Yohane 12:29 - Somi He Ɔ

²⁹ Kɛkɛ nɛ nihi nɛ daa si ngɛ lejɛ ɔ nɛ a nu ɔ de ke: “Hiɔwe si;” ni komɛ hu ke: “Hiɔwe bɔfo ko kɛ lɛ tu munyu.”

BAIBLO ALOO NGMAMI KLƆUKLƆU Ɔ

²⁹ Benɛ nimli kpekpemi ɔ nɛ daa si ngɛ lejɛ ɔ nu gbi ɔ, a ti ni komɛ de ke, “Hiɔwe si”; nɛ ni komɛ hu de ke, “Hiɔwe bɔfo ko kɛ lɛ tu munyu.”

Yohane 12:29 ပူးပေါင်းရင်းမြစ်များ

Kpojemi 14:2

Nɛ i nu gbi ko kɛ je hiɔwe kaa nyu babauu pɛmi, nɛ jehanɛ hu kaa hiɔwe simi wawɛɛ pɛmi. Gbi nɛ i nu ɔ ngɛ kaa sakufiali nɛ hɛɛ a sakuhi nɛ a ngɛ fiae ɔ a gbi.

Kpojemi 11:19

Nɛ a bli Mawu sɔlemi tsu ɔ nya ngɛ hiɔwe, nɛ a na e somi daka a ngɛ sɔlemi tsu ɔ mi, nɛ oslaba, kɛ gbi kɛ hiɔwe simi kɛ zugba mimiɛmi kɛ gbiɛ ngo ngu loo hiɔmi tɛ babauu ba.

Kpojemi 8:5

Nɛ hiɔwe bɔfo ɔ wo tsopa kɛ e he via sami nɔ́ ɔ, nɛ e je bɔ sami latɛ ɔ nɔ la a eko ngɔ wo mi tɔtɔɔtɔ, nɛ e ngɔ hɛ pue zugba a nɔ, nɛ hiɔwe simi kɛ gbihi kɛ oslaba gbami kɛ zugba mimiɛmi ba.

Kpojemi 6:1

Kɛkɛ nɛ i na kaa Tobi ɔ tsɔ nya sɔumi kpaago ɔ kake; nɛ i nu kaa hɛ kali eywiɛ ɔmɛ a kpɛti nɔ kake kɛ gbi nɛ ngɛ kaa hiɔwe simi de ke: “Ba nɛ o ba hyɛ!”

Ni Tsumi 9:7

Kɛkɛ nɛ nyumuhi nɛ kɛ lɛ nyɛɛ ɔmɛ a nya ma kɛ daa si, a ngɛ gbi ɔ nue mohu se a nɛ nɔ ko nɔ ko.