Yakobo 3:17 - Somi He Ɔ

¹⁷ Se ni lemi nɛ je hiɔwe ɔ, kekleekle ɔ, e he tsɔ, lɔ ɔ se ɔ, e he jɔ, e hɛ ka si, e buɔ tue, e hyi tɔtɔɔtɔ kɛ mɔbɔ nami kɛ yiblii kpakpahi, e ji nɔ́, e pee we osato.

BAIBLO ALOO NGMAMI KLƆUKLƆU Ɔ

¹⁷ Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Yakobo 3:17 ပူးပေါင်းရင်းမြစ်များ

Yakobo 3:15

Kikɛmɛ a ni lemi nɛ ɔ, pi hiɔwe nɛ e je, se mohu zugba nɛ ɔ nɔ nɔ́ ʼi, he lo nya nɔ́ ʼi, mumi yayamihi a nɔ́ ʼi.

Romabi 12:9

Suɔmi ɔ, osato ko hi mi. Nyɛɛ nyɛ yayami kulaa; nyɛɛ pɛtɛ nɔ kpakpa he.

Yakobo 1:17

Dloomi ni kpakpahi kulaa kɛ nike ni nɛ hi kɛ pi si kulaa a, hiɔwe e jee kɛ kpleɔ si, kɛ jee Mawu nɛ ji lahi a tsɛ ɔ ngɔ, nɔ nɛ mi nɛ su tsakemi kɛ plɛmi ko be ɔ.

Yakobo 1:5

Se ke e hia nyɛ ti nɔ ko ni lemi ɔ, e kpa Mawu nɛ haa nihi kulaa faa kɛ bua jɔmi nɛ e ka we nɔ hɛ mi ɔ pɛɛ, nɛ e ma ngɔ ha lɛ.

1 Yohane 3:18

Bimɛ tsɔwi, nyɛ ko ha waa suɔ nimli ngɛ munyu tutui mi loo ngɛ lilɛ nɔ kɛkɛ, se mohu ngɛ ni tsumi kɛ anɔkuale mi.

1 Petro 1:22

Jehanɛ, akɛnɛ nyɛ tsukɔ nyɛ klaa amɛ a he ngɛ anɔkuale tue bumi mi ha nyɛmimɛ a he dɔmi nɛ lakpa be mi he je ɔ, nyɛɛ kɛ tsui klɔuu nɛ suɔ nyɛ he saminya.

Mateo 5:8

“A gbaa ninɛmɛ nɛ a tsui mi tsɔ ɔ; se a maa na Mawu.

1 Yohane 3:3

Nɔ tsuaa nɔ nɛ ngɛ kikɛmɛ a hɛ kɛ nɔ fɔmi ngɛ Kristo mi ɔ peɔ e he klɔuklɔu kaa bɔ nɛ lɛ hu e ngɛ klɔuklɔu ɔ.

Luka 21:15

ejakaa ma ha nyɛ nya kɛ ni lemi nɛ nyɛ henyɛli ɔmɛ tsuo be nya nyɛe maa da, nɛ a be nya nyɛe maa ku hulɔ.

Luka 6:36

Nyɛɛ na mɔbɔ, kaa bɔ nɛ Nyɛ Tsɛ ɔ hu naa mɔbɔ ɔ.”

Hebribi 12:14

Nyɛɛ bɔ mɔde nɛ nyɛɛ kɛ nihi kulaa nɛ hi si ngɛ he jɔmi mi, kɛ he tsɔmi nɛ ke nɔ ko si nɛ e be Nyɔmtsɛ ɔ nae ɔ.

2 Timoteo 2:24

Nyɔmtsɛ ɔ sɔmɔlɔ ɔ, e sɛ kaa e pɛɛ, se mohu e mi nɛ jɔ ha nihi kulaa, nɔ nɛ le ni tsɔɔmi, nɔ nɛ toɔ e tsui si haa yayami,

1 Petro 2:1

Lɔ ɔ he ɔ, nyɛ sake yayami tsuo kɛ kutupɔ tsuo kɛ osato kɛ ninyɛ kɛ nihi a he munyu tumi kulaa ngɔ pue he.

Yakobo 2:4

anɛ pi nihi a mi nɛ nyɛ ngɛ hlae ngɛ nyɛ kpɛti, nɛ nyɛɛ kɛ juɛmi yayami ngɛ kojoe nɛ ɔ lo?

Hebribi 12:11

Se tsɔsemi tsuaa tsɔsemi ɔ, a mlɔ nɛ ɔ ɔ, e pee we nɔ kaa bua jɔmi nɔ́, se dɔmi nɔ́ mohu; se ke pee se ɔ, e woɔ he jɔmi yiblii nɛ ji dami ɔ haa nihi nɛ gu nɔ kase nɔ́ ko ɔ.

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Romabi 15:14

Se mamimɛ, imi nitsɛ hu i ngɛ he wami ngɛ nɔ ngɛ nyɛ he kaa nyɛ nitsɛmɛ tete nyɛ hyi tɔtɔɔtɔ kɛ mi mi himi, nɛ ni lemi kulaa hyi nyɛ tɔ, nɛ nyɛ nyɛɔ tuɔ munyu tsɔɔ nyɛ he hulɔ.

1 Korintobi 12:8

Mumi ɔ haa nɔ ko ni lemi munyu; nɛ nɔ ko hu jamɛ a Mumi ɔ nɔuu haa lɛ nihi a sisi nami he ni lemi.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he Nyɛ fɔ nyɛ dɛ, nyɛ yayami peeli, nɛ nyɛ ha nyɛ tsui he nɛ tsɔ, nyɛ juɛmi enyɔenyɔtsɛmɛ.

