Yohane 1:51 - Somi He Ɔ

⁵¹ Nɛ e de mɛ ke: “I ngɛ nyɛ dee anɔkuale mi ke: Kɛ je be nɛ ɔ nɔ ɔ, nyɛ maa na kaa hiɔwe nya bli nɛ Mawu bɔfo ɔmɛ ngɛ si kplee ngɛ Nɔmlɔ Bi ɔ nɔ.”

BAIBLO ALOO NGMAMI KLƆUKLƆU Ɔ

⁵¹ Nyagbe ɔ, e de mɛ ke, “I ngɛ nyɛ dee anɔkuale mi ke hiɔwe nya ma bli, nɛ nyɛ maa na Mawu bɔfo ɔmɛ nɛ a ngɛ kuɔe kɛ ngɛ imi Nɔmlɔ Bi ɔ ye ngɔ bae, nɛ a ngɛ kpalee kɛ ngɛ yae.”

Yohane 1:51 ပူးပေါင်းရင်းမြစ်များ

Mateo 25:31

“Se benɛ Nɔmlɔ Bi ɔ maa ba ngɛ e nyami ɔ mi, nɛ bɔfo ɔmɛ tsuo maa piɛ e he ɔ, lɛ be ɔ mi ɔ, e maa hi e nyami sɛ ɔ nɔ;

Mateo 26:24

Nɔmlɔ Bi ɔ ma gbo kaa bɔ nɛ a ngma ngɛ e he ɔ mohu; se musu tloo jamɛ a nɔmlɔ ɔ nɛ tsɔɔ Nɔmlɔ Bi ɔ se blɔ ɔ; afani nɛ a na we a nɛ a fɔ jamɛ a nɔmlɔ ɔ.”

Mateo 3:16

Nɛ benɛ e baptisi Yesu ɔ, e je kpo amlɔ kɛ je nyu ɔ mi nɛ oʼɛ, a bli hiɔwe nya ha lɛ, nɛ e na Mawu Mumi ɔ nɛ ngɛ si kplee kaa okpo kɛ ma e nɔ.

Mateo 4:11

Keke nɛ abosiami si lɛ, nɛ oʼɛ, hiɔwe bɔfohi ba nɛ sa ba sɔmɔ lɛ.

Mateo 8:20

Yesu de lɛ ke: “Kɔkɔbohi ngɛ muɔhi, nɛ hiɔwe lohwe pɛlitsɛmɛ ngɛ tsuhi; se Nɔmlɔ Bi ɔ be he nɛ e kɛ e yi fɔɔ.”

Mateo 9:6

Se benɛ pee nɛ nyɛ na le kaa Nɔmlɔ Bi ɔ ngɛ he blɔ ngɛ zugba a nɔ kaa e ngɔɔ yayamihi ngɔ paa a,” e de hiɔtsɛ ɔ ke: “Tee si, wo o sa a nɛ o ya o we mi!”

Marko 1:10

Yesu je kpo kɛ je pa a mi nɔuu pɛ, kɛkɛ nɛ e na nɛ hiɔwe nya ngɛ blie, nɛ Mumi ɔ ngɛ si kplee kaa lahuɛ kɛ ma e nɔ.

Marko 14:62

Nɛ Yesu ke: “Imi, nɛ nyɛ maa na Nɔmlɔ Bi ɔ kaa e hii si ngɛ Ope ɔ hiɛ ɔ nɔ nɛ e ma ngɛ hiɔwe bɔku ɔmɛ a mi.”

Luka 2:13

Nɛ tlukaa a, hiɔwe ta ngua ba piɛ bɔfo ɔ he, nɛ a je Mawu yi de ke:

Luka 2:9

Nɛ oʼɛ, Nyɔmtsɛ ɔ bɔfo ko ba da a kasa nya, nɛ Nyɔmtsɛ ɔ hɛ mi nyami kpɛ bɔle mɛ, nɛ a ye gbeye wawɛɛ.

Luka 22:43

Nɛ bɔfo ko je hiɔwe ba je e he kpo tsɔɔ lɛ, nɛ e wo lɛ he wami.

Luka 22:69

Se kɛ je be nɛ ɔ kɛ yaa nɛ ɔ ɔ, Nɔmlɔ Bi ɔ maa hi Mawu he wami ɔ hiɛ ɔ nɔ.”

