Yakobo 5:7 - Somi He Ɔ

⁷ Lɔ ɔ he ɔ mamimɛ, nyɛɛ to nyɛ tsui si, kɛ ya su Nyɔmtsɛ ɔ bami be ɔ. Nyɛɛ hyɛ bɔ nɛ hulɔ ɔ mlɛɔ zugba a ni bami nɛ he jua wa, nɛ e toɔ e tsui si ngɛ he kɛ ya suu be nɛ gbo kɛ gbiɛ nyu nɛɛ ɔ;

BAIBLO ALOO NGMAMI KLƆUKLƆU Ɔ

⁷ Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

Yakobo 5:7 ပူးပေါင်းရင်းမြစ်များ

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Mateo 16:28

Niinɛ, i ngɛ nyɛ dee ke: Ni kome ngɛ nihi nɛ daa si ngɛ hiɛ ɔ nɛ ɔ a kpɛti nɛ a be gboe kɛ yaa su be nɛ a maa na Nɔmlɔ Bi ɔ nɛ e ma ngɛ e matsɛ yemi ɔ mi.”

Mateo 24:27

Ejakaa bɔ nɛ slaba jee beleku ngaa kɛ yaa bonyoku ɔ ja nɔuu Nɔmlɔ Bi ɔ bami ɔ maa pee.

Mateo 24:44

Lɔ ɔ he ɔ nyɛ hu nyɛ dla nyɛ he ngɔ to, ejakaa ngmlɛfia nɛ nyɛ susuu we ɔ nɔ nɛ Nɔmlɔ Bi ɔ ma.”

Luka 18:8

I ngɛ nyɛ dee ke, e ma fa a he oya. Se benɛ Nɔmlɔ Bi ɔ maa ba a, anɛ e ma ba na hemi kɛ yemi ngɛ zugba a nɔ lo?”

Luka 21:27

Kɛkɛ ɔ, a maa na Nɔmlɔ Bi ɔ kaa e ma ngɛ bɔku mi kɛ hewami kɛ hɛ mi nyami babauu.

Luka 8:15

Se zugba kpakpa mi nɔ́ ɔ ji nihi nɛ benɛ a nu munyu ɔ, a kɛ toɔ tsui kpakpa mi, nɛ a kɛ tsui si tomi hɛɛ mi nɛ a woɔ yiblii.”

Yohane 21:22

Yesu de lɛ ke: “Ke i suɔ kaa e hi si kɛ ya su ye bami be ɔ, o he sane mɛni ji kɔlɔ ɔ? Moo lɛɛ nyɛɛ ye se!”

Yohane 21:23

Kɛkɛ nɛ munyu nɛ ɔ gbɛ fia ngɛ nyɛmimɛ ɔmɛ a kpɛti ke jamɛ a kaselɔ ɔ be gboe. Kpahu Yesu de we ke e be gboe, se mohu e ke: “Ke i suɔ kaa e hi si kɛ ya su ye bami be ɔ, o he sane mɛni ji kɔlɔ ɔ?”

Romabi 15:4

Ejakaa nihi abɔ nɛ a ngma ngɔ to momo ɔ, wɔ nitsɛmɛ wa he ni tsɔɔmi he a ngma ngɔ to ngɛ ɔ nɛ, konɛ waa kɛ tsui si tomi kɛ ngmami ɔmɛ a mi bua jɔmi ɔ nɛ na hɛ kɛ nɔ fɔmi.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

1 Korintobi 1:7

nɛ e piɛ́ nyɛ dloomi ke nɔ ko, nyɛ nɛ nyɛ hyɛɛ wa Nyɔmtsɛ Yesu Kristo kpojemi ɔ blɔ ɔ,

Galatabi 5:5

Ejakaa wɔɔ lɛɛ, Mumi ɔ nɔ wa guu waa kɛ hemi kɛ yemi mlɛɛ dami hɛ kɛ nɔ fɔmi ɔ.

Galatabi 6:9

Nyɛ ko ha nɛ pɔ nɛ tɔ nyɛ kɛ kpakpa peemi, ejakaa ke wa nine mi wui nyu ɔ, wa ma kpa hulɔ ngɛ be nɛ sa mi.

Kolosebi 1:11

nɛ nyɛɛ ya nɔ ngɛ Mawu he ni lemi mi, nɛ a kɛ he wami tsuo nɛ wo nyɛ he wami ngɛ e hɛ mi nyami nyɛmi ɔ nya ngɛ tsui si tomi nɛ se kɛɛ ɔ kulaa mi.

1 Tesalonikabi 1:3

Wa kaii nyɛ hemi kɛ yemi ni tsumi ɔmɛ kɛ nyɛ suɔmi mɔde bɔmi ɔ kɛ wa Nyɔmtsɛ Yesu Kristo he hɛ kɛ nɔ fɔmi mi tsui si tomi ɔ ngɛ Mawu kɛ wa Tsɛ ɔ hɛ mi.

1 Tesalonikabi 2:19

Ejakaa mɛni ji wa hɛ kɛ nɔ fɔmi loo wa bua jɔmi loo wa fiami jlasi ngɛ wa Mawetsɛ Yesu Kristo hɛ mi ngɛ e bami be ɔ mi ɔ? Anɛ pi nyɛ nɔuu lo?

1 Tesalonikabi 3:13

benɛ pee nɛ e ha nyɛ tsui nɛ pi si ngɛ klɔuklɔu peemi mi nɛ piami ko ko hi nyɛ he, ngɛ Mawu kɛ wa Tsɛ ɔ hɛ mi, ngɛ wa Nyɔmtsɛ Yesu Kristo kɛ e ni klɔuklɔu ɔmɛ kulaa a bami be ɔ mi.

Hebribi 6:15

Nɛ akɛnɛ Abraham to e tsui si he je ɔ, e nine su si womi ɔ nɔ.

Yakobo 4:11

Nyɛ ko ye nyɛ sibi a he sieku, mamimɛ. Nɔ nɛ tuɔ e nyɛmi he munyu aloo e kojoɔ e nyɛmi ɔ, Mlaa a e ngɛ munyu tue kɛ ngɛ sie, nɛ Mlaa a e ngɛ kojoe ɔ nɛ. Ke o ngɛ Mlaa a kojoe, ɔ pi Mlaa a nɔ yelɔ ji mo, se Mlaa a kojolɔ mohu ji mo.

Yakobo 5:10

Mamimɛ, nyɛɛ ngɔ gbali nɛ tu munyu ngɛ Nyɔmtsɛ ɔ biɛ mi ɔ ngɔ pee amanehlu kɛ tsui si tomi nɔ hyɛmi nɔ.

Yakobo 5:3

Nyɛ sika tsu kɛ nyɛ sika hiɔ ɔmɛ nɔ kana, nɛ a he kana amɛ maa ye nyɛ he odase, nɛ e maa sã nyɛ he womi mi kaa la. Nyɛ bua juetli nya ngɔ to ngɛ nyagbe ligbi ɔmɛ a mi.

2 Petro 3:4

nɛ a ma de ke: “Jije e bami ɔ he si womi ɔ ngɛ? Ejakaa kɛ je be nɛ tsɛmɛ ɔmɛ gbo nɛ ɔ ɔ, bɔ nɛ nihi ngɛ kɛ je je ɔ bɔmi sisije mi ɔ, ja nɔuu a ngɛ nɛ ɔ nɛ.”