Yohane 11:16 - Somi He Ɔ

¹⁶ Kɛkɛ nɛ Toma, nɔ nɛ a tsɛɛ Didimo ɔ, de e nyamimɛ kaseli ɔmɛ ke: “Nyɛ ha wɔ hu waa ya nɛ waa kɛ lɛ ya gbo.”

BAIBLO ALOO NGMAMI KLƆUKLƆU Ɔ

¹⁶ Toma nɛ a tsɛɛ lɛ Hayo hulɔ ɔ, de e nyɛmimɛ kaseli ɔmɛ ke, “Nyɛ ha wɔ hu waa kɛ Tsɔɔlɔ ɔ nɛ ya, nɛ waa kɛ lɛ ya gbo.”

Yohane 11:16 ပူးပေါင်းရင်းမြစ်များ

Yohane 21:2

Simon Petro kɛ Toma nɛ a tsɛɛ lɛ Didimo ɔ, kɛ Natanael nɛ je Kana ngɛ Galilea a, kɛ Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ngɛ he kake kutuu.

Yohane 13:37

Petro de lɛ ke: “Mawetsɛ, mɛni he je i be o se nyɛe ma nyɛɛ amlɔ nɛ ɔ ɔ? Ye wami tete ma ngɔ fɔ si ngɛ o he.”

Mateo 10:3

Filipo kɛ Bartolomeo; Toma kɛ Mateo, onia tsulɔ ɔ; Yakobo, Alfeo bi ɔ, kɛ Lebeo nɛ a tsɛɛ lɛ Tadeo hulɔ ɔ;

Luka 6:15

Mateo kɛ Toma; Yakobo, Alfeo bi ɔ, kɛ Simon, nɔ nɛ a tsɛɛ Zelote (Hɛdɔlɔ) ɔ;

Marko 3:18

Andrea kɛ Filipo kɛ Bartolomeo kɛ Mateo kɛ Toma kɛ Yakobo, Alfeo bi ɔ, kɛ Tadeo kɛ Simon, ma he dɔlɔ ɔ,

Mateo 26:35

Petro de lɛ ke: “Ke i kɛ mo ma gbo tete po ɔ, i be kpae ngɛ o se!” Jã nɔuu kaseli ɔmɛ tsuo hu de.

Ni Tsumi 1:13

Nɛ benɛ a su lejɛ ɔ, a ya hiɔwe tsu ko mi, he nɛ Petro kɛ Yohane kɛ Yakobo kɛ Andrea, Filipo kɛ Toma, Bartolomeo kɛ Mateo, Yakobo, Alfeo bi ɔ kɛ Simon, ma he doolɔ ɔ, kɛ Yakobo bi Yuda hii ɔ.

Yohane 14:5

Toma de lɛ ke: “Mawetsɛ, wa li he nɛ o yaa, nɛ kɛ wa maa pee kɛɛ nɛ wa maa le blɔ ɔ?”

Yohane 11:8

Kaseli ɔmɛ de lɛ ke: “Rabi, e sui be ko nɛ Yudafo ɔmɛ ngɛ hlae nɛ a fia mo tɛ, nɛ o yaa lejɛ ɔ ekohu nɛ ɔ?”

Luka 22:33

Se Petro de lɛ ke: “Nyɔmtsɛ, i dla ye he ngɔ to nɛ ke tsu mi oo, gbenɔ mi oo, nɛ i kɛ mo maa ya.”

Yohane 11:15

nɛ nyɛ he ɔ e ngɔ ye nya kaa i be lejɛ ɔ, benɛ pee nɛ nyɛ he ye. Nyɛ ha waa ya e ngɔ.”