Yohane 10:10 - Somi He Ɔ

¹⁰ Juɔ bɛ gu, se jumi kɛ nɔ gbemi kɛ hɛmi kpatami he e baa ngɛ; imi lɛɛ i ba benɛ pee nɛ a na wami nɛ a na nɛ e be nɔ.

BAIBLO ALOO NGMAMI KLƆUKLƆU Ɔ

¹⁰ Se julɔ ɔ lɛɛ ke e ba a, e ba juɔ; e gbeɔ to ɔmɛ, nɛ e kpataa a hɛ mi. Imi lɛɛ i ba, konɛ nyɛ na wami, nɛ nyɛ na kɛ be nɔ.

Yohane 10:10 ပူးပေါင်းရင်းမြစ်များ

Mateo 18:10

“Nyɛɛ hyɛ saminyɛ konɛ nyɛ ko gbe ni tsɔwi nɛ ɔmɛ a ti nɔ kake he guɛ; ejakaa i ngɛ nyɛ dee ke, a bɔfohi nɛ ngɛ hiɔwe ɔ hyɛɛ Tsaatsɛ nɛ ngɛ hiɔwe ɔ hɛ mi daa.” [

Mateo 18:11

Se Nɔmlɔ Bi ɔ ba nɔ nɛ laa a yi wami hemi.]

Mateo 20:28

Kaa bɔ nɛ Nɔmlɔ Bi ɔ bɛ nɛ a sɔmɔ lɛ, se e ba sɔmɔmi mohu, nɛ e ngɔ e klaa a kɛ ha kaa kpɔmi nɔ kɛ ha nihi fuu ɔ.”

Mateo 21:13

Nɛ e de mɛ ke: “A ngma ke: ‘A ma tsɛ ye we ɔ sɔlemi we’ se nyɛɛ lɛɛ nyɛɛ kɛ pee ojo fiali a kplo.”

Mateo 23:13

“Musu tloo nyɛ, mlaa tsɔɔli kɛ Farisifohi, osatotsɛmɛ, ejakaa nyɛ ngaa hiɔwe matsɛ yemi ɔ nya ngɛ nimli a hɛ mi; se nyɛ nitsɛmɛ ɔ nyɛ sɛ we mi, nɛ ninɛmɛ nɛ hlaa nɛ a sɛ mi ɔ hu ɔ, nyɛ ha we mɛ e mi sɛmi he blɔ. [

Marko 11:17

Nɛ e tsɔɔ mɛ ni ke: “A ngma ke: ‘A ma tsɛ ye we ɔ jejemawɛli kulaa a sɔlemi we.’ Se nyɛɛ lɛɛ nyɛɛ kɛ pee ojofiali a kplo.”

Luka 19:10

Ejakaa Nɔmlɔ Bi ɔ ba nɔ nɛ laa a hlami kɛ yi wami hemi.”

Yohane 10:1

“Anɔkuale mi i ngɛ nyɛ dee ke: Nɔ nɛ gui sinya a nya nɛ e kɛ se to ɔmɛ a tsu ɔ mi se mohu e guu he kpa kɛ kuɔ ɔ, juɔ kɛ ojofialɔ ji lɛ.

Yohane 10:11

“Imi ji to hyɛlɔ kpakpa a nɛ. To hyɛlɔ kpakpa a ngɔɔ e klaa ngɔ fɔɔ si ngɛ e to ɔmɛ a nane mi.

Yohane 12:47

Nɛ ke nɔ ko nu ye munyu nɛ e yi nɔ ɔ, tsa pi imi nɛ ma kojo lɛ, ejakaa i bɛ nɛ ma ba kojo je ɔ, se mohu i ba nɛ ma ba he je ɔ yi wami.

Yohane 12:6

Se enɛ ɔ nɛ e de nɛ ɔ, pi ohiafo ɔmɛ a he nɔ́ nɛ ngɛ lɛ dɔe he je, se mohu juɔ ji lɛ, nɛ lɛ lɛ e toɔ sika kpɛɛ ɔ, nɛ e juɔ nɔ́ nɛ a ngɔ woɔ mi ɔ eko.

Yohane 3:17

Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

Yohane 5:40

Se nyɛ sume kaa nyɛ baa ye ngɔ nɛ nyɛ na wami.

Yohane 6:33

Ejakaa Mawu abolo ɔ ji nɔ nɛ jee hiɔwe kpleɔ si nɛ ngɔɔ wami ngɔ haa je ɔ nɛ.”

Yohane 6:51

Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”

Romabi 2:21

jeha nɛ ɔ mo nɛ o tsɔɔ ni kpahi a ni ɔ, o tsɔɔ we mo nitsɛ o he lo? O fiɛɔ ke “a ko ju,” se o ju we lo?

1 Timoteo 1:15

E ji anɔkuale munyu nɛ sa kaa a pɛtɛ he kulaa, kaa Kristo Yesu ba je nɛ ɔ mi, nɛ e ba he yayami peeli a yi wami, nihi a kpɛti nɛ imi ji titima a;

Hebribi 6:17

Lɔ ɔ he hulɔ nɛ benɛ Mawu hia kaa e tsɔɔ si womi ɔ yeli ɔmɛ kaa e yi mi tomi ɔ tsakee we kulaa a, e kɛ kita ma nɔ mi,

Hebribi 7:25

Lɔ ɔ he hu ɔ e nyɛɔ nihi nɛ guu e nɔ kɛ baa Mawu ngɔ ɔmɛ a yi wami heɔ, ejakaa e ngɛ daa konɛ e da mi ha mɛ.

2 Petro 1:11

Ejakaa kikɛmɛ a blɔ ɔ nɔ a maa gu kɛ ngmɛ nyɛ blɔ kɛ sɛ wa Nyɔmtsɛ kɛ yi wami helɔ Yesu Kristo neneene matsɛ yemi ɔ mi.