛ tu munyu ekohu nɛ e ke: “Imi ji je ɔ la a nɛ. Nɔ nɛ nyɛɛ ye se ɔ, e be diblii mi nyɛe gblegbleegblee, se mohu e ma na wami la a.”

Yohane 11:10

Se ke nɔ ko nyɛɛ nyɔ mi ɔ e tɛɔ si, ejakaa la be e mi.”

Yohane 12:36

Be abɔ nɛ nyɛ ngɛ la a nɛ ɔ ɔ, nyɛ he la a nɔ ngɔ ye, konɛ nyɛ plɛ la bimɛ.” Yesu de ni nɛ ɔmɛ, nɛ e ho nɛ e ya laa e he.

Yohane 7:33

Kɛkɛ nɛ Yesu de mɛ ke: “Be bɔɔ ko pɛ e piɛ nɛ i kɛ nyɛ maa hi si, nɛ ma ya nɔ nɛ tsɔ mi ɔ ngɔ.

2 Korintobi 3:14

Se mohu a nga a juɛmi nya. Ejakaa kɛ ba su mwɔnɛ ligbi nɛ ɔ nɔ ɔ, jamɛ a hɛ mi hami nɔ́ ɔ nɔuu lɛ ha Somi Momo ɔ kanemi ɔ nɔ; ejakaa Kristo mi pɛ nɛ e se poo ngɛ.

Yohane 11:9

Yesu he nɔ ke: “Anɛ pi ngmlɛfia nyɔngma kɛ enyɔ nɛ ngɛ ligbi kake mi lo? Ke nɔ ko nyɛɛ piani ɔ, e tɛ we si, mɛni he je ɔ, e naa je nɛ ɔ mi la a.

Galatabi 6:10

Lɔ ɔ he ɔ, akɛnɛ wa ngɛ deka he je ɔ, nyɛ ha waa pee nihi tsuo kpakpa, se titli ɔ, ninɛme nɛ ji hemi kɛ yemi ɔ mi bi ɔmɛ.

Luka 18:37

Nɛ a de lɛ ke Yesu Nazareno ɔ lɛ bee.