Yakobo 1:16 - Somi He Ɔ

¹⁶ Nyɛ ko ha nɛ a mlɔɔ nyɛ, mamimɛ nɛ i suɔ.

BAIBLO ALOO NGMAMI KLƆUKLƆU Ɔ

¹⁶ Ye nyɛmimɛ nɛ i suɔ, nyɛ ko ha nɛ a sisi nyɛ.

Yakobo 1:16 ပူးပေါင်းရင်းမြစ်များ

Mateo 22:29

Se Yesu he nɔ nɛ e de mɛ ke: “Nyɛ ngɛ tɔe, ejakaa nyɛ li ngmami ɔmɛ aloo Mawu he wami ɔ,

Marko 12:24

Yesu he nɔ nɛ e de mɛ ke: “Anɛ pi ngmami ɔ kɛ Mawu he wami nɛ nyɛ li ɔ he nɛ nyɛ ngɛ tɔe nɛ ɔ lo?

Marko 12:27

Enɛ tsɔɔ kaa, Mawu ɔ pi ni gbogboehi a Mawu ji lɛ, se hɛkali a Mawu ji lɛ. Nyɛ ngɛ tɔe babauu.”

Ni Tsumi 1:15

Jamɛ a be ɔmɛ a mi ɔ, Petro te si da kaseli ɔmɛ a kpɛti, nihi nɛ bua a he nya a, maa pee nihi lafa kɛ nyingmi enyɔ, nɛ e ke:

1 Korintobi 6:9

Anɛ nyɛ li kaa yayami peeli a nine be Mawu matsɛ yemi ɔ nɔ sue lo? Nyɛ ko ha nɛ a mlɔɔ nyɛ! Ajuama bɔli loo wɔ jali loo gba puɛli loo nyumuhi nɛ kɛ nyumuhi peɔ yakayakani,

Galatabi 6:7

Nyɛ ko mlɔɔ nyɛ he: Mawu ɔ, a yi e he fɛu yaka. Ejakaa nɔ́ nɛ nɔmlɔ duɔ ɔ, kɔlɔ ɔ nɔuu e ma kpa hulɔ.

Filipibi 2:12

Lɔ ɔ he ɔ, mamimɛ, kaa bɔ nɛ nyɛ buɔ tue daa nɛ ɔ, pi benɛ i kɛ nyɛ ngɛ ɔ kɛkɛ, se mohu titli ɔ, jehanɛ nɛ i be nyɛ ngɔ nɛ ɔ hu ɔ, nyɛɛ kɛ gbeye yemi kɛ he domi nɛ tsu nyɛ nitsɛmɛ nyɛ yi wami hemi ɔ he ni,

Filipibi 4:1

Lɔ ɔ he ɔ, mamimɛ nɛ i suɔ nɛ ye hɛ jaa ngɛ nyɛ he, ye bua jɔmi kɛ ye jlasi, nyɛɛ da si ja ngɛ Nyɔmtsɛ ɔ mi, nyɛ nihi nɛ i suɔ.

Kolosebi 2:4

I ngɛ enɛ ɔ dee konɛ nɔ ko kɛ nya mi ngɔngɔɛ munyu ko ko sisi nyɛ.

Kolosebi 2:8

Nyɛɛ hyɛ nɛ hi, konɛ nɔ ko kɛ je mi ni lemi kɛ yaka sisimi ko ngɔ nyɛ nyɔgue, ngɛ nimli a blema sanehi kɛ je nɛ ɔ mi mumihi nɛ ji Kristo mi ɔ nya.

2 Timoteo 2:18

nihi nɛ tla blɔ kɛ je anɔkuale ɔ he, nɛ a deɔ ke si temi ɔ be momo, nɛ a butuu ni komɛ a hemi kɛ yemi ɔ.

Hebribi 13:1

Nyɛɛ ya nɔ nɛ nyɛɛ suɔ nyɛ he daa kaa nyɛmimɛ.

Yakobo 1:19

Mamimɛ nɛ i suɔ, nyɛ kai enɛ ɔ nɛ nyɛ hɛ nɛ ko je nɔ. Nɔ tsuaa nɔ he nɛ sɔ kɛ nɔ numi, e humi si kɛ munyu tumi, e muklii mi nɛ ko fu mla.

Yakobo 1:2

Mamimɛ, ke nyɛ sɛ ka slɔɔtohi fuu a mi ɔ, nyɛɛ bu lɛ kaa bua jɔmi sɔuu;

Yakobo 2:1

Mamimɛ, nyɛɛ kɛ nihi a hɛ mi hyɛmi ko futu wa Nyɔmtsɛ Yesu Kristo nɛ ji hɛ mi nyami Nyɔmtsɛ ɔ hemi kɛ yemi ɔ mi.

Yakobo 2:14

Mamimɛ, ke nɔ ko ke e ngɛ hemi kɛ yemi, se e be ni tsumihi ɔ mɛni se nami lɛ ngɛ mi? Anɛ hemi kɛ yemi ɔ ma nyɛ e yi wami ma he lo?

Yakobo 2:5

Mamimɛ nɛ i suɔ, nyɛɛ bu tue! Anɛ pi je nɛ ɔ mi ohiafohi nɛ ji niatsɛmɛ ngɛ hemi kɛ yemi blɔfami ɔ nɛ Mawu hla, konɛ matsɛyemi nɛ e wo he si ngɔ ha ninɛmɛ nɛ a suɔ lɛ ɔ nɛ e pee a nɔ lo?

Yakobo 3:1

Mamimɛ, nyɛ fuu nyɛ ko pee nyɛ he tsɔɔli, ejakaa nyɛ le kaa wɔ tsɔɔli ɔmɛ ɔ, wa kojomi nya maa wa.

Yakobo 3:10

Nya kake ɔ nɔuu mi gbaami kɛ gbiɛmi jee. Mamimɛ, enɛ ɔmɛ ɔ, e sɛ́ nɛ e baa ja.

Yakobo 4:11

Nyɛ ko ye nyɛ sibi a he sieku, mamimɛ. Nɔ nɛ tuɔ e nyɛmi he munyu aloo e kojoɔ e nyɛmi ɔ, Mlaa a e ngɛ munyu tue kɛ ngɛ sie, nɛ Mlaa a e ngɛ kojoe ɔ nɛ. Ke o ngɛ Mlaa a kojoe, ɔ pi Mlaa a nɔ yelɔ ji mo, se Mlaa a kojolɔ mohu ji mo.

Yakobo 5:12

Se titli ɔ, mamimɛ, nyɛ ko ka kita, hiɔwe jio, zugba jio, aloo kita kpa ko jio; nyɛ “Ee” nɛ pee ee, nɛ “Dɛbi” nɛ pee dɛbi, konɛ nyɛ ko sɛ kojomi mi.

Yakobo 5:19

Mamimɛ, ke nyɛ ti nɔ ko tla blɔ kɛ je anɔkuale ɔ mi nɛ nɔ ko ngɛ lɛ kpalee ekohu ɔ,