1 Timoteo 5:21

I ngɛ mo mlaa woe ngɛ Mawu kɛ Mawetsɛ Yesu Kristo kɛ e bɔfohi nɛ e hia amɛ a hɛ mi, kaa o ye ni nɛ ɔmɛ a nɔ nɛ o ko hyɛ nihi a hɛ mi kɛ kojo, nɛ jehanɛ hu, o ko hia nɔ mi.

Ni Tsumi 11:24

Nɔmlɔ kpakpa ji lɛ nɛ e hyi tɔ kɛ Mumi Klɔuklɔu kɛ hemi kɛ yemi. Nɛ a ngɔ nihi babauu kɛ ba Nyɔmtsɛ ɔ ngɔ.

Mateo 23:28

Ja nɔuu a naa nyɛ hu ngɛ nimli a hɛ mi kaa dali, se osato kɛ mlaa tɔmi hyi nyɛ mi tɔ.”

1 Tesalonikabi 2:7

pohu wa ngɛ he blɔ kaa waa kɛ wa he fɔɔ nyɛ nɔ, akɛnɛ Kristo bɔfohi ji wɔ ɔ. Se mohu wa mi mi jɔɔ ngɛ nyɛ kpɛti, kaa bɔ nɛ bimɛ a nyɛ hɛɛ lɛ nitsɛ e bimɛ dɔdɔɔdɔ ɔ.

Filipibi 4:8

Nyagbe ɔ, mamimɛ, nihi nɛ da, nihi nɛ sa bu, nihi nɛ hi, nihi nɛ he tsɔ, nihi nɛ a suɔ, nihi nɛ ngɛ biɛ kpakpa amɛ kulaa, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu!

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Ni Tsumi 9:36

Se yo kaselɔ ko ngɛ Yopa nɛ a tsɛɛ lɛ Tabita, e sisi ji Dorka (odabɔ). Lɛɛ e hyi tɔ kɛ ni tsumi kpakpahi kɛ ohiafohi a hyemi.

Yohane 1:47

Yesu na Natanael ma e ngɔ, nɛ e de ngɛ e he ke: “Oʼɛ anɔkuale Israelno, nɔ nɛ sisimi be e mi.”

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Tito 3:2

a ko tu nɔ ko he munyu yaya, a ko hla pɛ; se mohu a pee kpoo, nɛ a kɛ a he nɛ tsɔɔ nɔ fɛɛ nɔ kaa a he jɔ.

Tito 1:15

Nihi nɛ a he tsɔ ɔ, nihi kulaa he tsɔ ha mɛ; se nihi nɛ a he tsɔ we kɛ nihi nɛ he we yi ɔ, nɔ́ ko nɔ́ ko be nɛ he tsɔ ha mɛ, se mohu a yi mi kɛ a he nile kulaa mi sɛ mu.

Romabi 12:18

Ke e maa hi ɔ, nyɛ blɔfami ɔ, nyɛɛ kɛ nimli tsuo nɛ hi si ngɛ he jɔmi mi.

Efesobi 5:9

Ejakaa la a yiblii ji mi mi himi kɛ dami kɛ anɔkuale tsuo.

2 Korintobi 10:1

Imi Paulo nitsɛ i kɛ Kristo mi mi jɔmi kɛ kpoo peemi ɔ ngɛ nyɛ pɛɛ kpae, imi nɛ nyɛ hɛ mi ɔ i ji humi ngɛ nyɛ kpɛti, se ke i be nyɛ ngɔ ɔ i hiaa kã woɔ nyɛ ɔ.

2 Korintobi 9:10

Se, nɔ nɛ kɛ dumi wuhi kee dulɔ nɛ e kɛ abolo hu haa yemi ɔ, e ma ha nyɛ dumi wuhi nɛ hiɛ, nɛ e ma ha dami yiblii ɔmɛ hu maa fu

Mateo 5:9

“A gbaa ninɛmɛ nɛ kpataa a: se a ma tsɛ mɛ Mawu bimɛ.

2 Korintobi 6:6

ngɛ he tsɔmi mi, ngɛ ni lemi mi, ngɛ juɛmi nɛ se kɛɛ mi, ngɛ mi mi himi mi, ngɛ Mumi Klɔuklɔu mi, ngɛ suɔmi klɔuu mi,

2 Korintobi 7:11

Ejakaa oʼɛ, kikɛmɛ a dɔmi nɛ e dɔ nyɛ bɔ nɛ sa Mawu hɛ mi nɛ ɔ nɔuu ɔ, nyɛɛ hyɛ mɔde bɔmi, nya jemi, tsui la womi, gbeye yemi, hɛja, hɛ dɔmi kɛ lue yemi tete nɛ e tsɛ ngɔ wo nyɛ mi! Nɔ́ tsuaa nɔ́ mi ɔ nyɛɛ kɛ nyɛ he tsɔɔ wɔ kaa nyɛ he tsɔ ngɛ kikɛmɛ a sane nɛ ɔ mi.

Yakobo 2:13

Ejakaa kojomi mi ɔ, nɔ nɛ nɛ́ mɔbɔ ɔ, a be lɛ mɔbɔ nae; mɔbɔ nalɔ yi kojomi gbeye.

1 Petro 2:18

Sɔmɔli, nyɛɛ kɛ gbeye yemi tsuo nɛ ba nyɛ he si ha nyɛ nyɔmtsɛmɛ, pi nimli kpakpahi kɛ mi mi hili kɛkɛ, se mohu nimli yayamihi hulɔ.