Yohane 10:38 - Somi He Ɔ

³⁸ se ke i tsuɔ ɔ, nɛ kɛ̃ ɔ nyɛ he we mi yi ɔ, lɛɛ nyɛ he ni tsumi ɔmɛ ye mɔ, konɛ nyɛɛ le nɛ nyɛ he ye kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

BAIBLO ALOO NGMAMI KLƆUKLƆU Ɔ

³⁸ Se ke jamɛ a ní tsumi ɔmɛ i tsuɔ ɔ, lɔ ɔ lɛɛ ke nyɛ he we imi nitsɛ yi po ɔ, níhi nɛ i peeɔ ɔ, nyɛ he nyɛɛ ye mɔ. Kɛkɛ ɔ, nyɛ maa le si kake nyɔngloo kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 10:38 ပူးပေါင်းရင်းမြစ်များ

Yohane 14:20

Jamɛ a ligbi ɔ nɔ ɔ, nyɛ nitsɛmɛ nyɛ maa le kaa i ngɛ ye tsɛ mi nɛ nyɛ hu nyɛ ngɛ ye mi nɛ imi hu i ngɛ nyɛ mi.

Yohane 10:30

Imi kɛ Tsaatsɛ tsuo ɔ, kake ʼi.”

Yohane 10:25

Yesu he nɔ ke: “I de nyɛ nɛ nyɛ he we yi. Ni tsumihi nɛ i tsuɔ ngɛ Tsaatsɛ biɛ mi ɔ, kɔlɔ ɔmɛ lɛ ngɛ ye he odase yee; se nyɛ he we yi,

Ni Tsumi 2:22

“Tsaatsɛmɛ Israelbihi, nyɛɛ bu kikɛmɛ a munyu nɛ ɔ tue. Yesu Nazare no ɔ ji nyumu nɛ Mawu kɛ he wami ni tsumihi kɛ nyakpɛ nihi kɛ okadihi nɛ e gu e nɔ kɛ pee ngɛ nyɛ kpɛti ɔ ye e he odase ngɔ tsɔɔ nyɛ, kaa bɔ nɛ nyɛ nitsɛmɛ nyɛ le ɔ.

Yohane 3:2

Lɛ lɛ e ba Yesu ngɔ nyɔ mi, nɛ e ba de lɛ ke: “Rabi, wa le kaa tsɔɔlɔ nɛ je Mawu ngɔ ba ji mo, ejakaa nɔ ko nɔ ko be nyɛe maa pee nyakpɛ nihi nɛ o ngɛ pee nɛ ɔmɛ, kaa ja Mawu kɛ nɔ ɔ ngɛ.”

Yohane 5:36

Se imi lɛɛ, i ngɛ odase nɛ pe Yohane nɔ ɔ, ejakaa ni tsumi ɔmɛ nɛ Tsɛ ɔ ngɔ ha mi kaa ma gbe nya a, lɛ ni tsumi ɔmɛ nɛ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 17:11

Nɛ i be je ɔ mi hu, se ni nɛ ɔmɛ ngɛ je ɔ mi, nɛ imi lɛɛ i ma o ngɔ. Tsaatsɛ klɔuklɔu, nihi nɛ o ngɔ ha mi ɔ, to mɛ ngɛ o biɛ ɔ mi, benɛ pee nɛ a pee kake kaa wɔ.

Yohane 11:4

Se benɛ Yesu nu enɛ ɔ ɔ, e ke: “Kikɛmɛ a hiɔ nɛ ɔ pi gbenɔ hiɔ, se mohu Mawu hɛ mi nyami ɔ he je, benɛ pee nɛ a wo Mawu Bi ɔ hɛ mi nyami.”

1 Yohane 3:24

Nɔ nɛ yeɔ e kita amɛ a nɔ ɔ hii Mawu mi, nɛ Mawu hu hii emi. Nɛ nɔ́ nɛ waa kɛ leɔ kaa e hii wa mi ji mumi nɛ e ngɔ ha wɔ ɔ.