Yohane 10:36 - Somi He Ɔ

³⁶ nyɛ ngɛ dee ngɛ nɔ nɛ Tsɛ ɔ pee lɛ klɔuklɔu nɛ e tsɔ lɛ kɛ ba je ɔ mi ɔ he ke: ‘O bɔ musu;’ mɛni he je ɔ, i de ke: Mawu bi ji mi ɔ lo?

BAIBLO ALOO NGMAMI KLƆUKLƆU Ɔ

³⁶ Lɛɛ imi nɛ Tsɛ ɔ hla mi, nɛ e tsɔ mi je ɔ mi ɔ, kɛ peeɔ kɛɛ nɛ ke i de ke Mawu Bi ji mi nɛ́ nyɛ deɔ ke i bɔ musu ɔ?

Yohane 10:36 ပူးပေါင်းရင်းမြစ်များ

Yohane 3:17

Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

Yohane 20:31

se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu bi ɔ nɛ, nɛ ke nyɛ he ye ɔ, nɛ nyɛ na wami ngɛ e biɛ ɔ mi.

Yohane 6:27

Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.”

Romabi 9:5

ninɛmɛ nɛ a nɔ́ nɛ ji tsɛmɛ ɔmɛ, nihi a mi hu nɛ Kristo tete je ngɛ he lo blɔfami ɔ, lɛ nɛ ji Ope ngɛ nihi kulaa nɔ, Mawu nɛ a gbaa kɛ yaa neneene ɔ. Amen.

Romabi 1:4

nɔ nɛ ngɛ he tsɔmi mumi ɔ nya a, a gu ni gbogboehi a si temi nɔ je lɛ tsɔɔ ngɛ he wami mi kaa Mawu bi, Yesu Kristo, wa Nyɔmtsɛ ɔ.

Yohane 20:28

Toma he nɔ nɛ e de lɛ ke: “Ye Nyɔmtsɛ kɛ ye Mawu.”

Yohane 19:7

Yudafo ɔmɛ he nɔ ke: “Wɔɔ lɛɛ wa ngɛ Mlaa, nɛ wa Mlaa a nya a, e sa gbenɔ, ejakaa e pee e he Mawu bi.”

Yohane 17:21

Konɛ mɛ tsuo a pee kake, kaa bɔ nɛ mo, Tsaatsɛ, o ngɛ ye mi nɛ imi hu i ngɛ o mi ɔ, konɛ mɛ hu a pee kake ngɛ wa mi, konɛ je ɔ nɛ he ye kaa mo lɛ o tsɔ mi.

Yohane 17:18

Kaa bɔ nɛ o tsɔ mi je ɔ mi ɔ, ja nɔuu imi hu i ngɛ mɛ je ɔ mi tsɔe.

Yohane 17:8

ejakaa munyu ɔmɛ nɛ ɔ ngɔ ha mi ɔ, i ngɔ ha mɛ; nɛ a he, nɛ a na le faii kaa o ngɔ i je, nɛ a he ye kaa mo lɛ o tsɔ mi.

Yohane 6:69

nɛ wɔɔ lɛɛ wa he ye, nɛ wa na le hulɔ kaa mo ji Mawu nɔ klɔuklɔu ɔ nɛ!”

Yohane 6:57

Bɔ nɛ Tsɛ, hɛ kalɔ, ɔ tsɔ mi, nɛ Tsɛ ɔ he nɛ ye hɛ ngɛ ɔ, ja nɔuu nɔ nɛ yeɔ mi ɔ hu maa hi si ngɛ ye he.

Yohane 6:38

Ejakaa pi imi nitsɛ ye suɔmi nya ni peemi he nɛ i je hiɔwe kɛ ba ngɛ se mohu nɔ nɛ tsɔ mi ɔ suɔmi nya ni peemi he.

Yohane 5:30

“Imi nitse i be ye yi mi nyɛe maa to kɛ pee nɔ ko; bɔ nɛ i nuɔ ɔ, ja i kojoɔ, nɛ ye kojomi ɔ dami kojomi ʼi, ejakaa i hia we nɔ́ nɛ imi nitsɛ i suɔ, se mohu nɔ nɛ Tsɛ ɔ nɛ tsɔ mi ɔ suɔ?

Yohane 3:34

Ejakaa nɔ nɛ Mawu tsɔ ɔ, Mawu munyu e tuɔ; ejakaa Mawu haa lɛ e Mumi ɔ faa.

Luka 1:35

Nɛ bɔfo ɔ ha lɛ heto ke: “Mumi Klɔuklɔu maa ba o nɔ, nɛ lɔ ɔ he ɔ jamɛ a bi klɔuklɔu ɔ hu nɛ o ma fɔ ɔ, a ma tsɛ lɛ Mawu bi.

Mateo 27:43

E ke Mawu nɔ e hɛ ngɛ: Ha nɛ e je lɛ koo, ke e ngɛ e he tsui ɔ; ejakaa e de ke: ‘Mawu bi ji mi.’ ”

Galatabi 4:4

Se benɛ be nɛ a to ɔ su ɔ, Mawu tsɔ lɛ nitsɛ e bi ɔ kɛ ba, yo ko ba fɔ lɛ, e ba mlaa sisi,

Romabi 8:3

Ejakaa nɔ́ nɛ mlaa a nyɛ we nɛ e pee ngɛ gbedemi nɛ he lo ɔ gbede he je ɔ, Mawu tsɔ lɛ nitsɛ e bi ɔ ngɛ su nɛ ngɛ kaa yayami he lo su mi, nɛ ngɛ yayami he hulɔ, konɛ e bu yayami ɔ fɔ ngɛ he lo ɔ mi,

Yohane 8:42

Kɛkɛ nɛ Yesu de mɛ ke: “Mawu ji nyɛ tsɛ jinɛ nyɛ maa suɔ mi, ejakaa imi lɛɛ, Mawu ngɔ i je kɛ ba; nɛ pohu i to we imi nitsɛ ye yi mi kɛ bɛ, se mohu lɛ nɛ tsɔ mi.

Mateo 27:54

Se benɛ aslaafohi lafa a nyatsɛ ɔ kɛ nihi nɛ kɛ lɛ ngɛ Yesu he bue ɔ, na zugba mimiɛmi ɔ kɛ nihi nɛ a pee ɔ, a ye gbeye wawɛɛ, nɛ a ke: “Niinɛ, Mawu bi ji nɛ ɔ nɛ!”

Yohane 10:35

Ke e tsɛ nihi nɛ Mawu munyu ɔ ba a ngɔ ɔ tete ke mawuhi, nɛ ngmami ɔ yi lakpa a,