Yakobo 3:2 - Somi He Ɔ

² Ejakaa wɔ tsuo kulaa wa tɔɔ fuu. Ke nɔ ko tɔ we ngɛ munyu mi ɔ, lɛɛ nɔmlɔ nɛ hi kɛ pi si ji lɛ, nɛ e ngɛ he wami nɛ e kɛ maa ye e nɔmlɔ tso mluku ɔ kulaa nɔ.

BAIBLO ALOO NGMAMI KLƆUKLƆU Ɔ

² Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

Yakobo 3:2 ပူးပေါင်းရင်းမြစ်များ

Mateo 12:34

Nyɛ sinɔhi a nina! Kɛ maa pee kɛɛ nɛ nyɛ nɛ nyɛ ji nimli yayamihi ɔ, nyɛ ma nyɛ munyu kpakpa maa tu? Ejakaa nɔ́ nɛ hyi tsui kɛ be nɔ ɔ, lɔ ɔ nɔuu nya deɔ.

Mateo 12:37

Ejakaa o munyu ɔmɛ a mi a maa je kɛ wo mo nguɔ, nɛ o munyu ɔmɛ a mi a maa je kɛ bu mo fɔ.”

Romabi 3:10

kaa bɔ nɛ wa ngma a ke: “Dalɔ ko be, nɔ kake ngmelu be;

Romabi 7:21

Lɛɛ i naa mlaa nɛ ɔ kaa imi nɛ i suɔ kaa ma pee nɔ́ nɛ hi ɔ, yayami mohu mɛtɛ ye he.

1 Korintobi 9:27

se mohu i gbaa imi nitsɛ ye nɔmlɔ tso ɔ mahi nɛ i yeɔ lɛ nyɔguɛ, konɛ imi nɛ i fiɛɛ ngɔ tsɔɔ ni kpahi ɔ, imi nitsɛ lɛɛ a ko sake mi ngɔ fɔ he.

Galatabi 3:22

Se mohu ngmami ɔ ngɔ je ɔ kulaa ngɔ wo yayami sisi, konɛ a gu Yesu Kristo nɔ hemi kɛ yemi nɔ nɛ a kɛ si womi ɔ nɛ ha nihi nɛ he yeɔ ɔ.

Galatabi 5:17

Ejakaa nihi nɛ he lo ɔ dii se ɔ kɛ mumi ɔ yi, nɛ nihi nɛ mumi ɔ hu dii se ɔ kɛ he lo ɔ yi. Ni nɛ ɔmɛ kɛ a he yi, konɛ nyɛ ko pee nihi nɛ nyɛ suɔ.

Kolosebi 1:28

Lɛ e he sane wa fiɛɔ, nɛ wa woɔ nɔmlɔ tsuaa nɔmlɔ ga, nɛ wa tsɔɔ nɔmlɔ ni ngɛ ni lemi tsuaa ni lemi mi, konɛ waa kɛ nɔmlɔ tsuaa nɔmlɔ nɛ da si kaa nɔ́ nɛ hi kɛ pi si ngɛ Kristo Yesu mi.

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Yakobo 1:26

Se ke e peɔ nyɛ ti nɔ ko kaa Mawu jalɔ ji lɛ nɛ e kɔɛ e lilɛ mi ɔ, e ngɛ e he sisie, nɛ kikɛmɛ a nɔmlɔ nɔ jami ɔ ji yaka.

Yakobo 1:4

Nyɛ ha tsui si tomi ɔ nɛ gbe e nitsumi nya kɛ pi si, konɛ nyɛɛ hi kɛ pi si, nɛ nyɛɛ su, nɛ e ko piɛ nyɛ nɔ́ ko nɔ́ ko.

Yakobo 2:10

Ejakaa nɔ nɛ maa ye Mlaa mluku ɔ kulaa nɔ tete, se e ma tɔ ngɛ kake mi ɔ, e tɔ kulaa nɔ.

1 Petro 3:10

Kaa bɔ nɛ ngmami ɔ de ɔ: “Nɔ nɛ ngɛ hlae nɛ e na wami Nɛ e na ligbi kpakpahi ɔ, E kɔ e lilɛ mi Nɛ e ko ye lakpa.

1 Petro 5:10

Se dloomi tsuo kulaa Mawu nɛ tsɛ nyɛ kɛ ba e neneene hɛ mi nyami ɔ mi ngɛ Kristo Yesu mi ɔ, ke nyɛ na amanehlu bɔɔ nɔ tã a, lɛ nitsɛ e ma dla nyɛ pɛ, nɛ e maa waje nyɛ, nɛ e maa wo nyɛ he wami, nɛ e ma ha nyɛ maa pi si.