Yakobo 2:20 - Somi He Ɔ

²⁰ Oo, kuasia, o ngɛ hlaɔ nɛ o le kaa hemi kɛ yemi nɛ ni tsumihi be he ɔ, hemi kɛ yemi gbogboe ʼi lo?

BAIBLO ALOO NGMAMI KLƆUKLƆU Ɔ

²⁰ Kuasia! O ngɛ hlae nɛ nɔ ko nɛ de mo ke hemi kɛ yemi kɛkɛ nɛ ní tsumi piɛ we he ɔ, e wui yiblii.

Yakobo 2:20 ပူးပေါင်းရင်းမြစ်များ

Yakobo 2:26

Ejakaa kaa bɔ nɛ nɔmlɔ tso nɛ mumi be mi ɔ ji gbogboe ɔ, ja nɔuu hemi kɛ yemi nɛ ni tsumihi be he ɔ ji hemi kɛ yemi gbogboe.

Yakobo 2:17

Ja nɔuu hemi kɛ yemi hu, ke ni tsumihi be he ɔ, e ji hemi kɛ yemi gbogboe.

Romabi 1:21

A le Mawu lɛɛ, se a wui e hɛ mi nyami kaa Mawu nɛ a nɛ lɛ si hulɔ, se a epe posoposo ngɛ a juɛmihi a mi, nɛ a tsui nɛ kɔ we sane se ɔ mi wo diblii.

Galatabi 6:3

Ejakaa ke e peɔ nɔ ko kaa nɔ ko ji lɛ nɛ e pi nɔ ko ɔ, lɛ nitsɛ e he e ngɛ sisie.

Yakobo 1:26

Se ke e peɔ nyɛ ti nɔ ko kaa Mawu jalɔ ji lɛ nɛ e kɔɛ e lilɛ mi ɔ, e ngɛ e he sisie, nɛ kikɛmɛ a nɔmlɔ nɔ jami ɔ ji yaka.

Tito 1:10

Ejakaa nihi fuu ngɛ nɛ ji atua tsɔli kɛ yakayaka munyu tuli nɛ sisiɔ nɔ, titli ɔ, ninɛmɛ nɛ je nihi nɛ a po mɛ ɔmɛ a kpɛti ɔ;

1 Timoteo 1:6

nihi nɛ ni komɛ je se, nɛ a kpale kɛ ho yaka munyu he ya.

Kolosebi 2:8

Nyɛɛ hyɛ nɛ hi, konɛ nɔ ko kɛ je mi ni lemi kɛ yaka sisimi ko ngɔ nyɛ nyɔgue, ngɛ nimli a blema sanehi kɛ je nɛ ɔ mi mumihi nɛ ji Kristo mi ɔ nya.

Galatabi 5:6

Ejakaa Kristo Yesu mi ɔ, pi nɔ pomi nɛ nyɛɔ nɔ́ ko peɔ, nɛ pi mɔmlɔtɔ hulɔ, se mohu hemi kɛ yemi nɛ guu suɔmi nɔ tsuɔ ni ɔ ʼi.

Romabi 3:28

Lɔ ɔ he ɔ wa ngɔɔ lɛ kaa hemi kɛ yemi nɔ a guu kɛ woɔ nɔmlɔ nguɔ, se pi mlaa ni tsumihi a nɔ.

Romabi 9:20

Se mɛnɔ ji mo, mo nɔmlɔ, nɛ o kɛ Mawu tsuaa nuku? Anɛ buɛ ɔ ma de nɔ nɛ puɛ lɛ ɔ ke: “Mɛni he je o puɛ mi kikɛ” ɔ lo?