Yohane 1:29 - Somi He Ɔ

²⁹ E nɔ je na a, Yohane na Yesu ma e ngɔ nɛ e ke: “Oʼɛ Mawu To bi ɔ nɛ woɔ je ɔ he yayami ɔ kɛ yaa a!

BAIBLO ALOO NGMAMI KLƆUKLƆU Ɔ

²⁹ E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Yohane 1:29 ပူးပေါင်းရင်းမြစ်များ

Mateo 1:21

e ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wmai kɛ je a he yayami ɔmɛ a mi.”

Mateo 20:28

Kaa bɔ nɛ Nɔmlɔ Bi ɔ bɛ nɛ a sɔmɔ lɛ, se e ba sɔmɔmi mohu, nɛ e ngɔ e klaa a kɛ ha kaa kpɔmi nɔ kɛ ha nihi fuu ɔ.”

Yohane 1:35

E nɔ je na nɔ ɔ, Yohane kɛ e kaseli ɔmɛ a ti ni enyɔ daa si,

Yohane 1:36

nɛ bene Yesu bee ɔ, e hyɛ lɛ nɛ e ke: “Oʼɛ Mawu lo Bi ɔ!”

Yohane 1:43

Je na nɔ ɔ, Yesu to e yi mi kaa e maa ya Galilea, nɛ e na Filipo, nɛ e de lɛ ke: “Nyɛɛ ye se!”

Yohane 2:1

E nɔ ligbi etɛ ɔ, a kpee yo ngɛ Kana ngɛ Galilea, nɛ Yesu nyɛ ngɛ lejɛ ɔ.

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 4:42

nɛ a de yo ɔ ke: “Jeha nɛ ɔ wa ngɛ hee ngɛ yee, pi ngɛ o munyu ɔ nya hu; ejakaa wɔ nitsɛmɛ wa nu, nɛ wa na le kaa, niinɛ, nɔ nɛ ɔ ji je ɔ yi wami helɔ nɛ ji Kristo ɔ nɛ.”

Yohane 6:51

Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”

Ni Tsumi 13:39

nɔ nɛ ɔ mi ɔ, nɔ tsuaa nɔ nɛ heɔ yeɔ ɔ, a woɔ lɛ nguɔ.

Ni Tsumi 8:32

Se ngmami ɔ he nɛ e ngɛ kanee ɔ ji nɛ ɔ nɛ: “A kpaka lɛ kɛ ho kaa jijɔ nɛ a yaa gbe lɛ, Nɛ bɔ nɛ jijɔ bi peɔ kpoo ngɛ e he bwɔmi salɔ hɛ mi ɔ, Ja nɔuu e kpɛ we e kuɔ si.

1 Korintobi 15:3

Ejakaa sanehi nɛ he hia pe kulaa nɛ a kɛ ha mi nɛ imi hu i kɛ ha nyɛ ɔ ji kaa, Kristo gbo ngɛ wa he yayami ɔmɛ a he ngɛ ngmami ɔmɛ a nya,

2 Korintobi 5:21

Ejakaa nɔ nɛ li yayami ɔ, wa he ɔ Mawu ha e plɛ yayami, konɛ wɔɔ lɛɛ wa plɛ Mawu dami ngɛ e mi.

Galatabi 1:4

nɔ nɛ ngɔ lɛ nitsɛ e he ngɔ ha ngɛ wa he yayami ɔmɛ a he, konɛ e je wɔ kɛ je je yaya nɛ ngɛ mwɔnɛmwɔnɛ nɛ ɔ mi ngɛ Mawu kɛ wa Tsɛ ɔ suɔmi nya;

Galatabi 3:13

Kristo kpɔ wɔ kɛ je mlaa a gbiɛmi ɔ mi, akɛnɛ e plɛ gbiɛmi ngɔ ha wɔ ɔ, ejakaa a ngma ke: “A gbiɛ nɔ tsuaa nɔ nɛ kplaa si ngɛ tso nɔ” ɔ;

1 Timoteo 2:6

nɔ nɛ ngɔ e he ngɔ ha kaa kpɔmi nɔ ha nimli tsuo, nɛ ji odase nɛ a yeɔ ngɛ be nɛ sa mi ɔ;

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

Hebribi 1:3

nɔ hu nɛ ji e hɛ mi nyami ɔ kpɛmi ɔ su ɔ henɔ, nɛ e kɛ lɛ nitsɛ e he wami munyu ɔ hɛɔ nihi kulaa a, benɛ e tsukɔ wa he kɛ je wa he yayami ɔmɛ a mi ɔ, e ho ya hi si ngɛ hɛ mi nyamitsɛ agbo ɔ hiɛ ɔ nɔ ngɛ hiɔwe.

