Yohane 1:47 - Somi He Ɔ

⁴⁷ Yesu na Natanael ma e ngɔ, nɛ e de ngɛ e he ke: “Oʼɛ anɔkuale Israelno, nɔ nɛ sisimi be e mi.”

BAIBLO ALOO NGMAMI KLƆUKLƆU Ɔ

⁴⁷ Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Yohane 1:47 ပူးပေါင်းရင်းမြစ်များ

Yohane 2:25

Nɛ e hia we lɛ kaa nɔ ko nɛ ye nɔmlɔ he odase ngɔ ha lɛ, ejakaa lɛ nitsɛ e le nɔ́ nɛ ngɛ nɔmlɔ mi.

Yohane 4:16

Yesu de lɛ ke: “Yaa nɛ o ya tsɛ o huno nɛ o kɛ lɛ nɛ ba hiɛ ɔ.”

Yohane 8:31

Kɛkɛ nɛ Yesu de Yudafo ɔmɛ nɛ he lɛ ye ɔ ke: “Ke nyɛ hi si ngɛ ye munyu ɔ mi ɔ, ye kaseli nitsɛmɛ ji nyɛ,

Yohane 8:39

A he nɔ nɛ a de lɛ ke: “Wa tsɛ ji Abraham.” Yesu de mɛ ke: “Abraham bimɛ ji nyɛ jinɛ nyɛ ma tsu Abraham ni tsumihi.

Romabi 9:4

nihi nɛ ji Israelbi nɛ a nɔ ji bimɛ a plɛmi ɔ kɛ nyami ɔ kɛ somi ɔ, kɛ mlaa hami kɛ jami ɔ kɛ si womi ɔ,

Romabi 9:6

Se pi kaa Mawu munyu ɔ pee yaka. Ejakaa tsa pi nihi nɛ je Israel mi ɔ tsuo ji Israel;

Filipibi 3:3

Ejakaa wɔ ninɛmɛ nɛ wa jaa Mawu ngɛ mumi nya, nɛ waa kɛ wa hɛ fɔɛ he lo nɔ, se Kristo Yesu nɔ mohu wa fiaa ngɔ fɔɔ ɔ, wɔ mohu ji ninɛmɛ nɛ a po mɛ ɔ nɛ.

1 Petro 2:1

Lɔ ɔ he ɔ, nyɛ sake yayami tsuo kɛ kutupɔ tsuo kɛ osato kɛ ninyɛ kɛ nihi a he munyu tumi kulaa ngɔ pue he.

1 Petro 2:22

lɛ nɔ nɛ e pee we yayami nɛ jeha nɛ hu lakpa ko ji e nya mi ɔ,

Kpojemi 14:5

A nɛ́ lakpa ko ngɛ a nya mi, ejakaa piami ko be a he.