Yohane 1:4 - Somi He Ɔ

⁴ E mi wami ngɛ, nɛ wami ɔ ji nimli a la a nɛ;

BAIBLO ALOO NGMAMI KLƆUKLƆU Ɔ

⁴ Wami ngɛ Munyu ɔ mi, nɛ wami nɛ ɔ ngɔ la ba ha nimli adesahi.

Yohane 1:4 ပူးပေါင်းရင်းမြစ်များ

Mateo 4:16

Ma nɛ hii si ngɛ diblii mi ɔ na la kpetekpleenyɛ, nɛ ninɛmɛ nɛ hii si ngɛ gbenɔ zugba kɛ e hɔ́ ɔ mi ɔ, la te si ha mɛ!”

Luka 2:32

La nɛ ma bli majemajeli ɔmɛ a hɛ Nɛ maa wo o ma Israel hɛ mi nyami ɔ,

Yohane 11:25

Yesu de lɛ ke: “Imi ji sitemi ɔ kɛ wami ɔ nɛ; nɔ nɛ heɔ ye nɔ yeɔ ɔ, ke e gbo tete po ɔ, e hɛ maa hi ngmengmle,

Yohane 12:35

Yesu de mɛ ke: “Be kpiti kɛkɛ e piɛ ha la a ngɛ nyɛ kpɛti. Be abɔ nɛ nyɛ ngɛ la a nɛ ɔ ɔ, nyɛɛ nyɛɛ, konɛ diblii ko ba na nyɛ; se nɔ nɛ nyɛɛ diblii mli ɔ, e li he nɛ e yaa.

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ ye nɔ yeɔ ɔ, e ko hi diblii ɔ mi.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 3:19

Se kojomi ɔ ji nɛ ɔ nɛ, kaa la a ba je ɔ mi, nɛ nimli suɔ diblii ɔ mohu pe la a, ejakaa a ni tsumi ɔmɛ ɔ yayami ʼi;

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

Yohane 5:26

Ejakaa bɔ nɛ Tsɛ ɔ ngɛ wami ngɛ lɛ nitse e mi ɔ, ja kɛ̃ e ha Bi ɔ hu ke e hi wami ngɛ lɛ nitse e mi.

Yohane 8:12

Kɛkɛ nɛ Yesu kɛ mɛ tu munyu ekohu nɛ e ke: “Imi ji je ɔ la a nɛ. Nɔ nɛ nyɛɛ ye se ɔ, e be diblii mi nyɛe gblegbleegblee, se mohu e ma na wami la a.”

Yohane 9:5

Be abɔ nɛ i ngɛ je ɔ mi nɛ ɔ, je ɔ la ji mi.”

Ni Tsumi 26:23

kaa Kristo ɔ maa na amanehlu, nɛ e ba plɛ kekleekle nɔ ngɛ ni gbogboehi a sitemi ɔ mi, nɛ e ba jaje la a he sane ngɔ tsɔɔ ma a kɛ majeli ɔmɛ.”

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

Efesobi 5:14

Lɔ ɔ he nɛ a de ke: “O hɛ nɛ tsɛ, mo nɔ nɛ o ngɛ mahɛ hwɔe ɔ, Nɛ o te si kɛ je gbeje, Nɛ Kristo maa tso ha mo” ɔ, nɛ!

Kolosebi 3:4

Benɛ Kristo, nɔ nɛ ji wa wami ɔ ma pue ɔ, lɔ ɔ lɛɛ nyɛ hu nyɛɛ kɛ lɛ ma pue ngɛ anuminyami mi.

1 Yohane 1:1

Wa ngma nyɛ Wami Munyu ɔ nɛ ngɛ kɛ je sisije ɔ; nɔ́ nɛ wa nu nɛ wa na kɛ wa hɛngmɛ; nɔ́ nɛ wa hyɛ nɛ wa nine ta he.

1 Yohane 1:2

Nɛ wami ɔ je e he kpo ngɔ tsɔɔ: nɛ wa na, nɛ wa yeɔ he odase, nɛ wa jajeɔ neneene wami ɔ, nɔ nɛ kɛ Tsɛ ɔ ngɛ nɛ e je e he kpo tsɔɔ wɔ ɔ he sane ɔ ngɔ tsɔɔ nyɛ.

1 Yohane 5:11

Enɛ ɔ ji odase ɔ, kaa Mawu ngɔ neneene wami ngɔ ha wɔ, nɛ kikɛmɛ a wami nɛ ɔ peɔ wa nɔ ngɛ e Bi ɔ mi.

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Kpojemi 22:16

“Imi Yesu, i tsɔ ye bɔfo ɔ konɛ e ba ye ni nɛ ɔmɛ a he odase ngɔ tsɔɔ ngɛ asafo ɔmɛ a mi. Ami ji David sipoku ɔ kɛ e nina a, nɔkɔ nɛ ngɛ kpee ɔ.”