Yakobo 3:16 - Somi He Ɔ

¹⁶ Ejakaa he nɛ hunga jemi kɛ pɛ ngɛ ɔ, lejɛ ɔ sakasaka peemi kɛ ni yayahi kulaa ngɛ.

BAIBLO ALOO NGMAMI KLƆUKLƆU Ɔ

¹⁶ He nɛ hunga jemi ngɛ, nɛ nihi suɔ kaa e hi ha mɛ pɛ ɔ, lejɛ ɔ nɛ a naa sakasaka peemi, kɛ awi yemi slɔɔtohi babauu ngɛ.

Yakobo 3:16 ပူးပေါင်းရင်းမြစ်များ

Yakobo 3:14

Se ke hunga jemi yaya kɛ pɛ, kɛ he suɔmi ngɛ nyɛ mi ɔ, nyɛ ko fia nɛ nyɛɛ ye lakpa ngɔ si anɔkuale ɔ.

1 Korintobi 3:3

ejakaa he lo mi nimli ji nyɛ kɛ mwɔɔ. Se be abɔ nɛ hungajemi kɛ pɛ ngɛ nyɛ kpɛti kɛ mwɔɔ nɛ ɔ, anɛ pi he lo mi nimli ji nyɛ nɛ nimli a je mi nyɛ ngɛ bae ɔ lo?

1 Korintobi 14:33

ejakaa Mawu ɔ, e pi basabasa peemi Mawu, se mohu he jɔmi Mawu, kaa bɔ nɛ e ngɛ ngɛ he tsɔli asafo ɔmɛ kulaa mi ɔ.

1 Yohane 3:12

wa ko pee kaa Kain nɔ nɛ je nɔ yayami ɔ mi nɛ e gbe e nyɛmi ɔ. Mɛni he je nɛ e gbe e nyɛmi ɔ? Ejakaa lɛ nitsɛ e ni tsumi ɔmɛ ɔ yayami ʼi, se e nyɛmi ɔ nɔ ɔ da.

Galatabi 5:20

wɔ jami, nyuami, nyɛmi, pɛ, hunga jemi, mi mi la womi, ngmlaa kpami, atua tsɔmi, mi gbami, hɛ tsumi,

Ni Tsumi 19:29

Nɛ ma a mi kulaa pee basabasa; nɛ a kɛ juɛmi kake sa kɛ ho ni hyemi he ɔ ya, nɛ a ya nuu Gaio kɛ Aristarko nɛ ji Makedoniabi nɛ piɛ Paulo he kɛ hia blɔ ɔ.

Romabi 2:8

Se nihi nɛ suɔ pɛ nɛ a bui anɔkuale ɔ tue, se a buɔ ni yayahi mohu tue ɔ, a nɔ ji mi mi fumi kɛ mi mi la.

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

Marko 3:25

Ke we ko gba wo lɛ nitsɛ e he ɔ, jamɛ a we ɔ be nyɛe si dami.