Tito 3:2 - Somi He Ɔ

² a ko tu nɔ ko he munyu yaya, a ko hla pɛ; se mohu a pee kpoo, nɛ a kɛ a he nɛ tsɔɔ nɔ fɛɛ nɔ kaa a he jɔ.

BAIBLO ALOO NGMAMI KLƆUKLƆU Ɔ

² A ko tu nihi a he munyu yaya, nɛ a ko pɛ; se mohu a he nɛ jɔ, nɛ a tsɔ a hɛ mi ha nɔ tsuaa nɔ.

Tito 3:2 ပူးပေါင်းရင်းမြစ်များ

Efesobi 4:31

Nyɛ ha mi mi doomi kɛ mi mi la kɛ muklii mi fumi kɛ huhui kɛ musu bɔmi kulaa se nɛ po ngɛ nyɛ kpɛti, kɛ yayami tsuaa yayami.

Efesobi 4:2

ngɛ he si bami kɛ humi peemi tsuo mi, nɛ nyɛɛ kɛ tsui si tomi nɛ suɔ nyɛ he,

1 Timoteo 3:3

pi da delɔ, pi nine kpokpookpo tsɛ, se mohu nɔ nɛ he jɔ, nɔ nɛ pɛ́, nɔ nɛ hɛ kɔɛ sika nɔ;

1 Petro 3:10

Kaa bɔ nɛ ngmami ɔ de ɔ: “Nɔ nɛ ngɛ hlae nɛ e na wami Nɛ e na ligbi kpakpahi ɔ, E kɔ e lilɛ mi Nɛ e ko ye lakpa.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nyɛɛ na ha nyɛ sibi, nyɛɛ suɔ nyɛ he kaa nyɛmimɛ, nyɛ mi mi nɛ jɔ ha nyɛ sibi, nyɛɛ ba nyɛ he si.

Yakobo 4:11

Nyɛ ko ye nyɛ sibi a he sieku, mamimɛ. Nɔ nɛ tuɔ e nyɛmi he munyu aloo e kojoɔ e nyɛmi ɔ, Mlaa a e ngɛ munyu tue kɛ ngɛ sie, nɛ Mlaa a e ngɛ kojoe ɔ nɛ. Ke o ngɛ Mlaa a kojoe, ɔ pi Mlaa a nɔ yelɔ ji mo, se Mlaa a kojolɔ mohu ji mo.

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Mateo 11:29

Nyɛ wo ye kuɛpã tso ɔ ngɔ fɔ nyɛ nɔ, nɛ nyɛɛ kase mi; se ye he jɔ, nɛ i baa ye he si kɛ jee ye tsui mi; nɛ nyɛ ma na he jɔmi ngɔ ha nyɛ klaa amɛ.

1 Petro 2:1

Lɔ ɔ he ɔ, nyɛ sake yayami tsuo kɛ kutupɔ tsuo kɛ osato kɛ ninyɛ kɛ nihi a he munyu tumi kulaa ngɔ pue he.

Yakobo 3:17

Se ni lemi nɛ je hiɔwe ɔ, kekleekle ɔ, e he tsɔ, lɔ ɔ se ɔ, e he jɔ, e hɛ ka si, e buɔ tue, e hyi tɔtɔɔtɔ kɛ mɔbɔ nami kɛ yiblii kpakpahi, e ji nɔ́, e pee we osato.

Galatabi 6:10

Lɔ ɔ he ɔ, akɛnɛ wa ngɛ deka he je ɔ, nyɛ ha waa pee nihi tsuo kpakpa, se titli ɔ, ninɛme nɛ ji hemi kɛ yemi ɔ mi bi ɔmɛ.

Galatabi 6:1

Mamimɛ, ke tlukaa nɛ nɔ ko tɔ ɔ, nyɛ nihi nɛ nyɛ ji mumi mi nimli ɔmɛ ɔ, nyɛ dla jamɛ a nɔ ɔ ekohu ngɛ mi mi jɔmi mumi mi; nɛ o le o he nɔ hyemi konɛ mo hu a ko ka mo.

1 Timoteo 3:11

Yi ɔmɛ hu ja nɔuu; a pee nihi nɛ a hɛ mi jiɔ, pi sieku yeli, se a hɛ nɛ ka si, a ye anɔkuale ngɛ́ nihi kulaa mi.

1 Tesalonikabi 2:7

pohu wa ngɛ he blɔ kaa waa kɛ wa he fɔɔ nyɛ nɔ, akɛnɛ Kristo bɔfohi ji wɔ ɔ. Se mohu wa mi mi jɔɔ ngɛ nyɛ kpɛti, kaa bɔ nɛ bimɛ a nyɛ hɛɛ lɛ nitsɛ e bimɛ dɔdɔɔdɔ ɔ.

Filipibi 4:5

Nyɛ mi mi jɔmi ɔ nyɛ ha nimli kulaa nɛ le! Nyɔmtsɛ ɔ su si ta.

1 Korintobi 9:19

Pohu i hɛɛ ye he nɛ i pi nɔ ko nɔ ko nyɔguɛ, kɛ̃ ɔ, i kɛ ye he pee nihi tsuo a sɔmɔlɔ, benɛ pee nɛ ye nine nɛ su nihi babauu a nɔ.

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

2 Korintobi 10:1

Imi Paulo nitsɛ i kɛ Kristo mi mi jɔmi kɛ kpoo peemi ɔ ngɛ nyɛ pɛɛ kpae, imi nɛ nyɛ hɛ mi ɔ i ji humi ngɛ nyɛ kpɛti, se ke i be nyɛ ngɔ ɔ i hiaa kã woɔ nyɛ ɔ.

Ni Tsumi 23:5

Nɛ Paulo ke: “Mamimɛ, i li kaa osɔfo nɔkɔtɔma ʼi; ejakaa a ngma ke: ‘Koo tu o ma mi nɔkɔtɔma he munyu yaya.’ ”

Yuda 1:10

Se ni nɛ ɔmɛ tuɔ munyu siɔ nihi kulaa nɛ a li, se nihi nɛ a le ngɛ a fɔmi su ɔ nya kaa lohwehi nɛ li ni ɔ, kɔlɔ ɔmɛ nɔuu lɛ kpataa a hɛ mi.

Yuda 1:8

Ja nɔuu ni nɛ ɔmɛ hu bleɔ he lo ɔ ngɛ a nlamihi a mi, nɛ a gbee Mawu nɔ yemi ɔ he guɛ, nɛ a tuɔ bɔfohi a he munyu yaya.

2 Petro 2:10

se titli ɔ, nihi nɛ nyɛɛ he lo se ngɛ he blemi akɔnɔ mi, nɛ a gbee Mawu nɔ yemi he guɛ ɔ. Kikɛmɛ a lakpa tsɔɔli nɛ ɔmɛ a tsui wa, nɛ a woɔ a he, nɛ a bui hiɔwe bɔfohi tete, nɛ a tuɔ a he munyu yaya.

1 Petro 4:4

E peɔ wɔ jali ɔmɛ nyakpɛ kaa nyɛɛ kɛ mɛ yɛ́ kikɛmɛ a sakasaka peemi titãa nɛ ɔ nɔuu mi nɛ lɔ ɔ he ɔ, a tuɔ nyɛ he munyu yaya;

1 Korintobi 6:10

loo juɔhi loo hɛ dooli loo da deli loo nɔ jɛli loo amim yeli a nine be Mawu matsɛ yemi ɔ nɔ sue kulaa.