Yohane 1:17 - Somi He Ɔ

¹⁷ Ejakaa Mlaa a Mose nɔ a gu nɛ a ngɔ ha, se dloomi kɛ anɔkuale ɔ, Yesu Kristo nɔ e gu kɛ ba.

BAIBLO ALOO NGMAMI KLƆUKLƆU Ɔ

¹⁷ Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yohane 1:17 ပူးပေါင်းရင်းမြစ်များ

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 18:37

Lɔ ɔ he ɔ Pilato bi lɛ ke: “Lɛɛ matsɛ ji mo kɛ̃ lo?” Yesu he nɔ ke: “Jã o de ɔ nɛ; ejakaa matsɛ ji mi. Imi lɛɛ enɛ ɔ he a fɔ mi, nɛ enɛ ɔ he nɔuu i ba je ɔ mi ngɛ, konɛ ma ba ye anɔkuale ɔ he odase. Nɔ tsuaa nɔ nɛ je anɔkuale ɔ mi ɔ nuɔ ye gbi.”

Yohane 5:45

Nyɛ ko susu kaa ma po nyɛ nya ngɔ ha Tsɛ ɔ; nɔ ko ngɛ nɛ ngɛ nyɛ nya poe, lɛ ji Mose, nɔ nɛ nɔ nɔuu nɛ nyɛ ngɔɔ nyɛ hɛ ngɔ fɔɔ ɔ.

Yohane 7:19

Anɛ pi Mose nɛ ha nyɛ Mlaa a lo? Nɛ nyɛ ti nɔ ko yi Mlaa a nɔ. Mɛni he je nyɛ ngɛ mi hlae nɛ nyɛ maa gbe ɔ?”

Yohane 8:32

nɛ nyɛ maa le anɔkuale ɔ, nɛ anɔkuale ɔ ma ha nyɛ maa ye nyɛ he.”

Yohane 9:29

Wa le kaa Mawu kɛ Mose tu munyu; se nɔ nɛ ɔ lɛɛ, wa li he nɛ e je.”

Ni Tsumi 28:23

Nɛ benɛ a to lɛ ligbi ɔ, a ti nihi fuu ba e ngɔ ngɛ e to he ɔ, nɛ e jaje Mawu matsɛ yemi ɔ he sane ɔ ngɔ tsɔɔ mɛ, nɛ e ye he odase faii, nɛ e je Mose Mlaa a kɛ gbali ɔmɛ a mi hla konɛ a yi mi nɛ plɛ̃ kɛ ba Yesu blɔfami kɛ je mɔtu kɛ ya su gbɔkuɛ.

Ni Tsumi 7:38

Mose ji nɔ nɛ kɛ asafo ɔ hi nga a nɔ nɛ e da bɔfo ɔ nɛ kɛ lɛ tu munyu ngɛ Sinai yoku ɔ nɔ ɔ kɛ wa tsɛmɛ ɔmɛ a kpɛti nɛ e he wami munyu ɔmɛ ba ha wɔ ɔ nɛ.

Romabi 6:14

Ejakaa yayami be nyɛ nɔ he wami nae, ejakaa pi mlaa sisi nɛ nyɛ ngɛ, se mohu dloomi sisi nyɛ ngɛ.

2 Korintobi 1:20

Ejakaa Mawu si womihi abɔ nɛ ngɛ ɔ, e mi “Ee” ɔ ngɛ, nɛ e mi nɔuu “Amen” ɔ ngɛ, konɛ a gu e nɔ kɛ wo Mawu hɛ mi nyami.

Galatabi 3:17

Se nɔ́ nɛ i ngɛ tsɔɔe nɛ ɔ ji: Mlaa nɛ a wo jeha lafa eywiɛ kɛ nyingmi etɛ se ɔ, e gui somi nɛ Mawu dla ngɔ to Kristo ɔ nɛ e ha si womi ɔ nɛ pee yaka.

Hebribi 9:22

Nɛ anɔkuale mi ɔ, e piɛ bɔɔ nɛ a kɛ muɔ tsukɔɔ nihi kulaa he ngɛ mlaa a nya; nɛ ke a pue we muɔ si ɔ, a kɛ pɛ́.