Yakobo 5:10 - Somi He Ɔ

¹⁰ Mamimɛ, nyɛɛ ngɔ gbali nɛ tu munyu ngɛ Nyɔmtsɛ ɔ biɛ mi ɔ ngɔ pee amanehlu kɛ tsui si tomi nɔ hyɛmi nɔ.

BAIBLO ALOO NGMAMI KLƆUKLƆU Ɔ

¹⁰ Ye nyɛmimɛ, gbali ɔmɛ nɛ fiɛ munyu ɔ ngɛ Nyɔmtsɛ ɔ biɛ mi ɔ to a tsui si wawɛɛ kɛ na amanehlu. Nyɛ ha nɛ a pee nɔ hyɛmi nɔ́ ha nyɛ.

Yakobo 5:10 ပူးပေါင်းရင်းမြစ်များ

Hebribi 13:7

Nyɛ kai nyɛ hɛ mi nyɛɛli, nihi nɛ tu Mawu munyu tsɔɔ nyɛ ɔ; nyɛɛ hyɛ a je mi si himi ɔ nyagbe, nɛ nyɛɛ kase a hemi kɛ yemi ɔ.

Ni Tsumi 7:52

Gbali ɔmɛ a ti mɛnɔ nyɛ tsɛmɛ ɔmɛ wɛ́ lɛ yi mi hyɛ? Nɛ a gbe nihi nɛ gba sa ngɛ dalɔ ɔ bami ɔ he ɔ, nɔ nɛ jeha nɛ ɔ nyɛ plɛ e se blɔ tsɔɔli kɛ awi yeli ɔ,

Ni Tsumi 3:21

nɔ nɛ sa kaa e ya hi hiɔwe kɛ ya su nihi kulaa a blɔnya tomi be nɛ Mawu tu he munyu ngɛ e gbali klɔuklɔu ɔmɛ a nya kɛ je blema a.

Luka 6:23

Nyɛ nya ngɛ jamɛ a ligbi ɔ nɔ nɛ nyɛɛ tuu kɛ buajɔmi ejakaa oʼɛ, nyɛ hiɔwo ngɛ hiɔwe; ejakaa ja nɔuu a tsɛmɛ ɔmɛ pee gbali ɔmɛ.

Luka 13:34

“Yerusalem, Yerusalem, mo nɛ o gbee gbali ɔmɛ, nɛ o fiaa nihi nɛ a tsɔɔ mɛ o ngɔ ɔ tɛ, si nyɛmɛ i hla kaa i buaa o bimɛ ɔmɛ a nya, kaa bɔ nɛ kungwɔ buaa e bimɛ a nyɛ ngɔ woɔ e pɛlihi a sisi ɔ, nɛ nyɛ kplɛɛ we.’

Yakobo 4:11

Nyɛ ko ye nyɛ sibi a he sieku, mamimɛ. Nɔ nɛ tuɔ e nyɛmi he munyu aloo e kojoɔ e nyɛmi ɔ, Mlaa a e ngɛ munyu tue kɛ ngɛ sie, nɛ Mlaa a e ngɛ kojoe ɔ nɛ. Ke o ngɛ Mlaa a kojoe, ɔ pi Mlaa a nɔ yelɔ ji mo, se Mlaa a kojolɔ mohu ji mo.

Yakobo 5:7

Lɔ ɔ he ɔ mamimɛ, nyɛɛ to nyɛ tsui si, kɛ ya su Nyɔmtsɛ ɔ bami be ɔ. Nyɛɛ hyɛ bɔ nɛ hulɔ ɔ mlɛɔ zugba a ni bami nɛ he jua wa, nɛ e toɔ e tsui si ngɛ he kɛ ya suu be nɛ gbo kɛ gbiɛ nyu nɛɛ ɔ;

Yakobo 5:9

Mamimɛ, nyɛ ko pia nyɛ sibi konɛ Mawu ko kojo nyɛ. Oʼɛ, kojolɔ ɔ daa si ngɛ sinya a nya.

Yakobo 5:13

Ke nyɛ ti nɔ ko ngɛ amanehlu mi ɔ, e sɔle; kɛ nɔ ko bua jɔ ɔ, e la yi jemi la.