Luka 24:4

Nɛ e ba mi kaa benɛ a pee yaa ngɛ enɛ ɔ he ɔ, oʼɛ, nyumuhi enyɔ nɛ wo tade klaiklai ba da a kasa nya.

Luka 3:21

E ba mi kaa benɛ a baptisi ni ɔmɛ tsuo ɔ, a baptisi Yesu hulɔ; nɛ benɛ e ngɛ sɔlee ɔ, hiɔwe nya bli

Yohane 1:50

Yesu he nɔ nɛ e de lɛ ke: “Nɛ i de mo ke i na mo ngɛ ngmɔkɔ tso ɔ sisi ɔ he je o heɔ yeɔ nɛ ɔ? O maa na ni nguahi nɛ pe enɛ ɔ.”

Yohane 10:1

“Anɔkuale mi i ngɛ nyɛ dee ke: Nɔ nɛ gui sinya a nya nɛ e kɛ se to ɔmɛ a tsu ɔ mi se mohu e guu he kpa kɛ kuɔ ɔ, juɔ kɛ ojofialɔ ji lɛ.

Yohane 10:7

Lɔ ɔ he ɔ, Yesu kpale de mɛ ekohu ke: “I ngɛ nyɛ dee anɔkuale mi ke: Imi ji to ɔmɛ a tsu ɔ nya sinya a nɛ.

Yohane 13:16

I ngɛ nyɛ dee anɔkuale mi ke: Nyɔguɛ pa we e nyɔmtsɛ, nɛ jeha nɛ ɔ hu tsɔlɔ pa we nɔ nɛ tsɔ lɛ ɔ.

Yohane 13:38

Yesu he nɔ ke: “O maa ngɔ o wami ngɔ fɔ si ngɛ ye he lo? I ngɛ mo dee anɔkuale mi ke: Kungwɔ be nɔ kpae nɛ o ma kpa ngɛ ye se si etɛ.”

Yohane 14:12

Anɔkuale mi, i ngɛ nyɛ dee ke: Nɔ nɛ heɔ ye nɔ yeɔ ɔ, ni tsumihi nɛ i tsuɔ ɔ, lɛ hu e ma tsu, nɛ e ma tsu nihi nɛ pe kɔlɔ ɔmɛ tete, ejakaa i yaa Tsɛ ɔ ngɔ.

Yohane 16:20

I ngɛ nyɛ dee anɔkuale mi ke: Nyɛɛ lɛɛ nyɛ ma fo nɛ nyɛ maa wo ya, se je ɔ ma nya. Nyɛ lɛɛ nyɛ maa ye kɔmɔ, se nyɛ kɔmɔ yemi ɔ ma plɛ bua jɔmi.

Yohane 16:23

“Jamɛ a ligbi ɔ nɔ ɔ, nyɛ be mi nɔ́ ko nɔ́ bie. I ngɛ nyɛ dee anɔkuale mi ke: Nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ma ha nyɛ.

Yohane 21:18

I ngɛ mo dee anɔkuale mi ke: Benɛ o ji niheyo ɔ, mo nitsɛ o miaa nɛ o nyɛɛ he nɛ o suɔ; se ke o bwɔ ɔ, o ma kpã o nine mi, nɛ nɔ kpa maa mia mo, nɛ e kɛ mo maa ya he nɛ o sume.”

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Yohane 3:5

Yesu he nɔ ke: “I ngɛ mo dee anɔkuɛle mi ke: Ke a ji nyu kɛ Mumi mi fɔ we nɔ ko ɔ, e be Mawu matsɛ yemi ɔ mi nyɛe maa sɛ.

Yohane 5:19

Lɔ ɔ he ɔ Yesu he nɔ nɛ e de mɛ ke: “I ngɛ nyɛ dee anɔkuale mi ke: Bi ɔ nitse be e yi mi nyɛe maa to kɛ pee nɔ ko, ja nɔ nɛ se naa kaa Tsɛ ɔ peɔ ɔ; ejakaa nihi tsuo nɛ Tsɛ ɔ peɔ ɔ, kɔlɔ ɔmɛ nɔuu Bi ɔ hu peɔ.

Yohane 5:27

Nɛ e ha lɛ he blɔ kaa e kojo hulɔ, ejakaa Nɔmlɔ Bi ji lɛ.