Hebribi 2:17

Lɔ ɔ he ɔ nihi kulaa blɔfami ɔ, e sa kaa e hi kaa e nyɛmimɛ ɔmɛ, konɛ e plɛ mɔbɔ nalɔ kɛ anɔkuale osɔfo nɔkɔtɔma ngɛ Mawu hɛ mi, konɛ e kpa ma a yi musu.

Hebribi 9:28

ja nɔuu Kristo hu, a ngɔ lɛ ngɔ ha si kake, konɛ e tloo nihi fuu a he yayami kɛ ho. E ma je e he kpo nɔ́ nɛ ji si enyɔ, pi ngɛ yayami he, se mohu konɛ e ba he ninɛmɛ nɛ ngɛ lɛ blɔ hyɛe ɔ a yi wami.

1 Petro 1:19

se mohu, Kristo, nɔ nɛ ngɛ kaa to bi nɛ he be piami loo mu ko ɔ muɔ nɛ he jua wa a.

1 Petro 2:24

Yesu nitsɛ tloo wa he yayami ɔmɛ ngɛ e nɔmlɔ tso ɔ hi kɛ ya sɛumi tso ɔ nɔ, konɛ wa gbo ha yayami nɛ wa hɛ hi ngmengmle ha dami, nɔ nɛ he pahi nɛ a kɛ tsa nyɛ ɔ.

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

1 Yohane 2:2

iɛ ji wa he yayami ɔmɛ a he kpatami nɔ́; se pi ngɛ wa nɔ́ ɔ kɛkɛ he, se mohu je mluku ɔ tsuo nɔ́ ɔ he hulɔ.

1 Yohane 3:5

Nɛ nyɛ le kaa Kristo je e he kpo konɛ e wo wa he yayami ɔmɛ kɛ ho, nɛ yayami ko be e mi.

1 Yohane 4:10

Enɛ ɔ mi suɔmi ɔ ngɛ: pi kaa wɔ iɛ wa suɔ Mawu se mohu kaa lɛ nɛ e suɔ wɔ, nɛ e tsɔ e Bi ɔ ke e ba pee wa he yayami ɔmɛ a he kpatami nɔ.

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Kpojemi 12:11

Nɛ mɛɛ lɛɛ, Tobi ɔ muɔ ɔ kɛ mɛ nitsɛmɛ a odase yemi munyu ɔ, a kɛ ye e nɔ, nɛ a klɔɛ mɛ nitsɛmɛ a wami he kɛ ya su gbenɔ mi tete.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Kpojemi 14:1

Kɛkɛ nɛ i hyɛ, nɛ oʼɛ, Tobi ɔ daa si ngɛ Zion yoku ɔ nɔ, nɛ nimli akpe lafa nyingmi eywiɛ kɛ eywiɛ nɛ a ngma e biɛ kɛ e Tsɛ biɛ ngɛ a hɛ nya a piɛ e he.

Kpojemi 14:10

lɛ hu e maa nu Mawu cmi mi fumi da nɛ a tsa we mi nɛ ngɛ e mi mi fumi kplu ɔ mi ɔ eko, nɛ a ma pii lɛ ngɛ la gligliigli ɔ mi ngɛ hiɔwe bɔfo klɔuklɔu ɔmɛ a hɛ mi kɛ Tobi ɔ hɛ mi.

Kpojemi 14:4

Nimli nɛ ɔmɛ ji nihi nɛ kɛ yihi ble we a he, ejakaa nihewi nɛ ngɔɛ yihi ji mɛ, nɛ a nyɛɛ Tobi ɔ se kɛ yaa he tsuaa he nɛ e yaa a. Nimli nɛ ɔmɛ ji nihi nɛ a kpɔ kɛ je nimli a kpɛti nɛ a plɛ kekleekle yiblii ha Nyɔmtsɛ ɔ kɛ Tobi ɔ.

Kpojemi 15:3

Nɛ a la Mawu tsɔlɔ Mose la a kɛ Tobi ɔ la a ke: “Nyɔmtsɛ Mawu Ope, O ni tsumi ɔmɛ kle, nɛ a ngɛ nyakpɛ! Mo je ma amɛ a nɔ matsɛ, O blɔ ɔmɛ da, nɛ anɔkuale ji mɛ.

