Yohane 11:26 - Somi He Ɔ

²⁶ nɛ nɔ tsuaa nɔ nɛ hɛ ngɛ nɛ e heɔ ye nɔ yeɔ ɔ, e be gboe gblegbleegblee. O heɔ enɛ ɔ yeɔ lo?”

BAIBLO ALOO NGMAMI KLƆUKLƆU Ɔ

²⁶ nɛ nɔ tsuaa nɔ nɛ hɛ ngɛ, nɛ e heɔ mi yeɔ ɔ, e be gboe gblegbleegble. O heɔ enɛ ɔ yeɔ lo?”

Yohane 11:26 ပူးပေါင်းရင်းမြစ်များ

Yohane 10:28

nɛ imi nɔuu lɛ i haa mɛ neneene wami, nɛ a hɛ mi be kpatae kɛ maa ya neneene nɛ jeha nɛ ɔ hu, nɔ ko be mɛ kpɔe ngɛ ye dɛ.

Romabi 8:13

Ejakaa ke he lo nya nyɛ hii si ngɛ ɔ, nyɛ ma gbo. Se ke nyɛɛ kɛ Mumi ɔ gbee he lo ɔ ni tsumi ɔmɛ ɔ, nyɛ yi ma na wa.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Yohane 14:10

Anɛ o he we yi kaa i ngɛ Tsɛ ɔ mi nɛ Tsɛ ɔ hu ngɛ ye mi lo? Munyu nɛ i kɛ nyɛ tuɔ, pi imi nitsɛ ye yi mi nɛ i toɔ nɛ i deɔ; se Tsɛ ɔ nɛ hii ye mi ɔ, lɛ lɛ e tsuɔ ni tsumi ɔmɛ ɔ nɛ.

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Mateo 9:28

Nɛ benɛ e sɛ we ɔ mi ɔ, hɛ yuyuili ɔmɛ ba e ngɔ; nɛ Yesu bi mɛ ke: “Nyɛ heɔ yeɔ kaa ma nyɛ enɛ ɔ ma pee lo?” A de lɛ ke: “Ee, Mawetsɛ!”

Yohane 9:35

Yesu nu kaa a fie lɛ; nɛ benɛ e na lɛ ɔ, e bi lɛ ke: “O heɔ Mawu Bi ɔ nɔ yeɔ lo?”

Marko 9:23

Yesu de lɛ ke: “O ngɛ dee ke: ‘Ke o ma nyɛ!’ A ma nyɛ maa pee nihi tsuo ha nɔ nɛ heɔ yeɔ ɔ!

Mateo 26:53

Aloo o susu kaa i be nyɛe Tsaatsɛ pɛɛ ma kpa nɛ amlɔ nɛ ɔ nɔuu e ma ha mi hiɔwe bɔfohi pe asafo nyɔnmga kɛ enyɔ nɛ a ba fã ye he?

Yohane 6:47

“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami.