Yakobo 4:4 - Somi He Ɔ

⁴ Gbapuɛli! Nyɛ li kaa je nɛ ɔ kɛ huɛbɔmi ɔ Mawu nyɛmi ʼi lo? Lɔ ɔ he ɔ, nɔ tsuaa nɔ nɛ suɔ nɛ e kɛ je ɔ nɛ bɔ huɛ ɔ, e ji Mawu henyɛlɔ.

BAIBLO ALOO NGMAMI KLƆUKLƆU Ɔ

⁴ Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

Yakobo 4:4 ပူးပေါင်းရင်းမြစ်များ

Romabi 8:7

Ejakaa he lo juɛmi ɔ Mawu nyɛmi ʼi, ejakaa e bɛ e he si ha we Mawu mlaa a, nɛ pohu e be nyɛe tete.

Galatabi 1:10

Blɔɔ jehanɛ nimli a hɛ mi i ngɛ hlɛe nɛ ma sa loo Mawu? Aloo i ngɛ nimli a hɛ mi hlae ma sa? Ejakaa ke i ngɛ nɔ ngɛ nimli a hɛ mi sae kɛ mwɔɔ ɔ, lɛɛ pi Kristo tsɔlɔ ji mi.

Yohane 15:19

Kaa je ɔ mi nyɛ je jinɛ, je ɔ maa suɔ lɛ nitsɛ e nihi, se akɛnɛ nyɛ ji je ɔ mi se imi mohu lɛ i hla nyɛ kɛ je je ɔ mi ɔ, kɔlɔ ɔ he nɛ je ɔ nyɛɛ nyɛ ɔ nɛ.

Mateo 6:24

“Nɔ ko be nyɔmtsɛmɛ enyɔ nyɛe ma sɔmɔ; ejakaa eko ɔ e maa nyɛ nɔ kake nɛ e maa suɔ nɔ kpa a; aloo e maa pɛtɛ nɔ kake he, nɛ e maa gbe nɔ kpa a he guɛ. Nyɛ be Mawu kɛ mamona (ni nami) nyɛe ma sɔmɔ.

Yohane 17:14

I ngɔ o munyu ɔ ngɔ ha mɛ, nɛ je ɔ ngɛ mɛ nyɛe, ejakaa a ji je ɔ mi, kaa bɔ nɛ imi hu i ji je ɔ mi ɔ?

Yakobo 1:27

Mawu jami nɛ he tsɔ nɛ he be mu ko ngɛ Mawu tsɛ ɔ hɛ mi ji nɛ ɔ nɛ, kaa a slaa ahusahi kɛ yalɔyi ngɛ a hiamihi a mi, nɛ e to e he nɛ je ɔ ko wo e he mu.

Romabi 5:10

Ejakaa ke be mi nɛ wa ji henyɛli ɔ nɛ a kɛ Mawu bi ɔ gbenɔ ba kpata waa kɛ Mawu kpɛti ɔ, jeha nɛ nɛ a kpata nɛ ɔ, a ma he wa yi wami hluu ngɛ e wami ɔ mi.

Mateo 16:4

Yi nɔ bimɛ yayamihi kɛ gba puɛli ngɛ okadi hlae, se a be mɛ okadi ko hae, ja gbalɔ Yona okadi ɔ.” Nɛ e si mɛ nɛ e pue nɔ kɛ ho.

Yohane 7:7

Je ɔ be nyɛe nyɛ maa nyɛ, se imi lɛɛ e nyɛɛ mi, ejakaa i yeɔ e he odase kaa e ni tsumi ɔmɛ ɔ ni tsumi yayamihi ʼi.

Luka 19:27

Se jamɛ a ye henyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi.’ ”

Mateo 12:39

Se Yesu he nɔ nɛ e de mɛ ke: “Yi nɔ bi yayahi kɛ gba puɛli ngɛ okadi hlae; se a be mɛ okadi ko hae, kaa ja gbalɔ Yona okadi ɔ.

1 Korintobi 1:20

Jije ni lelɔ ngɛ? Jije womi mi lelɔ ngɛ? Jije je nɛ ɔ mi sanemi hlalɔ ngɛ? Anɛ Mawu ha we nɛ je ɔ mi ni lemi ɔ nɛ plɛ kuasiahi a sane lo?

1 Korintobi 1:21

Se akɛnɛ je ɔ gui Mawu ni lemi ɔ nɔ nɛ e kɛ e ni lemi ɔ nɛ le Mawu he je ɔ, e sa Mawu hɛ mi kaa e kɛ kuasiahi a sane ɔ nɛ a ngɛ fiɛe ɔ nɛ he nihi nɛ heɔ ye ɔ a yi wami.