Yohane 10:25 - Somi He Ɔ

²⁵ Yesu he nɔ ke: “I de nyɛ nɛ nyɛ he we yi. Ni tsumihi nɛ i tsuɔ ngɛ Tsaatsɛ biɛ mi ɔ, kɔlɔ ɔmɛ lɛ ngɛ ye he odase yee; se nyɛ he we yi,

BAIBLO ALOO NGMAMI KLƆUKLƆU Ɔ

²⁵ Yesu he nɔ ke, “Tse i de nyɛ momo nɛ nyɛ he we yi! Tsaatsɛ he wami nya nɛ i tsuɔ ní nɛ ɔmɛ, nɛ níhi nɛ i tsuɔ ɔ yeɔ ye he odase.

Yohane 10:25 ပူးပေါင်းရင်းမြစ်များ

Yohane 10:38

se ke i tsuɔ ɔ, nɛ kɛ̃ ɔ nyɛ he we mi yi ɔ, lɛɛ nyɛ he ni tsumi ɔmɛ ye mɔ, konɛ nyɛɛ le nɛ nyɛ he ye kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 8:58

Yesu de mɛ ke: “I ngɛ nyɛ dee anɔkuale mi ke: I ngɛ loko Abraham ngɛ.”

Yohane 14:11

Nyɛ he mi nyɛɛ ye kaa i ngɛ Tsɛ ɔ mi nɛ Tsɛ ɔ hu ngɛ ye mi; se ke pi ja a, nyɛ he mi nyɛɛ ye ngɛ jamɛ a ni tsumi ɔmɛ nitsɛmɛ a he.

Hebribi 2:3

kɛ wa maa pee kɛ tu nya fo kɛɛ, ke wa bui kikɛmɛ a yi wami hemi kpetekpleenyɛ nɛ ɔ? Nyɔmtsɛ ɔ nitsɛ ji nɔ nɛ tu he munyu kekle, nɛ ninɛmɛ nɛ nu ɔ hu ma nɔ mi ha wɔ,

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Yohane 20:30

Jeha nɛ ɔ okadi kpahi fuu hu ngɛ nɛ Yesu pee ngɛ e kaseli ɔmɛ a hɛ mi nɛ a ngmɛ ngɛ womi nɛ ɔ mi;

Yohane 12:37

E ngɛ mi kaa Yesu pee nyakpɛ ni nguahi ngɛ a hɛ mi, se kɛ ɔ a he we e nɔ yi;

Yohane 11:47

Lɔ ɔ he ɔ, osɔfo nikɔtɔma amɛ kɛ Farisifo ɔmɛ tsɛ kpe, nɛ a ke: “Kɛ wa ngɛ pee kɛɛ? Nyumu nɛ ɔ ngɛ okadi slɔɔtohi fuu pee.

Yohane 10:32

Yesu he nɔ ke: “I tsɔɔ nyɛ ni tsumi kpakpahi fuu nɛ je Tsaatsɛ ngɔ. Te jamɛ a ni tsumi ɔmɛ a ti nɔ́ nɛ he nɛ nyɛ maa fia mi tɛ ngɛ ɔ nɛ?”

Yohane 8:24

Lɔ ɔ he nɛ i de nyɛ ke nyɛ ma gbo ngɛ nyɛ he yayami ɔmɛ a mi ɔ nɛ; ejakaa ke nyɛ he we yi kaa imi nɛ ɔ ji lɛ ɔ, nyɛ ma gbo ngɛ nyɛ he yayami ɔmɛ a mi.”

Yohane 8:12

Kɛkɛ nɛ Yesu kɛ mɛ tu munyu ekohu nɛ e ke: “Imi ji je ɔ la a nɛ. Nɔ nɛ nyɛɛ ye se ɔ, e be diblii mi nyɛe gblegbleegblee, se mohu e ma na wami la a.”

Yohane 7:31

Se asafo ɔmɛ a ti nihi fuu he e nɔ ye, nɛ a ke: “Benɛ Kristo maa ba a, anɛ e maa pee okadihi fuu pe nihi nɛ nɔ nɛ ɔ ngɛ pee nɛ ɔmɛ lo?”

Yohane 3:2

Lɛ lɛ e ba Yesu ngɔ nyɔ mi, nɛ e ba de lɛ ke: “Rabi, wa le kaa tsɔɔlɔ nɛ je Mawu ngɔ ba ji mo, ejakaa nɔ ko nɔ ko be nyɛe maa pee nyakpɛ nihi nɛ o ngɛ pee nɛ ɔmɛ, kaa ja Mawu kɛ nɔ ɔ ngɛ.”

Ni Tsumi 2:22

“Tsaatsɛmɛ Israelbihi, nyɛɛ bu kikɛmɛ a munyu nɛ ɔ tue. Yesu Nazare no ɔ ji nyumu nɛ Mawu kɛ he wami ni tsumihi kɛ nyakpɛ nihi kɛ okadihi nɛ e gu e nɔ kɛ pee ngɛ nyɛ kpɛti ɔ ye e he odase ngɔ tsɔɔ nyɛ, kaa bɔ nɛ nyɛ nitsɛmɛ nyɛ le ɔ.

Yohane 8:56

Nyɛ tsɛ Abraham hia kɛ bua jɔmi kãa e ko na ye ligbi ɔ, nɛ e na nɛ e bua jɔ.”

Yohane 10:37

Ke i tsu we Tsaatsɛ ni tsumihi ɔ lɛɛ nyɛ ko he mi ye;