Yohane 12:27 - Somi He Ɔ

²⁷ “Jeha nɛ ɔ ye klaa ngɛ haoe, nɛ mɛni ma de? Tsaatsɛ, he mi ngɛ ngmlɛfia nɛ ɔ mi! Pohu enɛ ɔ he nɔuu i ba ngɛ a ngmlɛfia nɛ ɔ mi.

BAIBLO ALOO NGMAMI KLƆUKLƆU Ɔ

²⁷ Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Yohane 12:27 ပူးပေါင်းရင်းမြစ်များ

Yohane 12:23

Nɛ Yesu he nɔ nɛ e ke: “Ngmlɛfia a nɛ a maa wo Nɔmlɔ Bi ɔ hɛ mi nyam ɔ su.

Hebribi 5:7

Ngɛ Yesu he lo be ɔmɛ a mi ɔ, e ngɔ sɔlemi kɛ pɛɛ kpami nɛ ngmlaa kpami nɛ nya wa kɛ vo nyu piɛ he sa bɔ ha nɔ nɛ ngɛ he wami nɛ e kɛ ma he lɛ kɛ je gbenɔ mi ɔ, nɛ a bu lɛ tue hulɔ, ejakaa e buu Mawu.

Yohane 13:21

Benɛ e de ni nɛ ɔmɛ ɔ, e hao ngɛ mumi mi, nɛ e gba mi kpoo nɛ e de ke: “I ngɛ nyɛ dee anɔkuale mi ke: Nyɛ ti nɔ kake maa tsɔɔ ye se blɔ.”

Mateo 26:42

E pue nɔ kɛ ho ekohu nɔ nɛ ji si enyɔ, nɛ e ya sɔle ke: “Tsaatsɛ, ke kplu nɛ ɔ be nyɛe ye he bemi kɛ ho kaa ja i nu ɔ, a pee bɔ nɛ o suɔ.”

Hebribi 2:14

Lɔ ɔ he ɔ akɛnɛ bimɛ ɔmɛ hɛɛ he lo kɛ muɔ he je ɔ, lɛ hu e ngɔ kɔlɔ ɔ nɔuu eko kaa mɛ, konɛ e gu gbenɔ nɔ kɛ kpata nɔ nɛ ngɛ gbenɔ nɔ he wami nɛ ji abosiami ɔ hɛ mi,

Luka 22:44

Nɛ benɛ e he ngɛ lɛ hiae ɔ, e ha e sɔlemi ɔ mi wa. Nɛ e he latsa plɛ kaa muɔloku nɛ ngɛ tslee kɛ ngɛ si puee.]

Yohane 18:37

Lɔ ɔ he ɔ Pilato bi lɛ ke: “Lɛɛ matsɛ ji mo kɛ̃ lo?” Yesu he nɔ ke: “Jã o de ɔ nɛ; ejakaa matsɛ ji mi. Imi lɛɛ enɛ ɔ he a fɔ mi, nɛ enɛ ɔ he nɔuu i ba je ɔ mi ngɛ, konɛ ma ba ye anɔkuale ɔ he odase. Nɔ tsuaa nɔ nɛ je anɔkuale ɔ mi ɔ nuɔ ye gbi.”

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ wo we nyɛ nine nɔ ngɛ ye nɔ; se nyɛ ngmlɛfia a kɛ diblii ɔ he wami ji nɛ ɔ nɛ!”

1 Timoteo 1:15

E ji anɔkuale munyu nɛ sa kaa a pɛtɛ he kulaa, kaa Kristo Yesu ba je nɛ ɔ mi, nɛ e ba he yayami peeli a yi wami, nihi a kpɛti nɛ imi ji titima a;

Yohane 11:41

Kɛkɛ nɛ a je tɛ ɔ ngɛ he nɛ nɔ gbogboe ɔ fɔɔ si ngɛ ɔ. Nɛ Yesu wo e hɛ nɔ nɛ e hyɛ hiɔwe, nɛ e ke: “Tsaatsɛ, i naa mo si kaa o bu mi tue.

Mateo 11:25

Jamɛ a be ɔ mi ɔ, Yesu he nɔ nɛ e de ke: “I ngɛ o yi jee, Tsaatsɛ, hiɔwe kɛ zugba nyɔmtsɛ, kaa o ngɔ ni nɛ ɔmɛ ngɔ laa ga leli kɛ ni leli, nɛ o je tsɔɔ bimwɔwi;

Mateo 11:26

Ee, Tsaatsɛ, bɔ nɛ sa o hɛ mi ji ja.

Mateo 26:45

Kɛkɛ nɛ e ba e kaseli ɔmɛ a ngɔ, nɛ e de mɛ ke: “Nyɛɛ lɛɛ nyɛ he mi jɔ nyɛ nɛ nyɛ ngɛ mahɛ hwɔe nɛ ɔ? Oʼɛ, ngmlɛfia a su ta, nɛ a maa ngɔ Nɔmlɔ Bi ɔ ngɔ wo yayami peeli a dɛ mi.