Yohane 1:45 - Somi He Ɔ

⁴⁵ Filipo hu na Natanael, nɛ e de lɛ ke: “Wa na nɔ nɛ Mose ngma e he sane ngɛ Mlaa a mi, nɛ gbali ɔmɛ hu ngma e he sane ɔ, Yesu, Yosef bi nɛ je Nazaret ɔ.”

BAIBLO ALOO NGMAMI KLƆUKLƆU Ɔ

⁴⁵ Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Yohane 1:45 ပူးပေါင်းရင်းမြစ်များ

Mateo 10:3

Filipo kɛ Bartolomeo; Toma kɛ Mateo, onia tsulɔ ɔ; Yakobo, Alfeo bi ɔ, kɛ Lebeo nɛ a tsɛɛ lɛ Tadeo hulɔ ɔ;

Mateo 13:55

Anɛ pi kapitɛ ɔ bi ɔji nɛ ɔ? Anɛ pi e nyɛ nɛ a tsɛɛ Maria a, kɛ e nyɛmimɛ nyumuhi Yakobo kɛ Yose kɛ Simon kɛ Yuda a?

Mateo 2:23

Nɛ e ba ba hi ma ko nɛ a tsɛɛ Nazaret ɔ mi; konɛ nɔ́ nɛ gbalɔ ɔ de ɔ nɛ ba mi ke: “A ma tsɛ lɛ Nazareno.”

Mateo 21:11

Se asafo ɔ ke: “Nɔ nɛ ɔ ji Yesu, gbalɔ nɛ je Nazaret ngɛ Galilea a nɛ.”

Marko 14:67

nɛ benɛ e na Petro nɛ e ngɛ la hlue ɔ, e hyɛ lɛ nɛ e ke: “Tse mo hu o kɛ Yesu Nazareno ɔ lɛ ngɛ?”

Marko 6:3

Anɛ pi kapitɛ ɔ ji nɛ ɔ, Maria bi ɔ, kɛ Yakobo kɛ Yose kɛ Yuda kɛ Simonmɛ a nyɛmi nyumu ɔ, nɛ pi e nyemimɛ yihi hu nɛ kɛ wɔ ngɛ hiɛ ɔ?” Nɛ lɔ ɔ he ɔ a kua lɛ.

Luka 18:37

Nɛ a de lɛ ke Yesu Nazareno ɔ lɛ bee.

Luka 2:4

Lɔ ɔ he ɔ Yosef hu je Nazaret ma a mi ngɛ Galilea, nɛ e ya Betlehem nɛ ji David ma nɛ ngɛ Yudea a mi, ejakaa e je David we kɛ e weku ɔ mi,

Luka 2:48

Nɛ benɛ a na lɛ ɔ, a nya kpɛ a he; e nyɛ bi lɛ ke: “Ye bi, mɛ he je o pee wɔ kikɛ? Oʼɛ, i kɛ o tsɛ hia mo kɛ hɛdɔ.”

Luka 24:27

Nɛ e bɔni kɛ je Mose kɛ gbali ɔmɛ kulaa nɔ, nɛ e tsɔɔ mɛ nihi nɛ ngɛ ngmami ɔmɛ tsuo mi ngɛ e he ɔ sisi.

Luka 24:44

Nɛ e de mɛ ke: “Enɛ ɔmɛ ji ye munyuhi nɛ i kɛ nyɛ tu benɛ i kɛ nyɛ ngɛ lolo ɔ nɛ, kaa ja nihi kulaa nɛ a ngma ngɛ Mose Mlaa a kɛ gbali ɔmɛ kɛ La amɛ a mi ngɛ ye he ɔ na ba mi.”

Luka 3:23

Nɛ benɛ Yesu je e ni tsumi sisi ɔ, e ye maa pee jeha nyingmi etɛ, nɛ bɔ nɛ a susuu ɔ, e ji Yosef bi, Heli bi,

Luka 4:22

Nɛ nihi tsuo ye lɛ odase, nɛ a nya kpɛ a he ngɛ dloomi munyuhi nɛ je e nya a he, nɛ a de ke: “Anɛ pi Yosef bi nyumu ɔ ji nɛ ɔ?”