Kpojemi 17:14

Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

Kpojemi 19:7

Nyɛ ha wa bua nɛ jɔ nɛ wa mi nɛ flii wɔ nɛ waa wo e hɛ mi nyami; ejakaa Tobi ɔ yokpeemi ɔ su, nɛ e yo ɔ dla e he ngɔ to.

Kpojemi 19:9

Kɛkɛ nɛ hiɔwe bɔfo ɔ de mi ke: “Ngmaa: A gbaa nihi nɛ a tsɛ mɛ kɛ ba Tobi ɔ yo kpeemi okplɔɔɔ ɔ he ɔ.” Nɛ e de mi ke: “Mawu anɔkuale munyuhi ji nɛ ɔmɛ ɔ nɛ.”

Kpojemi 21:14

Nɛ ma a he gli ɔ ngɛ sisi tomihi (aloo fanesihi) ɔnyɔngma kɛ enyɔ, nɛ Tobi ɔ bɔfohi nyɔngma kɛ enyɔ ɔmɛ a biɛhi ngɛ a mi.

Kpojemi 21:27

Nɛ nɔ́ ko nɛ he tsɔ we kɛ nɔ nɛ peɔ ninyɛ nihi kɛ nɔ nɛ yeɔ lakpa be mi sɛe kulaa, kaa ja ninɛmɛ nɛ a ngma a biɛ ngɛ Tobi ɔ wami womi ɔ mi ɔ?

Kpojemi 21:9

Nɛ hiɔwe bɔfohi kpaago nɛ hɛɛ tsinesa kpaago nɛ hyi tɔtɔɔtɔ kɛ nyagbe haomi kpaago ɔ a kpɛti nɔ kake ba ye ngɔ nɛ e kɛ mi ba tu munyu ke: “Ba, nɛ ma tsɔɔ mo ayɛflo ɔ nɛ ji Tobi ɔ yo ɔ.”

Kpojemi 5:6

Nɛ i hyɛ nɛ oʼɛ, matsɛ sɛ ɔ kɛ hɛ kali eywiɛ ɔmɛ a kpɛti, kɛ nikɔtɔmahi nyingmi enyɔ kɛ eywiɛ ɔmɛ a kpɛti ɔ, Tobi ko daa si kaa nɔ nɛ a gbe lɛ, nɛ e ngɛ koli kpaago kɛ hɛngmɛ kpaago nɛ ji Mawu mumi kpaago ɔ nɛ a tsɔ kɛ ya zugba a tsuo nɔ ɔ.

Kpojemi 5:8

Nɛ benɛ e ngɛ womi ɔ hee ɔ, hɛ kali eywiɛ ɔ kɛ nikɔtɔmahi nyingmi enyɔ kɛ eywiɛ ɔ bu si ngɛ Tobi ɔ hɛ mi, nɛ a ti nɔ tsuaa nɔ hɛɛ kpã saku kɛ sika tɔhi kɛ a mi tsopa kɛ e he via tɔtɔɔtɔ nɛ ji klɔuklɔu bi ɔmɛ a sɔlemi ɔmɛ.

Kpojemi 6:1

Kɛkɛ nɛ i na kaa Tobi ɔ tsɔ nya sɔumi kpaago ɔ kake; nɛ i nu kaa hɛ kali eywiɛ ɔmɛ a kpɛti nɔ kake kɛ gbi nɛ ngɛ kaa hiɔwe simi de ke: “Ba nɛ o ba hyɛ!”

Kpojemi 6:16

nɛ fa de yoku ɔmɛ kɛ tɛ sa amɛ ke: “Nyɛ ba nɔ wa nɔ nɛ nyɛɛ laa wɔ kɛ je nɔ nɛ hii si ngɛ matsɛ sɛ ɔ nɔ ɔ hɛ mi kɛ Tobi ɔ mi mi fumi ɔ nya.

Kpojemi 7:14

Nɛ i de lɛ ke: “Ye Nyɔmtsɛ, mo lɛ o le.” Nɛ e de mi ke: “Nimli nɛ ɔmɛ ji nihi nɛ a je nɔ nami kpetekpleenyɛ ɔ mi ɔ nɛ; nɛ a fɔ a tade ɔmɛ a he, nɛ a ha a hiɛ futaa ngɛ Tobi ɔ muɔ ɔ mi.

Kpojemi 7:17

ejakaa Tobi ɔ nɛ ngɛ matsɛ sɛ ɔ kpɛti ɔ maa lɛ mɛ, nɛ e maa tsɔɔ mɛ blɔ kɛ maa ya wami nyu vuhi a he, nɛ Mawu ma tsu a hɛ mi vo nyu kulaa.