Yakobo 4:6 - Somi He Ɔ

⁶ Se Mawu dloɔ nɔ babauu. Ejakaa ngmami ɔ deɔ ke: “Mawu ɔ, e kuɔ he woli a nya, se he si bali e dloɔ.”

BAIBLO ALOO NGMAMI KLƆUKLƆU Ɔ

⁶ Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

Yakobo 4:6 ပူးပေါင်းရင်းမြစ်များ

Mateo 23:12

Nɔ tsuaa nɔ nɛ ma wo e he nɔ ɔ, a maa ba lɛ si, nɛ nɔ tsuaa nɔ nɛ maa ba ehe si ɔ, a ma wo e nɔ.”

1 Petro 5:5

Ja nɔuu nyɛ, jokuɛwi ɔmɛ, nyɛɛ ba nyɛ he si ha nikɔtɔma amɛ. Nɛ nyɛ tsuo nyɛɛ ba nyɛ he si ngɔ ha nyɛ sibi nɛ nyɛɛ wo he si bami kaa tade, ejakaa “Mawu kuɔ he woli a nya, se e dloɔ he si bali.”

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Luka 18:14

I ngɛ nyɛ dee ke: Kikɛmɛ a nyumu nɛ ɔ pue nɔ kɛ ho e we mi ya nɛ a wo lɛ nguɔ pe nɔ kaketsɛ ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Luka 1:52

E kpa hewali kɛ je a sɛ ɔmɛ a nɔ, Nɛ e wo nihi nɛ ji humi ɔmɛ a nɔ.

Mateo 13:12

Ejakaa nɔ tsuaa nɔ nɛ ngɛ nɔ́ ko ɔ, a ma ha lɛ nɛ e na kɛ be nɔ; se nɔ tsuaa nɔ nɛ be nɔ́ ko tsɔ ko ɔ, bɔɔ nɛ e ngɛ ɔ tete a ma kpɔ ngɛ e dɛ.

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.