Yohane 6:26

Yesu he nɔ ke: “I ngɛ nyɛ dee anɔkuale mi ke: Tsa pi okadihi nɛ nyɛ na a he nɛ nyɛ ngɛ mi hlae nɛ ɔ, se mohu akɛnɛ nyɛ ye abolo ɔ eko nɛ nyɛ tɔ ɔ he je.

Yohane 6:32

Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Pi Mose ji nɔ nɛ ha nyɛ abolo ɔ kɛ je hiɔwe ɔ se Tsaatsɛ mohu lɛ haa nyɛ abolo nɛ jee hiɔwe ɔ nɛ.

Yohane 6:47

“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami.

Yohane 6:53

Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Ke nyɛ yi Nɔmlɔ Bi ɔ he lo nɛ nyɛɛ nu e muɔ ɔ, nyɛ be wami ngɛ nyɛ mi.

Yohane 8:34

Yesu he nɔ ke: “I ngɛ nyɛ dee anɔkuale mi ke: Nɔ tsuaa nɔ nɛ peɔ yayami ɔ, yayami ɔ nyɔguɛ ji lɛ.

Yohane 8:51

I ngɛ nyɛ dee anɔkuale mi ke: Ke nɔ ko ye ye munyu ɔ nɔ ɔ, e be gboe gblegbleegblee.”

Yohane 8:58

Yesu de mɛ ke: “I ngɛ nyɛ dee anɔkuale mi ke: I ngɛ loko Abraham ngɛ.”

Ni Tsumi 10:11

nɛ e na kaa hiɔwe nya bli, nɛ nɔ́ ko ngɛ si kplee kaa bo ngua nɛ a hɛɛ e kɔ nya eywiɛ ɔ mi nɛ a ngɛ siue kɛ ma zugba.

Ni Tsumi 7:56

Nɛ e ke: “Oʼɛ, i ngɛ hyɛe nɛ hiɔwe nya bli kɛ Nɔmlɔ Bi ɔ nɛ daa si ngɛ Mawu hiɛ ɔ nɔ.”

2 Tesalonikabi 1:7

nɛ nyɛ ninɛmɛ nɛ a ngɛ nyɛ haoe ɔ, e ma ha waa kɛ nyɛ tsuo he jɔɔmi, benɛ a ma je Mawetsɛ Yesu kpo kɛ maa je hiɔwe kɛ e he wami bɔfo ɔmɛ ɔ,

2 Tesalonikabi 1:9

A ma na hiɔwo nɛ ji neneene hɛ mi kpatami kɛ maa je Nyɔmtsɛ ɔ hɛ mi kɛ e he wami ɔ hɛ mi nyami ɔ he,

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

Hebribi 1:14

Anɛ mɛ kulaa a, pi mumihi nɛ sɔmɔɔ ji mɛ, nɛ nihi nɛ ma na yi wami hemi ɔ a sɔmɔmi he je nɛ a tsɔ mɛ?

Yuda 1:14

Nimli nɛ ɔmɛ a he nɛ Henok nɔ nɛ ji nɔ kapaago kɛ je Adam nɔ ɔ gba ngɛ ke: “Oʼɛ, Nyɔmtsɛ ɔ ma kɛ e klɔuklɔu bihi akpe nyɔngma nyɔngmahi abɔ,

Kpojemi 19:11

Kɛkɛ nɛ i na nɛ a bli hiɔwe nya, nɛ oʼɛ, okpɔngɔ hiɔ, nɛ nɔ nɛ hii si ngɛ nɔ ɔ, a tsɛɛ lɛ ke: Anɔkualetsɛ kɛ Dalɔ; dami nya e kojo ɔ nɛ e hwuɔ ta ngɛ.

Kpojemi 4:1

Ni nɛ ɔmɛ a se ɔ i hyɛ, nɛ oʼɛ, sinya ko nɛ a bli ngɛ hiɔwe. Kekleekle gbi nɛ i nu nɛ ngɛ kaa titimati nɛ kɛ mi tu munyu ɔ ke: “Kuɔ kɛ ba hiɛ ɔ nɛ ɔ nɛ ma tsɔɔ mo nihi nɛ maa ba mi ngɛ ni nɛ ɔmɛ a se.”