Yakobo 1:17 - Somi He Ɔ

¹⁷ Dloomi ni kpakpahi kulaa kɛ nike ni nɛ hi kɛ pi si kulaa a, hiɔwe e jee kɛ kpleɔ si, kɛ jee Mawu nɛ ji lahi a tsɛ ɔ ngɔ, nɔ nɛ mi nɛ su tsakemi kɛ plɛmi ko be ɔ.

BAIBLO ALOO NGMAMI KLƆUKLƆU Ɔ

¹⁷ Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Yakobo 1:17 ပူးပေါင်းရင်းမြစ်များ

Yohane 3:27

Yohane he nɔ nɛ e ke: “Nɔmlɔ be nyɛe ma na nɔ́ ko, ja a je hiɔwe ngɔ ha lɛ.

Mateo 7:11

Lɛɛ ke nyɛ nɛ nyɛ ji nimli yayamihi ɔ nyɛ le bɔ nɛ nyɛ peɔ ngɔɔ ni kpakpahi ngɔ haa nyɛ bimɛ ɔ, enyɛmɛ nɔuu nɛ nyɛ tsɛ nɛ ngɛ hiɔwe ɔ be ni kpakpahi ngɔe kɛ ha nihi nɛ biɔ lɛ ɔ?

Hebribi 13:8

Yesu Kristo ɔ, bɔ nɛ e ngɛ hiɛ̃ kɛ mwɔnɛ ɔ, ja nɔuu e ngɛ kɛ yaa neneene.

Yohane 8:12

Kɛkɛ nɛ Yesu kɛ mɛ tu munyu ekohu nɛ e ke: “Imi ji je ɔ la a nɛ. Nɔ nɛ nyɛɛ ye se ɔ, e be diblii mi nyɛe gblegbleegblee, se mohu e ma na wami la a.”

1 Yohane 1:5

Enɛ ɔ ji bɔfo sane nɛ wa nu kɛ je e ngɔ nɛ wa kpale ngɛ jajee kɛ ngɛ nyɛ tsɔɔe ɔ nɛ, kaa Mawu ɔ la ji lɛ, nɛ diblii ko be e mi kulaa.

Yakobo 3:17

Se ni lemi nɛ je hiɔwe ɔ, kekleekle ɔ, e he tsɔ, lɔ ɔ se ɔ, e he jɔ, e hɛ ka si, e buɔ tue, e hyi tɔtɔɔtɔ kɛ mɔbɔ nami kɛ yiblii kpakpahi, e ji nɔ́, e pee we osato.

Efesobi 2:8

Ejakaa dloomi a kɛ he nyɛ yi wami kɛ gu hemi kɛ yemi nɔ, nɛ enɛ ɔ lɛɛ, pi nyɛ mi nɛ e je, Mawu nɔke nɔ ʼi,

Luka 11:13

Lɛɛ ke nyɛ nɛ nyɛ ji nimli yayamihi ɔ, nyɛ le bɔ nɛ nyɛ peɔ nɛ nyɛɛ kɛ nike ni kpakpahi kee nyɛ bimɛ ɔ, nyɛmɛ nɔuu nɛ nyɛ tsɛ nɛ ngɛ hiɔwe ɔ be Mumi Klɔuklɔu ɔ ngɔe ha nihi nɛ biɔ lɛ ɔ?”

1 Korintobi 4:7

Mɛnɔ ha eslo mo? Nɛ jeha nɛ mɛni o ngɛ nɛ pi nɛ a kɛ ha mo? Se ke pe a kɛ ha mo ɔ, mɛ he je o fiaa kaa nɔ nɛ pi nɛ pe a kɛ ha mo ɔ?

1 Yohane 4:10

Enɛ ɔ mi suɔmi ɔ ngɛ: pi kaa wɔ iɛ wa suɔ Mawu se mohu kaa lɛ nɛ e suɔ wɔ, nɛ e tsɔ e Bi ɔ ke e ba pee wa he yayami ɔmɛ a he kpatami nɔ.

Efesobi 1:18

nɛ nyɛ mi hɛngmɛ ɔ nɛ bli, konɛ nyɛɛ le nɔ nɛ ji e tsɛmi ɔ hɛ kɛ nɔ fɔmi ɔ, kɛ e weye ni ɔ hiɛmi ngɛ ni klɔuklɔu ɔmɛ a mi,

Yohane 1:9

La nitse nɛ tsoo haa nɔ tsuaa nɔ ɔ lɛ ma je ɔ mi ɔ nɛ.

Kpojemi 21:23

Nɛ pu loo nyɔhiɔ kpemi hia we ngɛ ma a mi, ejakaa Mawu hɛ mi nyami ɔ tsoo ngɛ mi, nɛ Tobi ɔ ji la nɛ kpɛɛ ngɛ mi.

2 Korintobi 4:6

Ejakaa Mawu nɛ de ke: “La nɛ je diblii mi nɛ e kpɛ” ɔ, lɛ nɔuu lɛ e kpɛ ngɛ wa tsui mi hulɔ, konɛ Mawu hɛ mi nyami he ni lemi ɔ nɛ kpɛ ngɛ Yesu Kristo hɛ mi.

Kpojemi 22:5

Nɛ nyɔ be lejɛ ɔ hie, nɛ kane loo pu kpemi he be mɛ hiae, ejakaa Nyɔmtsɛ Mawu ɔ ma kpɛ ha mɛ, nɛ a maa ye matsɛ kɛ maa ya neneene kɛ neneene.

Yakobo 1:5

Se ke e hia nyɛ ti nɔ ko ni lemi ɔ, e kpa Mawu nɛ haa nihi kulaa faa kɛ bua jɔmi nɛ e ka we nɔ hɛ mi ɔ pɛɛ, nɛ e ma ngɔ ha lɛ.

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

Yakobo 3:15

Kikɛmɛ a ni lemi nɛ ɔ, pi hiɔwe nɛ e je, se mohu zugba nɛ ɔ nɔ nɔ́ ʼi, he lo nya nɔ́ ʼi, mumi yayamihi a nɔ́ ʼi.

Filipibi 1:29

Ejakaa nyɛɛ lɛɛ a dloo nyɛ ngɛ Kristo he, pi ngɛ e nɔ hemi kɛ yemi mi kɛkɛ, se mohu kaa nyɛ na nɔ ngɛ e he hulɔ,

Ni Tsumi 11:18

Se benɛ a nu munyu nɛ ɔmɛ ɔ, a ma a nya, nɛ a wo Mawu hɛ mi nyami de ke: ‘Lɛɛ majeli ɔmɛ hu Mawu ha mɛ tsui tsakemi nɛ a kɛ he a yi wami!’

Ni Tsumi 5:31

Lɛ e nɔ Mawu wo kɛ ho e hiɛ ɔ nɔ ya, nɛ e wo lɛ ganɔ kɛ yi wami helɔ, konɛ e ha Israel nɛ na tsui tsakemi kɛ yayami pami.

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

1 Timoteo 6:16

nɔ nɛ lɛ e nɔ kake lɛ ngɛ neneene si himi nɛ gbenɔ be mi, nɛ e hii la nɛ a be nyɛemaa su he ɔ mi ɔ, nɔ nɛ nɔmlɔ ko nɔmlɔ ko nɛ́ lɛ hyɛ, nɛ e be lɛ nyɛe maa na hulɔ ɔ, nɔ nɛ nɔ́ nɛ ji neneene bu kɛ he wami ɔ. Amen.