Yohane 11:25 - Somi He Ɔ

²⁵ Yesu de lɛ ke: “Imi ji sitemi ɔ kɛ wami ɔ nɛ; nɔ nɛ heɔ ye nɔ yeɔ ɔ, ke e gbo tete po ɔ, e hɛ maa hi ngmengmle,

BAIBLO ALOO NGMAMI KLƆUKLƆU Ɔ

²⁵ Yesu de lɛ ke, “Imi ji si temi ɔ, kɛ wami ɔ nɛ. Nɔ tsuaa nɔ nɛ heɔ mi yeɔ ɔ, ke e gbo tete po, e maa hi hɛ ngmengmle;

Yohane 11:25 ပူးပေါင်းရင်းမြစ်များ

1 Tesalonikabi 4:14

Ejakaa ke wa heɔ yeɔ kaa Yesu gbo nɛ e te si ɔ, ja nɔuu Mawu maa gu Yesu nɔ, nɛ e ngɔ ninɛmɛ nɛ gbo ɔmɛ hu ngɔ piɛ e he kɛ ba.

Yohane 3:36

Nɔ nɛ heɔ Bi ɔ nɔ yeɔ ɔ, e ngɛ neneene wami; se nɔ nɛ bui Bi ɔ tue ɔ, e be wami nae, se mohu Mawu mi mi fumi hii e nɔ.

Yohane 1:4

E mi wami ngɛ, nɛ wami ɔ ji nimli a la a nɛ;

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

Yohane 6:44

Nɔ ko be nyɛe nɛ e maa ba ye ngɔ, kaa ja Tsɛ ɔ nɛ tsɔ mi ɔ gbla lɛ lolo, nɛ imi lɛɛ ma tle lɛ si ngɛ nyagbe ligbi ɔ nɔ.

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Yohane 6:35

Se Yesu de mɛ ke: “Imi ji wami ngma a nɛ; nɔ nɛ baa ye ngɔ ɔ, hwɔ be lɛ yee gblegbleegblee, nɛ nɔ nɛ heɔ ye nɔ yeɔ ɔ, kuma be lɛ tɔe gblegbleegblee.

Kpojemi 21:4

Nɛ Mawu ma tsu a hɛ mi vo nyu kulaa, nɛ gbenɔ be si hie hu, nɛ kɔmɔ yemi ko kɛ ya fomi ko kɛ nɔ nami ko hu be si hie hu, ejakaa kekle ni ɔmɛ be kɛ ho.”

Filipibi 3:10

nɛ ma le lɛ kɛ e si temi ɔ he wami ɔ kɛ e manehlu ɔmɛ a mi huɛ bɔmi ɔ, nɛ ma pee kaa lɛ ngɛ e gbenɔ ɔ blɔfami,

Kpojemi 20:5

Se ni gbogboehi nɛ piɛ ɔ, a hɛ na we nɛ e tsɛ kɛ maa su be nɛ a maa gbe jeha akpe ɔ nya. E nɛ ji kekleekle si temi ɔ nɛ.

Ni Tsumi 3:15

nɛ Wami Matsɛ ɔ, nyɛ gbe lɛ. Se Mawu tle lɛ si kɛ je gbeje, kɔlɔ ɔ nɔuu he odaseyeli ji wɔ.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 5:26

Ejakaa bɔ nɛ Tsɛ ɔ ngɛ wami ngɛ lɛ nitse e mi ɔ, ja kɛ̃ e ha Bi ɔ hu ke e hi wami ngɛ lɛ nitse e mi.

Kpojemi 22:17

Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

Yohane 14:19

E piɛ bɔɔ kɛkɛ nɛ je ɔ be mi nae hu; se nyɛ lɛɛ nyɛɛ ngɛ mi nae, ejakaa ye hɛ ngɛ, nɛ nyɛ hu nyɛ hɛ maa hi ngmengmle.

Filipibi 1:23

i ngɛ haoe ngɛ ni enyɔ nɛ ɔmɛ a he: I ngɛ hlae nɛ ma je je nɛ ɔ mi nɛ i kɛ Kristo ya hi si, ejakaa kɔlɔ ɔ hi hluu.

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

2 Korintobi 4:14

ejakaa wa le kaa nɔ nɛ tle Nyɔmtsɛ Yesu si ɔ, e ma tle waa kɛ Yesu si, nɛ e kɛ waa kɛ nyɛ tsuo ma ba da e hɛ mi.

Romabi 4:17

kaa bɔ nɛ a ngma a ke: “I ngɔ mo ngɔ pee majeli fuu a tsɛ,” ngɛ Mawu nɔ nɛ e he yeɔ ɔ hɛ mi, nɔ nɛ tsɛɛ ni gbogboehi a hɛ, nɛ e tsɛɔ nihi nɛ be ɔ kaa nihi nɛ ngɛ momo ɔ.

Luka 23:43

Nɛ Yesu de lɛ ke: “Niinɛ, i ngɛ mo dee ke: Mwɔnɛ o kɛ mi maa hi Paradeiso!”

1 Korintobi 15:29

Ejakaa, kɛ nihi nɛ haa a baptisii mɛ ngɛ ni gbogboehi a nane mi ɔ maa pee kɛɛ? Ke ni gbogboehi be si tee kulaa a, mɛ he je mɔ nɛ a haa a baptisii mɛ ngɛ ni gbogboehi a nane mi ɔ?

1 Korintobi 15:18

lɔ ɔ lɛɛ nihi nɛ gbo ngɛ Kristo mi ɔ hu laa.

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Kpojemi 1:18

kɛ hɛkalɔ. I gbo, nɛ oʼɛ, ye hɛ ngɛ kɛ yaa neneene kɛ neneene, nɛ i hɛɛ gbeje kɛ gbenɔ nya safe ɔmɛ.