Yohane 11:32 - Somi He Ɔ

³² Benɛ Maria ba he nɛ Yesu ngɛ ɔ nɛ e na lɛ ɔ, e nɔ e nane nya nɛ e de lɛ ke: “Nyɔmtsɛ, kaa o ngɛ hiɛ ɔ jinɛ, mami ɔ ko gbo we.”

BAIBLO ALOO NGMAMI KLƆUKLƆU Ɔ

³² Maria ya su he nɛ Yesu ngɛ ɔ, nɛ amlɔ nɔuu nɛ e na Yesu ɔ, e kpla si ngɛ Yesu nane nya, nɛ e de lɛ ke, “Nyɔmtsɛ, kaa o ngɛ hiɛ ɔ jinɛ ye nyɛminyumu ɔ ko gbo we.”

Yohane 11:32 ပူးပေါင်းရင်းမြစ်များ

Yohane 11:21

Kɛkɛ nɛ Marta de Yesu ke: “Mawetsɛ, kaa o ngɛ hiɛ ɔ jinɛ, mami ɔ ko gbo we.

Luka 17:16

Nɛ e kɛ e hɛ mi ba bu si ngɛ Yesu nane nya, nɛ e na lɛ si. Se nɔ nɛ ɔ ɔ, Samariano ʼi.

Luka 5:8

Benɛ Simon Petro na enɛ ɔ ɔ, e nɔ si ngɛ Yesu nane nya nɛ e ke: “Nyɔmtsɛ jee ye kasa nya, ejakaa yayami peelɔ ji mi!”

Luka 8:41

Kɛkɛ nɛ oʼɛ, nyumu ko nɛ a tsɛɛ lɛ Yairo nɛ ji kpe he nɔkɔtɔma a ba nɛ e ba kpla si ngɛ Yesu nane nya nɛ e kpa lɛ pɛɛ konɛ e ba e we ɔ mi,

Kpojemi 22:8

Nɛ imi, Yohane, ji nɔ nɛ na nɛ e nu ni nɛ ɔmɛ ɔ nɛ. Nɛ benɛ i nu nɛ i na a, i bu si nɛ ma ja ngɛ hiɔwe bɔfo ɔ nɛ tsɔɔ mi ni nɛ ɔmɛ ɔ nane nya.

Kpojemi 5:14

Nɛ hɛ kali eywiɛ ɔ ke: “Amen.” Nɛ nikɔtɔma amɛ bu si, nɛ a ja nɔ nɛ hɛ ngɛ kɛ je neneene kɛ yaa neneene ɔ.

Kpojemi 5:8

Nɛ benɛ e ngɛ womi ɔ hee ɔ, hɛ kali eywiɛ ɔ kɛ nikɔtɔmahi nyingmi enyɔ kɛ eywiɛ ɔ bu si ngɛ Tobi ɔ hɛ mi, nɛ a ti nɔ tsuaa nɔ hɛɛ kpã saku kɛ sika tɔhi kɛ a mi tsopa kɛ e he via tɔtɔɔtɔ nɛ ji klɔuklɔu bi ɔmɛ a sɔlemi ɔmɛ.

Yohane 11:37

Se a ti ni komɛ ke: “Nyumu nɛ ɔ nɛ bli hɛ yuyuilɔ ɔ hengmɛ ɔ, anɛ e be nɔ́ ko nyɛe maa pee konɛ nyumu nɛ ɔ ko gbo lo?”

Yohane 4:49

Matsɛ wenyumu ɔ de lɛ ke: “Nyɔmtsɛ, ba loko ye bi ɔ nɛ gbo.”

Yohane 11:2

(Maria nɛ ngɔ nu kɛ e he via kɛ kpa Nyɔmtsɛ ɔ nɛ e kɛ e yi bwɔmi tsu e nan ehe ɔ nyɛmi Lazaro lɛ ngɛ gboe nɛ ɔ ne.)