Yakobo 1:25 - Somi He Ɔ

²⁵ Se nɔ nɛ hyɛɛ he yemi mlaa nɛ hi kɛ pi si kãii, nɛ e hɛ hii he be tsuaa be, nɛ e pi nɔ nɛ nuɔ nɛ e hɛ jee nɔ, se mohu e ji e nɔ yelɔ nɛ tsuɔ he ni ɔ, jamɛ a tsɛ ɔ Mawu maa gbaa lɛ ngɛ e nɔ́ tsuaa nɔ́ peemi mi.

BAIBLO ALOO NGMAMI KLƆUKLƆU Ɔ

²⁵ Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

Yakobo 1:25 ပူးပေါင်းရင်းမြစ်များ

Luka 11:28

Se Yesu he nɔ ke: “E ngɛ mi ja mohu, se a gbaa ninɛmɛ nɛ nuɔ Mawu munyu ɔ nɛ a yeɔ nɔ ɔ!”

Yohane 13:17

Ke nyɛ le ni nɛ ɔmɛ ɔ, a gbaa nyɛ ke nyɛ ye nɔ.

Yohane 8:36

Lɔ ɔ he ɔ ke bi ɔ ha nyɛ ye nyɛ he ɔ, lɔ ɔ loko nyɛ maa ye nyɛ he niinɛ.

Ni Tsumi 13:43

Se benɛ nihi nɛ ngɛ kpe he ɔ kpa a, Yudafohi kɛ nihi nɛ a tsake mɛ ngɔ pee Yudafohi nɛ a yee Mawu gbeye ɔmɛ a ti nihi fuu nyɛɛ Paulo kɛ Barnaba se, nɛ a tu munyu tsɔɔ mɛ nɛ a wo mɛ ga ke a pɛtɛ Mawu dloomi ɔ he.

Ni Tsumi 2:42

Nɛ a hɛɛ bɔfo ɔmɛ a tsɔɔmi ɔ kɛ huɛ bɔmi ɔ kɛ abolo mi kumi ɔ kɛ sɔlemi kɛ pɛɛ kpami ɔmɛ a mi.

Ni Tsumi 26:22

Se Mawu yemi kɛ buami nya i kɛ daa si kɛ ba su mwɔnɛ ligbi nɛ ɔ nɔ, nɛ i ngɛ odase yee kɛ ngɛ nimli tsɔwi kɛ nimli nguahi tsɔɔe nɛ ɔ nɛ. I tu we munyu ko kaa ja nihi nɛ gbali ɔmɛ kɛ Mose hu de ke a maa ba a,

Romabi 11:22

Lɔ ɔ he ɔ, hyɛ Mawu mi mi himi kɛ e sane wami ɔ tsuo. E sane wa ngɛ nihi nɛ gbee si ɔmɛ a nɔ, se moo lɛɛ e mi mi hi ngɛ o nɔ, ke o hi e mi mi himi ɔ mi ɔ; ke pi ja a, a maa po mo ngɔ sake ngɔ fɔ he.

Romabi 2:13

Ejakaa pi mlaa nuli ɔmɛ ji dali ngɛ Mawu hɛ mi, se mlaa nɔ yeli mohu ji ninɛmɛ nɛ a maa bu kaa dali.

Romabi 7:12

Lɔ ɔ he ɔ, Mlaa a ngɛ klɔuklɔu, nɛ Kita a hu ngɛ klɔuklɔu nɛ e da nɛ e hi.

Romabi 8:15

Ejakaa pi nyɔguɛ yemi mumi nɛ nyɛ na nɛ nyɛ ma pa ye gbeye, se mohu nyɛ na bimɛ a plɛmi mumi, nɔ́ mi nɛ wa kpaa ngmlaa ngɛ ke: “Abba,” Tsaatsɛ! ɔ.

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

1 Korintobi 15:58

Lɔ ɔ he ɔ, mamimɛ nɛ i suɔ, nyɛ fi si nɛ nyɛ ko gbɔle, nɛ nyɛɛ ya nɔ ngɛ Nyɔmtsɛ ɔ ni tsumi ɔ mi daa nɛ ɔ, ejakaa nyɛ le kaa nyɛ dengme gbomi ɔ be yaka pee ngɛ Nyɔmtsɛ ɔ mi.

