Yohane 11:52 - Somi He Ɔ

⁵² nɛ pi ngɛ ma a kɛkɛ nane mi, se benɛ pee nɛ e bua Mawu bimɛ nɛ gbɛ fia a hu nya ngɔ pee kake.

BAIBLO ALOO NGMAMI KLƆUKLƆU Ɔ

⁵² Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Yohane 11:52 ပူးပေါင်းရင်းမြစ်များ

Luka 15:8

“Aloo te yo nɛ ngɛ sika hiɔ nyɔngma nɛ ke kpɔ kake laa a nɛ e be kane sue nɛ e bɛɛ we ɔ mi nɛ e hla fitsofitso kɛ maa su be nɛ e maa na?

Luka 2:32

La nɛ ma bli majemajeli ɔmɛ a hɛ Nɛ maa wo o ma Israel hɛ mi nyami ɔ,

Yohane 1:12

Se nihi abɔ nɛ he lɛ ɔ, nihi nɛ heɔ e biɛ ɔ nɔ ye ɔ, e ha mɛ he blɔ kaa a pee Mawu bimɛ,

Yohane 1:29

E nɔ je na a, Yohane na Yesu ma e ngɔ nɛ e ke: “Oʼɛ Mawu To bi ɔ nɛ woɔ je ɔ he yayami ɔ kɛ yaa a!

Yohane 10:16

I ngɛ to kpa komɛ nɛ ji to tsu nɛ ɔ mi; nɛ kɔlɔ ɔmɛ hu, ja i ngɔ mɛ kɛ ba, nɛ a ba nu ye gbi, nɛ to ɔmɛ pee kuu kake kɛ hyɛlɔ kake.

Yohane 12:32

Nɛ imi lɛɛ, ke a wo ye nɔ kɛ je zugba a nɔ ɔ, ma gbla nihi tsuo kɛ maa ba ye ngɔ.”

Ni Tsumi 18:10

ejakaa i kɛ mo ngɛ, nɛ nɔ ko nɔ ko be o he tae, nɛ e be mo yayami ko pee; ejakaa yi ngɛ nihi fuu ngɛ ma nɛ ɔ mi.”

Romabi 3:29

Anɛ Mawu ɔ, e ji Yudafohi kɛkɛ a Mawu lo? Anɛ pi majeli ɔmɛ hu a Mawu lo? Ee, majeli ɔmɛ hu a nɔ ʼi.

Romabi 4:17

kaa bɔ nɛ a ngma a ke: “I ngɔ mo ngɔ pee majeli fuu a tsɛ,” ngɛ Mawu nɔ nɛ e he yeɔ ɔ hɛ mi, nɔ nɛ tsɛɛ ni gbogboehi a hɛ, nɛ e tsɛɔ nihi nɛ be ɔ kaa nihi nɛ ngɛ momo ɔ.

Efesobi 1:5

E je wɔ ngɛ suɔmi mi ngɔ to ha e he nɛ waa pee e bimɛ ngɛ Yesu Kristo he, kaa bɔ nɛ sa e hɛ mi ngɛ e suɔmi nya a,

Efesobi 3:11

ngɛ neneene yi mi nɛ e to ngɛ Kristo Yesu, wa Nyɔmtsɛ ɔ, mi ɔ nya,

Yakobo 1:1

Yakobo, nɛ ji Mawu kɛ Mawetsɛ Yesu Kristo sɔmɔlɔ ɔ, ngma ya ha wɛtso nyɔngma kɛ enyɔ nɛ gbɛ fia a: Nyɛ he manye!

1 Petro 1:1

Petro nɛ ji Yesu Kristo bɔfo ɔ, ngma ya ha nibwɔhi nɛ gbɛ fia Ponto, Kapodokia, Asia kɛ Bitinia a.

1 Yohane 2:2

iɛ ji wa he yayami ɔmɛ a he kpatami nɔ́; se pi ngɛ wa nɔ́ ɔ kɛkɛ he, se mohu je mluku ɔ tsuo nɔ́ ɔ he hulɔ.

1 Yohane 3:1

Nyɛɛ hyɛ suɔmi abɔ sɔuu nɛ Tsɛ ɔ kɛ suɔ nyɛ, kaa a tsɛ wɔ Mawu bimɛ nɛ wa ji nɛ! Enɛ he ɔ, je ɔ li wɔ, ejakaa e li lɛ hulɔ.

1 Yohane 3:10

Enɔ mi nɛ slɔɔto nɛ ngɛ Mawu bimɛ kɛ abosiami bimɛ a kpɛti ɔ jeɔ e he si paa ngɛ. Nɔ tsuaa nɔ nɛ tsu we dami nihi ɔ, nɛ e sume e nyɛmi hulɔ ɔ, pi Mawu bi ji lɛ.

1 Yohane 3:2

Mamimɛ, jehanɛ ɔ, Mawu bimɛ ji wɔ, nɛ a na we nɛ a je bɔ nɛ wa maa hi ha a si; se wa le kaa benɛ Kristo ma pue ɔ, wa maa hi kaa lɛ, ejakaa wa maa na lɛ bɔ nɛ e ngɛ ɔ.

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.