Tito 3:1 - Somi He Ɔ

¹ Kaii mɛ nɛ a ba a he si ngɔ ha nikɔtɔmahi kɛ nɔ yeli ɔmɛ, a bu mɛ tue, a dla a he kɛ ha ni tsumi kpakpa tsuaa ni tsumi kpakpa,

BAIBLO ALOO NGMAMI KLƆUKLƆU Ɔ

¹ Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

Tito 3:1 ပူးပေါင်းရင်းမြစ်များ

Mateo 22:21

A de lɛ ke: “Kaisare nɔ ʼi.” Nɛ e de mɛ ke: “Lɛɛ, ynyɛɛ ngɔ Kaisare nihi ngɔ ha Kaisare, nɛ Mawu ni ɔmɛ nyɛ ngɔ ha Mawu!”

1 Korintobi 15:58

Lɔ ɔ he ɔ, mamimɛ nɛ i suɔ, nyɛ fi si nɛ nyɛ ko gbɔle, nɛ nyɛɛ ya nɔ ngɛ Nyɔmtsɛ ɔ ni tsumi ɔ mi daa nɛ ɔ, ejakaa nyɛ le kaa nyɛ dengme gbomi ɔ be yaka pee ngɛ Nyɔmtsɛ ɔ mi.

Efesobi 2:10

Mawu nine nya ni tsumi nihi ji wɔ, a bɔ wɔ ngɛ Kristo Yesu mi kɛ ha ni tsumi kpakpahi nɛ Mawu dla ngɔ to konɛ waa nyɛɛ ngɛ mi ɔ.

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

1 Timoteo 2:2

ngɔ ha matsɛmɛ kɛ nihi kulaa nɛ hɛɛ blɔ nya, konɛ waa hi si kpoo ngɛ he jɔmi mi, ngɛ Mawu jami kɛ je mi bami kpakpa nɛ sa mi.

1 Timoteo 4:6

Ke o tsɔɔ nyɛmimɛ ɔmɛ enɛ ɔmɛ ɔ, o maa pee o he Yesu Kristo sɔmɔlɔ kpakpa, nɔ nɛ lɛɛ e he kɛ hemi kɛ yemi kɛ tsɔɔmi kpakpa nɛ o nyɛɛ se ɔ.

1 Timoteo 5:10

nɔ nɛ a tuɔ e he munyu kpakpa kaa e tsu ni kpakpahi, lɔ ɔ ji: ke e lɛ bimɛ, ke e pee nihi nibwɔ, ke e fɔ ni klɔuklɔu ɔmɛ a nane he, ke e ye bua nihi nɛ naa amanehlu ɔ, ke e di ni tsumi kpakpa tsuaa nitsumi kpakpa se ɔ.

2 Timoteo 1:6

Lɔ ɔ he ɔ, i ngɛ mo kaie kaa, Mawu dloomi ke nɔ́ nɛ ngɛ o mi ngɛ ye nine nɛ i kɛ pue o nɔ ɔ nya a, tle lɛ si nɛ e tso,

2 Timoteo 2:14

Kaii mɛ kikɛmɛ a ni nɛ ɔmɛ, nɛ o ma nɔ mi ha mɛ ngɛ Nyɔmtsɛ ɔ hɛ mi, ykonɛ a ko hwu lilɛ ta nɛ se nami ko be he, se e butuu nihi nɛ nuɔ ɔ mohu ɔ.

2 Timoteo 2:21

Jehanɛ ke nɔ ko tsukɔ e he kɛ je kikɛmɛ a ni nɛ ɔmɛ a he ɔ, e ma plɛ nɔ́ ko nɛ a buu nɛ a tsukɔ he klɔuu nɛ hi ha wetsɛ ɔ saminya nɛ a dla lɛ kɛ ha ni tsumi kpakpa tsuaa ni tsumi kpakpa.

Tito 1:16

A deɔ ke a le Mawu, se a kɛ a ni tsumihi kuaa lɛ, nɛ a ji musutsɛmɛ, kɛ tue gboli, nihi nɛ hi ha ni tsumi kpakpa ko kulaa.

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

Tito 3:14

Se ha nɛ wɔ nitsɛmɛ wa ni ɔmɛ hu nɛ kase ni tsumi kpakpahi a he mɔde bɔmi, ke e fi loo e hia nɔ ko ɔ, konɛ a ko pee nihi nɛ wui yiblii.

Tito 3:8

Anɔkuale munyu ji nɛ ɔ nɛ. Kikɛmɛ a ni nɛ ɔmɛ a nɔ mi i ngɛ hlae kaa o ma, konɛ ninɛmɛ nɛ a he Mawu nɔ ye ɔ, a bɔ nitsumi kpakpahi a he mɔde. Enɛ ɔmɛ ji nihi nɛ ngɛ fɛu nɛ hi ha nimli.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

2 Petro 1:12

Lɔ ɔ he ɔ, ma kai nyɛ daa nɛ ngɛ kikɛmɛ a ni nɛ ɔmɛ a he, pohu nyɛ le momo nɛ nyɛ nane pi si ngɛ anɔkuale nɛ ngɛ ɔ mi.

Yuda 1:5

Nyɛ le enɛ lɛɛ, se i ngɛ hlae nɛ ma kai nyɛ, kaa benɛ Nyɔmtsɛ je e ma a kɛ je Mizraim ɔ, lɔ ɔ se ɔ, e kpata nihɛmɛ nɛ he we yi ɔmɛ a hɛ mi.