Yohane 1:16 - Somi He Ɔ

¹⁶ Ejakaa e hyi mi ɔ mi je nɛ wɔ tsuo wa na dloomi ngɔ si dloomi nɔ.

BAIBLO ALOO NGMAMI KLƆUKLƆU Ɔ

¹⁶ E mi mi hi kɛ be nɔ, lɔ ɔ he ɔ, e ha wa ti nɔ tsuaa nɔ dloomi nɔtonɔto.

Yohane 1:16 ပူးပေါင်းရင်းမြစ်များ

Mateo 13:12

Ejakaa nɔ tsuaa nɔ nɛ ngɛ nɔ́ ko ɔ, a ma ha lɛ nɛ e na kɛ be nɔ; se nɔ tsuaa nɔ nɛ be nɔ́ ko tsɔ ko ɔ, bɔɔ nɛ e ngɛ ɔ tete a ma kpɔ ngɛ e dɛ.

Mateo 3:11

Imi lɛɛ nyu i kɛ ngɛ nyɛ baptisie ha tsui tsakemi, se nɔ nɛ ma ngɛ ye se ɔ he wa pe mi, e tokotahi tete i sɛ́ nɔ nɛ hɛo; lɛ e kɛ Mumi Klɔuklɔu kɛ la maa baptisi nyɛ.

Mateo 3:14

Se Yohane ka lɛ blɔ tsimi ke: “Imi mohu nɛ e hia kaa mo o baptisii mi ɔ, nɛ mo o ma ye ngɔ nɛ ɔ?”

Luka 21:15

ejakaa ma ha nyɛ nya kɛ ni lemi nɛ nyɛ henyɛli ɔmɛ tsuo be nya nyɛe maa da, nɛ a be nya nyɛe maa ku hulɔ.

Yohane 3:34

Ejakaa nɔ nɛ Mawu tsɔ ɔ, Mawu munyu e tuɔ; ejakaa Mawu haa lɛ e Mumi ɔ faa.

Romabi 5:17

Ejakaa ke nɔ kake si gbeemi ɔ he je nɛ gbenɔ gu lɛ nɔ kake ɔ nɔ ye tsɛ ɔ, lɛɛ nihi nɛ na dloomi kɛ dami nɔke nɔ nɛ hiɛ kɛ be nɔ ɔ maa gu nɔ kake nɛ ji Yesu Kristo ɔ nɔ maa ye tsɛ ngɛ wami mi.

Romabi 5:2

Lɛ e nɔ wa gu nɛ waa kɛ hemi kɛ yemi ɔ na blɔ kɛ ba dloomi nɛ wa daa si ngɛ mi ɔ mi, nɛ wa fiaa fɔɔ Mawu hɛ mi nyami ɔ nɛ wa hɛ ngɛ nɔ ɔ nɔ.

Romabi 5:20

Se Mlaa a ba hɔ kpɛ konɛ si gbeemi ɔ nɛ hiɛ kɛ be nɔ. Se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu ngɛ;

Romabi 8:9

Se ke e ngɛ mi kaa Mawu Mumi hii nyɛ mi ɔ, lɔ ɔ lɛɛ nyɛ be he lo ɔ sisi, se mohu mumi ɔ sisi nyɛ ngɛ. Ke nɔ ko be Kristo Mumi ɔ, lɛɛ tsa pi Kristo nɔ́ ji lɛ.

Efesobi 1:23

Asafo ɔ ji Kristo nɔmlɔ tso kɛ nɔ nɛ woɔ nihi tsuo tɔtɔɔtɔ ngɛ nihi kulaa mi ɔ.

Efesobi 3:19

nɛ nyɛɛ le Kristo suɔmi nɛ pa ni lemi tsuo ɔ, konɛ Mawu himi kɛ si pimi ɔ nɛ hyi nyɛ tsuo tɔtɔɔtɔ.

Kolosebi 1:19

Ejakaa e sa Mawu hɛ mi kaa fuu hyimi kulaa nɛ hi e mi;

Kolosebi 2:3

nɔ́ mi nɛ a ngɔ ga kɛ ni lemi juetli ɔ kulaa ngɔ laa ngɛ ɔ.

1 Petro 1:11

nɛ a kpale bi be ɔ si, be nɛ kɛ bɔ nɛ Kristo Mumi nɛ ngɛ a mi ɔ je tsɔɔ, benɛ Mumi ɔ ngɛ amanehlu nɛ maa ba Kristo nɔ kɛ hɛ mi nyami nɛ maa ba ngɛ kɔlɔ ɔmɛ a se ɔ he odase yee kɛ ngɛ toe ɔ.

1 Petro 1:2

Nimli nɛ ɔmɛ ji nihi nɛ a hla, ngɛ Tsɛ Mawu ɔ yi mi tomi nya, ngɛ Mumi ɔ he tsukɔmi mi, kɛ ha Yesu Kristo tue bumi kɛ he fɔmi ngɛ e muɔ ɔ mi. Dloomi kɛ hejɔmi nɛ e hiɛ fuu ha nyɛ!