Yakobo 2:23 - Somi He Ɔ

²³ nɛ ngmami ɔ nɛ deɔ ke: “Nɛ Abraham he Mawu nɛ ɔ ye nɛ a bu enɛ ɔ dami ha lɛ” ɔ ba mi, nɛ a tsɛ lɛ ke “Mawu huɛ.”

BAIBLO ALOO NGMAMI KLƆUKLƆU Ɔ

²³ Nɛ nɔ́ nɛ ngmami ɔ de ɔ ba mi ke, “Abraham he Mawu ye, nɛ e hemi kɛ yemi ɔ ha nɛ Mawu bu lɛ dalɔ.” Enɛ ɔ he nɛ a tsɛɛ Abraham ke Mawu huɛ ɔ nɛ.

Yakobo 2:23 ပူးပေါင်းရင်းမြစ်များ

Galatabi 3:6

A ngma ke: “Abraham he Mawu ye, nɛ a bu enɛ ɔ dami ngɔ ha lɛ.”

Romabi 11:2

Mawu kua we e ma nɛ e le to momo ɔ. Aloo nyɛ li nɔ́ nɛ ngmami ɔ de ngɛ Elia yi nɔ ɔ, benɛ e da Mawu hɛ mi nɛ e po Israel nya ke:

Galatabi 3:22

Se mohu ngmami ɔ ngɔ je ɔ kulaa ngɔ wo yayami sisi, konɛ a gu Yesu Kristo nɔ hemi kɛ yemi nɔ nɛ a kɛ si womi ɔ nɛ ha nihi nɛ he yeɔ ɔ.

Romabi 9:17

Ejakaa ngami ɔ de Farao ke: “Enɛ ɔ nɔuu he je nɛ i tle mo si konɛ ma je ye he wami kpo kɛ gu o nɔ, konɛ a wo ye biɛ ta ngɛ zugba a kulaa nɔ.”

Luka 4:21

Kɛkɛ nɛ e kɛ mɛ bɔni munyu tumi ke; “Mwɔnɛ ɔ ngmami nɛ ɔ ba mi ngɛ nyɛ hɛ mi.”

Marko 15:27

Nɛ a sɛu awiyeli enyɔ piɛ e he, nɔ kake ngɛ e hiɛ ɔ nɔ nɛ nɔ kake ngɛ e muɔ nɔ.

Marko 12:10

Anɛ nyɛ kane we kikɛmɛ a ngmami nɛ ɔ: ‘Tɛ ɔ nɛ tsu fiali ɔmɛ kua a, Kɔlɔ ɔ nɔuu lɛ plɛ kɔ nya tɛ

1 Petro 2:6

Ejakaa e ngɛ ngmami ɔ mi ke: “Oʼɛ, i kɛ kɔ nya tɛ ngɛ si mae ngɛ Zion, Tɛ nɛ a hla nɛ he jua wa, Nɛ nɔ nɛ heɔ e nɔ yeɔ ɔ, zo be lɛ gbee kɔkɔɔkɔ.”

2 Timoteo 3:16

Ngmami tsuaa ngmami nɛ je Mawu mumi mi ɔ, e hi ha ni tsɔɔmi kɛ hɛ mi kami kɛ nɔ dlami kɛ tsɔsemi nɛ ngɛ dami mi ɔ,

Ni Tsumi 1:16

“Tsaatsɛmɛ kɛ mamimɛ, e sa kaa jamɛ a ngmami nɛ Mumi Klɔuklɔu ɔ de to ngɛ David nya ngɛ Yuda nɛ tsɔɔ nihi nɛ ya nu Yesu ɔ blɔ ɔ he ɔ nɛ ba mi.

Yakobo 2:24

Lɔ ɔ he ɔ, nyɛ na kaa ni tsumihi a mi a jee kɛ woɔ nɔmlɔ nguɔ, se pi hemi kɛ yemi kɛkɛ mi.