Yohane 1:44

Filipo je Betsaida, Andrea kɛ Petromɛ a ma a mi.

Yohane 12:21

Ni nɛ ɔmɛ ba Filipo nɛ je Betsaida ngɛ Galilea a ngɔ, nɛ a ba de lɛ ke: “Nyɔmtsɛ, wa ngɛ hlae kaa waa na Yesu.”

Yohane 14:8

Filipo de lɛ ke: “Nyɔmtsɛ, tsɔɔ wɔ Tsɛ ɔ, nɛ lɔ ɔ hiɛ ha wɔ.”

Yohane 18:5

A he nɔ ke: “Yesu Nazareno ɔ.” Yesu de mɛ ke: “Imi ji nɛ ɔ nɛ.” Se Yuda, nɔ nɛ ya tsɔɔ e se blɔ ɔ hu kɛ mɛ daa si.

Yohane 18:7

Kɛkɛ nɛ e kpale bi mɛ ekohu ke: “Mɛnɔ nyɛ ngɛ hlae?” Nɛ a ke: “Yesu, Nazareno ɔ.”

Yohane 19:19

Nɛ Pilato ngma womi ko ngɔ mɛtɛ e seumi tso ɔ yi mi; bɔ nɛ e ngma ji nɛ ɔ nɛ: “Yesu, Nazareno, Yudafo ɔmɛ a matsɛ ɔ.”

Yohane 21:2

Simon Petro kɛ Toma nɛ a tsɛɛ lɛ Didimo ɔ, kɛ Natanael nɛ je Kana ngɛ Galilea a, kɛ Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ngɛ he kake kutuu.

Yohane 6:42

nɛ a ke: “Anɛ pi Yosef bi Yesu ɔ nɛ wa le e tsɛ kɛ e nyɛ ɔ ji nɛ ɔ lo? Kɛ pee kɛɛ mɔ nɛ e deɔ ke: ‘I je hiɔwe’ ɔ?”

Yohane 6:5

Benɛ Yesu wo e hɛ nɔ nɛ e na kaa nihi babauu ma e ngɔ ɔ, e bi Filipo ke: “Jije wa ma ya he abolo ngɛ ha ni nɛ ɔmɛ nɛ a ye?”

Yohane 6:7

Filipo he nɔ ke: “Cedi lafa enyɔ nya abolo be mɛ sue, bɔ nɛ a ti nɔ tsuaa nɔ ma na nyamiwo bɔ kakaaka po.”

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Ni Tsumi 2:22

“Tsaatsɛmɛ Israelbihi, nyɛɛ bu kikɛmɛ a munyu nɛ ɔ tue. Yesu Nazare no ɔ ji nyumu nɛ Mawu kɛ he wami ni tsumihi kɛ nyakpɛ nihi kɛ okadihi nɛ e gu e nɔ kɛ pee ngɛ nyɛ kpɛti ɔ ye e he odase ngɔ tsɔɔ nyɛ, kaa bɔ nɛ nyɛ nitsɛmɛ nyɛ le ɔ.

Ni Tsumi 22:8

Nɛ i he nɔ ke: ‘Mo mɛnɔ, Nyɔmtsɛ?’ Nɛ e de mi ke: ‘Imi Yesu, Nazareno ɔ, nɛ o ngɛ lɛ yi mi wae ɔ ʼi.’

Ni Tsumi 26:9

“Imi nitsɛ hu e pee mi kaa e sa kaa ma pee nihi fuu nɛ ma kɛ te si ngɔ si Yesu, Nazareno ɔ biɛ ɔ.

Ni Tsumi 3:6

Se Petro ke: “Sika hiɔ kɛ sika tsu ɔ, i be eko; se nɔ́ nɛ i ngɛ ɔ, kɔlɔ ɔ i kɛ ngɛ mɔ hae nɛ ɔ nɛ: Ngɛ Yesu Kristo, Nazare no ɔ, biɛ mi ɔ, tee si nɛ o nyɛɛ!”