Yohane 10:18 - Somi He Ɔ

¹⁸ Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”

BAIBLO ALOO NGMAMI KLƆUKLƆU Ɔ

¹⁸ Nɔ ko be nyɛe ma kpɔ ye wami ɔ ngɛ ye dɛ. Imi nitsɛ ye tsui mi faa nɛ ma ngɔ kɛ ha. I ngɛ he wami nɛ ma nyɛ ma ngɔ ye wami ɔ ngɔ ha, nɛ ma nyɛ ma kpale ngɔ lɛ ekohu. Kikɛ nɛ ɔ Tsaatsɛ ke ma pee.”

Yohane 10:18 ပူးပေါင်းရင်းမြစ်များ

Hebribi 2:9

Se nɔ nɛ a ha nɛ piɛ bɔɔ nɛ e kɛ hiɔwe bɔfo ɔmɛ nɛ sɔ ɔ, wa na kaa Yesu ʼi, nɔ nɛ gbenɔ mi amanehlu ɔ he nɛ a kɛ hɛ mi nyami kɛ bu fi lɛ jlasi ɔ, benɛ pee nɛ Mawu dloomi nya a e sa e nya gbenɔ ha nɔ tsuaa nɔ.

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

Yohane 10:17

“Enɛ ɔ he nɛ Tsɛ ɔ suɔ mi ɔ nɛ, ejakaa i ngɔɔ ye wami ngɔ fɔɔ si, konɛ ma kpale ngɔ.

Yohane 14:31

I peɔ bɔ nɛ Tsɛ ɔ fa mi ɔ konɛ je ɔ nɛ na le kaa i suɔ Tsɛ ɔ. Nyɛɛ te si, nyɛɛ ba waa je hiɛ ɔ!”

Yohane 6:38

Ejakaa pi imi nitsɛ ye suɔmi nya ni peemi he nɛ i je hiɔwe kɛ ba ngɛ se mohu nɔ nɛ tsɔ mi ɔ suɔmi nya ni peemi he.

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Yohane 10:11

“Imi ji to hyɛlɔ kpakpa a nɛ. To hyɛlɔ kpakpa a ngɔɔ e klaa ngɔ fɔɔ si ngɛ e to ɔmɛ a nane mi.

Ni Tsumi 3:15

nɛ Wami Matsɛ ɔ, nyɛ gbe lɛ. Se Mawu tle lɛ si kɛ je gbeje, kɔlɔ ɔ nɔuu he odaseyeli ji wɔ.

Ni Tsumi 2:24

Lɛ nɔuu si Mawu tle nɛ e pɛne gbenɔ piimi kpa amɛ, ejakaa gbenɔ be nyɛe e nya tsimi.

Yohane 5:30

“Imi nitse i be ye yi mi nyɛe maa to kɛ pee nɔ ko; bɔ nɛ i nuɔ ɔ, ja i kojoɔ, nɛ ye kojomi ɔ dami kojomi ʼi, ejakaa i hia we nɔ́ nɛ imi nitsɛ i suɔ, se mohu nɔ nɛ Tsɛ ɔ nɛ tsɔ mi ɔ suɔ?

Ni Tsumi 2:32

Kikɛmɛ a Yesu nɛ ɔ Mawu tle lɛ si; lɔ ɔ he odase yeli ji wɔ kulaa.

Yohane 19:11

Yesu de lɛ ke: “Ke pi hiɔwe nɛ a je ngɔ ha mo ɔ, jinɛ o be he wami ko nae ngɛ ye nɔ; lɔ ɔ he ɔ nɔ nɛ je mi wo o dɛ mi ɔ he yayami ɔ kle pe o nɔ ɔ.”

Yohane 10:15

kaa bɔ nɛ Tsɛ ɔ le mi, nɛ imi hu i le Tsɛ ɔ; nɛ i ngɔɔ ye wami ngɔ fɔɔ si ngɛ to ɔmɛ a nane mi.

Yohane 5:26

Ejakaa bɔ nɛ Tsɛ ɔ ngɛ wami ngɛ lɛ nitse e mi ɔ, ja kɛ̃ e ha Bi ɔ hu ke e hi wami ngɛ lɛ nitse e mi.