Yakobo 4:12 - Somi He Ɔ

¹² Nɔ kake ji mlaa wolɔ kɛ kojolɔ, nɔ nɛ ngɛ he wami nɛ e kɛ heɔ nɔ yi wami nɛ e kɛ kpataa nɔ hɛ mi hulɔ; se moo lɛɛ, mɛnɔ ji mo nɛ o kojoɔ o nyɛmi?

BAIBLO ALOO NGMAMI KLƆUKLƆU Ɔ

¹² Mawu pɛ ji mlaa wolɔ kɛ kojolɔ. Lɛ nɔ kake nɔuu pɛ lɛ e ngɛ he wami nɛ e kɛ heɔ nɔ yi wami, nɛ e kɛ kpataa nɔ hɛ mi hulɔ. Se moo lɛɛ mɛnɔ ji mo, nɛ o kojoɔ o nyɛmi adesa?

Yakobo 4:12 ပူးပေါင်းရင်းမြစ်များ

Romabi 14:4

Moo lɛɛ mɛnɔ ji mo nɛ o kojoɔ nɔ kpa sɔmɔlɔ? Lɛ nitsɛ e nyɔmtsɛ ɔ e daa si aloo e nɔɔ si haa; se a ma ha e maa da si, ejakaa Mawu ngɛ he wami nɛ e ma ha e da si.

Romabi 2:1

Lɔ ɔ he ɔ mo, nɔ tsuaa nɔ nɛ o kojoɔ ɔ, o be nya jemi ko; ejakaa nɔ he nɛ o kojoɔ nɔ kpa ngɛ ɔ, o kɛ buu mo nitsɛ o he fɔ; ejakaa mo nɛ o kojoɔ nihi ɔ, jamɛ a ni ɔmɛ nɔuu o tsuɔ.

Mateo 10:28

Nɛ nyɛ ko ye ninɛmɛ nɛ gbee nɔmlɔ tso ɔ nɛ a nyɛ we klaa a nɛ a gbe ɔ gbeye; se mohu nyɛɛ ye nɔ nɛ nyɛɛ klaa a kɛ nɔmlɔ tso ɔ tsuo hɛ mi kpataa ngɛ gehena mi ɔ gbeye.

Yakobo 5:9

Mamimɛ, nyɛ ko pia nyɛ sibi konɛ Mawu ko kojo nyɛ. Oʼɛ, kojolɔ ɔ daa si ngɛ sinya a nya.

Hebribi 7:25

Lɔ ɔ he hu ɔ e nyɛɔ nihi nɛ guu e nɔ kɛ baa Mawu ngɔ ɔmɛ a yi wami heɔ, ejakaa e ngɛ daa konɛ e da mi ha mɛ.

Romabi 14:13

Lɔ ɔ he ɔ, nyɛ ko ha nɛ waa kojo wa he hu; se enɛ ɔ mohu nyɛɛ kojo, kaa nɔ ko ko to tɛmi nɔ́ loo kpangmi ko ngɔ ha e nyɛmi.

Romabi 9:20

Se mɛnɔ ji mo, mo nɔmlɔ, nɛ o kɛ Mawu tsuaa nuku? Anɛ buɛ ɔ ma de nɔ nɛ puɛ lɛ ɔ ke: “Mɛni he je o puɛ mi kikɛ” ɔ lo?

Luka 12:5

Se ma tsɔɔ nyɛ nɔ nɛ sa nɛ nyɛɛ ye gbeye: Nyɛɛ ye nɔ nɛ ke e gbe se ɔ nɛ e ngɛ he blɔ kaa e ma sake ngɔ fɔ gehena mi ɔ gbeye. Ee, i ngɛ nyɛ dee ke, lɛ gbeye nyɛɛ ye.