Yakobo 1:24 - Somi He Ɔ

²⁴ ejakaa e hyɛɛ e he, nɛ e jee kɛ yaa nɛ amlɔ ɔ nɔuu ɔ, e hɛ jee bɔ nɛ e ngɛ ɔ nɔ.

BAIBLO ALOO NGMAMI KLƆUKLƆU Ɔ

²⁴ E naa bɔ nɛ e ngɛ ɔ, kɛkɛ ke e je lejɛ ɔ nɔuu pɛ e hɛ jeɔ bɔ nɛ e ngɛ ɔ nɔ.

Yakobo 1:24 ပူးပေါင်းရင်းမြစ်များ

Mateo 8:27

Se ni ɔmɛ a hɛ mi pee mɛ yaa nɛ a ke: “Mɛni nɔmlɔ slɔɔto ji nɛ nɛ kɔɔhiɔ kɛ wo tete boɔ lɛ tue nɛ ɔ?”

Luka 1:66

Nɛ nihi tsuo nɛ nu ɔ ngɔ to a yi mi nɛ a ke: “Mɛni po jokuɛ nɛ ɔ maa pee? Ejakaa Nyɔmtsɛ ɔ nine ngɛ e nɔ.

Luka 7:39

Se benɛ Farisifono ɔ nɛ tsɛ Yesu ni yemi ɔ na a, e de ngɛ e mi ke: “Nɔmlɔ nɛ ɔ gbalɔ ji lɛ jinɛ e maa le nɔ́ nɔmlɔ kɛ nɔ́ yo nɛ ngɛ e he tae nɛ ɔ kaa yayami peelɔ ji lɛ.”

1 Tesalonikabi 1:5

kaa wa sane kpakpa a bɛ́ nyɛ ngɔ ngɛ munyu tumi mi kɛkɛ, se mohu ngɛ Mumi Klɔuklɔu ɔ he wami kɛ nɔ mi mami babauu mi, kaa bɔ nɛ nyɛ le, bɔ nɛ wa plɛ ba wa je mi ngɛ nyɛ kpɛti ngɛ nyɛ he ɔ.

Yakobo 1:23

Ejakaa ke nɔ ko ji munyu ɔ nulɔ kɛkɛ se pi e nɔ yelɔ hulɔ ɔ, kikɛmɛ a nɔmlɔ nɛ ɔ ngɛ kaa nyumu ko nɛ hyɛɛ e hɛ mi su ɔ ngɛ ahuhuɛ mi;

Yakobo 1:25

Se nɔ nɛ hyɛɛ he yemi mlaa nɛ hi kɛ pi si kãii, nɛ e hɛ hii he be tsuaa be, nɛ e pi nɔ nɛ nuɔ nɛ e hɛ jee nɔ, se mohu e ji e nɔ yelɔ nɛ tsuɔ he ni ɔ, jamɛ a tsɛ ɔ Mawu maa gbaa lɛ ngɛ e nɔ́ tsuaa nɔ́ peemi mi.

2 Petro 3:11

Jehanɛ, akɛnɛ kikɛmɛ a ni nɛ ɔmɛ tsuo hɛ mi ma kpata he je ɔ, mɛni nimli sa kaa nyɛ pee ngɛ je mi bami klɔuklɔu kɛ Mawu jami mi?