2 Korintobi 13:5

Nyɛɛ ka nyɛ nitsɛmɛ nyɛ he hyɛ kaa nyɛ ngɛ hemi kɛ yemi mi lo. Nyɛɛ hyɛ nyɛ nitsɛmɛ nyɛ he nɛ hi. Aloo nyɛ li nyɛ nitsɛmɛ nyɛ he kaa Yesu Kristo ngɛ nyɛ mi lo? Ke pi ja a, lɛɛ nihi nɛ sɛ kulaa ji nyɛ.

Galatabi 2:4

ejakaa lakpa nyɛmimɛ komɛ ju si sɛ asafo ɔ mi kulɔɔ, konɛ a ba huɔ wa he nɛ wa ye ngɛ Kristo Yesu mi ɔ, konɛ a ye wɔ nyɔguɛ;

Galatabi 5:1

Kristo pee wɔ odehehi, nɛ e ha wa ye wa he, lɔ ɔ he ɔ nyɛɛ da si kpitikplii nɛ nyɛ ko ha a bɔ nyɛ nyɔguɛ yemi pã a hu.

Galatabi 6:2

Nyɛ tlomi ɔmɛ ɔ, nyɛɛ kpee nyɛ he kɛ tloo, nɛ lɔ ɔ loko nyɛ maa ye Kristo mlaa a nɔ.

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

1 Timoteo 2:15

Se a ma he e yi wami kɛ maa gu bimɛ a fɔmi mi, ke a hi si ngɛ hemi kɛ yemi kɛ suɔmi kɛ he tsɔmi kɛ juɛmi hu nɛ sa mi ɔ.

1 Timoteo 4:16

O hɛ nɛ hi o he nɔ kɛ o tsɔɔmi ɔ, hii si ngɛ ni nɛ ɔmɛ a mi; ejakaa ke o pee enɛ ɔ ɔ, o ma he mo nitsɛ kɛ nihi nɛ buɔ mo tue ɔ kulaa yi wami.

Hebribi 12:15

Nyɛɛ hyɛ nɛ hi, konɛ nɔ ko ko ngmɛɛ Mawu dloomi ɔ he, konɛ poku kɛ doomi ko ko puɛ nɛ e hao nyɛ nɛ e ble nihi fuu kɛ e duɔ ɔ;

Yakobo 2:12

Nyɛɛ tu munyu nɛ nyɛɛ pee nyɛ nihi kaa nihi nɛ he yemi mlaa a kɛ maa kojo mɛ.

1 Petro 2:16

Kaa sodehehi, se pi ninɛmɛ nɛ ngɔɔ odehe yemi nɛ ɔ kɛ peɔ yayami nɔ hami nɔ, se mohu kaa Mawu sɔmɔli.

1 Yohane 2:24

Lɔ ɔ he ɔ, nyɛɛ lɛɛ, nɔ́ nɛ nyɛ nu kɛ je sisije ɔ, nyɛ ha kɔlɔ ɔ nɛ hi nyɛ mi. Ke nɔ́ nɛ nyɛ nu kɛ je sisije ɔ ngɛ nyɛ mi ɔ, lɔ ɔ lɛɛ nyɛ hu nyɛ maa hi Bi ɔ kɛ Tsɛ ɔ mi.

Kpojemi 14:13

Nɛ i nu gbi kɛ je hiɔwe ngɛ dee ke: “Ngmaa: A gbaa ni gbogboehi nɛ gboɔ ngɛ Nyɔmtsɛ ɔ mi ɔ, kɛ je mwɔnɛ kɛ yaa nɛ ɔ. Ee, Mumi ɔ ke, konɛ a jɔɔ a he kɛ je a haomi ɔmɛ a mi; se a ni tsumi ɔmɛ nyɛɛ a se.”

Kpojemi 22:14

A gbaa nihi nɛ fɔɔ a tade ɔmɛ a he ɔ, konɛ a na wami tso ɔ nɔ yiblii ɔ yemi he blɔ, nɛ a gu a gbo ɔmɛ a mi kɛ sɛ ma a mi.