Yakobo 3:15 - Somi He Ɔ

¹⁵ Kikɛmɛ a ni lemi nɛ ɔ, pi hiɔwe nɛ e je, se mohu zugba nɛ ɔ nɔ nɔ́ ʼi, he lo nya nɔ́ ʼi, mumi yayamihi a nɔ́ ʼi.

BAIBLO ALOO NGMAMI KLƆUKLƆU Ɔ

¹⁵ Kikɛmɛ a nile nɛ ɔ, pi hiɔwe nɛ e je; zugba nɛ ɔ nɔ nɔ́; Mawu mumi be mi, mumi yayami sɔuu.

Yakobo 3:15 ပူးပေါင်းရင်းမြစ်များ

Yakobo 3:17

Se ni lemi nɛ je hiɔwe ɔ, kekleekle ɔ, e he tsɔ, lɔ ɔ se ɔ, e he jɔ, e hɛ ka si, e buɔ tue, e hyi tɔtɔɔtɔ kɛ mɔbɔ nami kɛ yiblii kpakpahi, e ji nɔ́, e pee we osato.

Yakobo 1:17

Dloomi ni kpakpahi kulaa kɛ nike ni nɛ hi kɛ pi si kulaa a, hiɔwe e jee kɛ kpleɔ si, kɛ jee Mawu nɛ ji lahi a tsɛ ɔ ngɔ, nɔ nɛ mi nɛ su tsakemi kɛ plɛmi ko be ɔ.

1 Korintobi 3:19

Ejakaa je nɛ ɔ mi ni lemi ɔ ji kuasiahi a sane ngɛ Mawu hɛ mi. Ejakaa a ngma ke: “Enuu ni leli ɔmɛ ngɛ mɛ nitsɛmɛ a hɛ mi temi ɔ mi.”

Filipibi 3:19

Mɛɛ lɛɛ a nyagbe ji hɛ mi kpatami, nɛ a muklii ji a mawu, nɛ a zo nihi a mi a hɛ mi nyami ngɛ, nɛ je mi nihi a he kɛkɛ a susuu.

1 Korintobi 2:14

Se nɔmlɔ su nɛ a kɛ fɔ lɛ ɔ he we Mawu Mumi ɔ ni ɔmɛ; ejakaa e peɔ lɛ kaa kuasiahi a sane ʼi, nɛ e nɛ́ nya, ejaka mumi a kɛ hlaa nya.

2 Korintobi 1:12

Se wa fiami ji nɛ ɔ nɛ: wa he ni lemi odase nɛ e yeɔ wɔ, kaa Mawu klɔuklɔu peemi kɛ he tsɔmi mi wa ba wa je mi ngɛ ngɛ je nɛ ɔ mi, titli ɔ, ngɛ nyɛ kpɛti, nɛ pi he lo mi ni lemi nya, se mohu Mawu dloomi nya.

Yakobo 1:5

Se ke e hia nyɛ ti nɔ ko ni lemi ɔ, e kpa Mawu nɛ haa nihi kulaa faa kɛ bua jɔmi nɛ e ka we nɔ hɛ mi ɔ pɛɛ, nɛ e ma ngɔ ha lɛ.

1 Timoteo 4:1

Mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua hemi kɛ yemi ɔ, nɛ a ma ya nyɛɛ sisimi mumihi kɛ mumi yayamihi a tsɔɔmihi a se,

Yuda 1:19

Nimli nɛ ɔmɛ ji nihi nɛ kɛ mi gbami baa a nɛ, he lo mi nimli nɛ be mumi.

1 Korintobi 3:3

ejakaa he lo mi nimli ji nyɛ kɛ mwɔɔ. Se be abɔ nɛ hungajemi kɛ pɛ ngɛ nyɛ kpɛti kɛ mwɔɔ nɛ ɔ, anɛ pi he lo mi nimli ji nyɛ nɛ nimli a je mi nyɛ ngɛ bae ɔ lo?

Yohane 3:17

Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Kpojemi 9:11

Nɛ a matsɛ ji muɔ woo ɔ mi bɔfo ɔ, nɛ a tsɛɛ lɛ ngɛ Hebri gbi mi ke Abadon, nɛ ngɛ Hela gbi mi ɔ, a tsɛɛ lɛ Apolion (Hɛmikpatalɔ).

Kpojemi 2:24

“Se i ngɛ nyɛ dee, nyɛ nihi nɛ piɛ ngɛ Tiatira a, nihi abɔ nɛ hɛɛ we tsɔɔmi nɛ ɔ mi, nɛ li ‘Satan muɔhi nɛ a mi kuɔ ɔ’ (kaa bɔ nɛ a deɔ ɔ) I kɛ tlomi kpã ko be nyɛ nɔ fɔe.

2 Tesalonikabi 2:9

Dikalɔ ɔ maa be kɛ Satan ni tsumi nɛ mi wa ngɛ lakpa he wami kɛ okadihi kɛ nyakpɛ nihi tsuo mi,

2 Korintobi 11:3

Se i ngɛ gbeye yee kaa alinɔ, kaa bɔ nɛ sinɔ ɔ kɛ e kutupɔ ɔ mlɔɔ Hawa a, ja nɔuu a ma puɛ nyɛ hu nyɛ juɛmi kɛ je klɔu peemi nɛ nyɛ je tsɔɔ Kristo ɔ mi.

1 Korintobi 1:27

Se mohu je nɛ ɔ mi kuaisa amɛ Mawu hla, kone e kɛ gbe ni leli ɔmɛ zo. Nɛ je nɛ ɔ mi gbɔjɔmi ni ɔmɛ hu Mawu hla konɛ e kɛ gbe nihi nɛ he wa amɛ zo.

Romabi 1:22

A tsɛɛ a he ni leli, se a plɛ kuasiahi.

Ni Tsumi 13:10

nɛ e ke: “Oo, abosiami bi nɛ sisimi kɛ kutupɔ tsuo hyi mo tɔtɔɔtɔ, mo dami kulaa henyɛlɔ; anɛ o be Nyɔmtsɛ ɔ blɔ tlɔmɔɔ ɔmɛ a kpemi jɔɔe?

Yohane 8:44

Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

Luka 16:8

Nɛ nyɔmtsɛ ɔ je tsɔlɔ nɔkɔtɔma kutupɔtsɛ ɔ yi kaa e ye sane ɔ ga mi. Ejakaa je nɛ ɔ mi bi ɔmɛ le a nɔ ɔ mi ga pe la bi ɔmɛ.