Tito 3:3 - Somi He Ɔ

³ Ejakaa sa a wɔ hu wa li nɔ́ ko, tue gboli, blɔ dali, nihi nɛ sɔmɔɔ akɔnɔ ni kɛ helo se di ni slɔɔtohi fuu, nɛ wa baa wa je mi ngɛ ni yayahi kɛ he tsɛmi mi, wa he ngɛ tai, nɛ wa nyɛɛ wa he.

BAIBLO ALOO NGMAMI KLƆUKLƆU Ɔ

³ Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Tito 3:3 ပူးပေါင်းရင်းမြစ်များ

Mateo 21:29

Nɛ e he nɔ ke: ‘I be yae.’ Se pee se ɔ e pia e he, nɛ e ya.

Luka 21:8

Nɛ Yesu ke: “Nyɛɛ hyɛ saminya, konɛ a ko mlɔɔ nyɛ; ejakaa nihi fuu maa ba ngɛ ye biɛ mi, nɛ a ma de ke: ‘Ami ʼi;’ kɛ jeha nɛ ɔ: ‘Be ɔ su tã.’ Nyɛ ko bu mɛ tue.

Yohane 8:34

Yesu he nɔ ke: “I ngɛ nyɛ dee anɔkuale mi ke: Nɔ tsuaa nɔ nɛ peɔ yayami ɔ, yayami ɔ nyɔguɛ ji lɛ.

Romabi 11:30

Ejakaa kaa bɔ nɛ sa a nyɛ hu nyɛ bui Mawu tue, se jeha nɛ a na nyɛ mɔbɔ ngɛ a tuegbenɔ ɔ he ɔ,

Romabi 6:12

Lɔ ɔ he ɔ nyɛ ko ha yayami nɛ ye nyɛ nɔmlɔ tso nɛ ma gbo ɔ nɔ tsɛ nɛ nyɛ bu lɛ tue ngɛ e kɔnɔ ɔmɛ a mi.

Romabi 6:17

Se sina ha Mawu kaa jinɛ sa a yayami nyɔguɛhi ji nyɛ, se jeha nɛ ɔ nyɛ je nyɛ tsui tsuo mi kɛ bu kikɛmɛ a tsɔɔmi nɛ a ngɔ nyɛ ngɔ wo mi nɛ ɔ tue.

Romabi 6:22

Se jeha nɛ ɔ, nɛ a kpɔ nyɛ kɛ je yayami dɛ mi nɛ nyɛ plɛ Mawu nyɔguɛhi nɛ ɔ, nyɛɛ wo yiblii ha klɔuklɔu peemi nɛ we nyagbe ji neneene wami ɔ.

Romabi 6:6

Wa le enɛ ɔ kaa a sɛu wa nɔmlɔ tso momo ɔ ngɔ piɛ e he konɛ yayami nɔmlɔ tso ɔ hɛ mi nɛ kpata nɛ wa ko sɔmɔ yayami hu.

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

Galatabi 6:3

Ejakaa ke e peɔ nɔ ko kaa nɔ ko ji lɛ nɛ e pi nɔ ko ɔ, lɛ nitsɛ e he e ngɛ sisie.

Kolosebi 1:21

Nyɛ nɛ sa nɛ nyɛ jir ni kpahi kɛ shenyɛli ngɛ nyɛ juɛmi kɛ ni tsumi yaya amɛ a mi ɔ,

Kolosebi 3:7

nihi a mi nɛ nyɛ hu nyɛ nyɛɛ sa, benɛ nyɛ ngɛ nihi nɛ peɔ ja amɛ a kpɛti ɔ.

2 Timoteo 3:13

Se nimli yayamihi kɛ sisili maa ya hɛ mi ngɛ yayami peemi mi; a sisiɔ nihi, nɛ mɛ hu a sisiɔ mɛ.

2 Timoteo 3:6

Ejakaa ni nɛ ɔmɛ a kpɛti ni komɛ ji nihi nɛ juɔ si sɛɛ wehi a mi nɛ a ya ngɔɔ yihi nɛ be yi mi nɛ yayami ye a nɔ nɛ akɔnɔ slɔɔtohi kpakaa mɛ

Tito 1:16

A deɔ ke a le Mawu, se a kɛ a ni tsumihi kuaa lɛ, nɛ a ji musutsɛmɛ, kɛ tue gboli, nihi nɛ hi ha ni tsumi kpakpa ko kulaa.

Tito 2:12

nɛ e tsɔseɔ wɔ konɛ wa kua nɔ yaya peemi kɛ je nɛ ɔ mi akɔnɔ ɔmɛ, nɛ waa kɛ juɛmi kpakpa kɛ dami kɛ Mawu gbeye yemi nɛ hi si ngɛ je nɛ ɔ mi,

Yakobo 1:26

Se ke e peɔ nyɛ ti nɔ ko kaa Mawu jalɔ ji lɛ nɛ e kɔɛ e lilɛ mi ɔ, e ngɛ e he sisie, nɛ kikɛmɛ a nɔmlɔ nɔ jami ɔ ji yaka.

1 Petro 1:14

Nyɛɛ pee nyɛ he kaa bimɛ tue buli, nɛ nyɛ ko ba nyɛ je mi ngɛ sa benɛ nyɛ li nɔ́ ko ɔ mi akɔnɔ ɔmɛ a nya hu,

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Kpojemi 13:14

Nɛ e kɛ nyakpɛ nihi nɛ e na he blɔ kaa e pee ngɛ lohwe ɔ hɛ mi ɔ sisiɔ ninɛmɛ nɛ ngɛ zugba a nɔ ɔ, nɛ e deɔ nihi nɛ ngɛ zugba a nɔ ɔ ke, a pee amaga ngɔ ha lohwe ɔ nɛ a kɛ klaate plaa lɛ nɛ e hɛ ngɛ ɔ.

Kpojemi 18:2

E kɛ̃ e he nɛ e kpa ngmlaa kɛ gbi ngua ke: “E ywia, Babilon ngua a ywia, nɛ e plɛ mumi yayamihi a si himi he, kɛ mumi yayamihi kulaa a tsu, kɛ lohwe pɛlitsɛ tsuaa lohwe pɛlitsɛ nɛ he tsɔ we nɛ he ngɛ tai ɔ hu tsu.