Tito 2:14 - Somi He Ɔ

¹⁴ nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

BAIBLO ALOO NGMAMI KLƆUKLƆU Ɔ

¹⁴ E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Tito 2:14 ပူးပေါင်းရင်းမြစ်များ

Hebribi 9:14

si nyɛmɛ nɔuu nɛ Kristo, nɛ gu neneene mumi ɔ nɔ ngɔ e he nɛ piami ko be he ngɔ ha Mawu ɔ muɔ be wa he ni lemi he fɔe kɛ je ni tsumi gbogboehi a mi, konɛ wa sɔmɔ Mawu hɛ kalɔ ɔ?

Efesobi 2:10

Mawu nine nya ni tsumi nihi ji wɔ, a bɔ wɔ ngɛ Kristo Yesu mi kɛ ha ni tsumi kpakpahi nɛ Mawu dla ngɔ to konɛ waa nyɛɛ ngɛ mi ɔ.

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.

1 Petro 1:18

Nyɛ le kaa pi nihi nɛ puɛɔ, kaa juɛtɛɛ loo sika tsu, a kɛ kpɔ nyɛ kɛ je nyɛ yakayaka je mi bami nɛ nyɛ na kɛ je nyɛ tsɛmɛ ɔmɛ a ngɔ ɔ mi,

Tito 3:8

Anɔkuale munyu ji nɛ ɔ nɛ. Kikɛmɛ a ni nɛ ɔmɛ a nɔ mi i ngɛ hlae kaa o ma, konɛ ninɛmɛ nɛ a he Mawu nɔ ye ɔ, a bɔ nitsumi kpakpahi a he mɔde. Enɛ ɔmɛ ji nihi nɛ ngɛ fɛu nɛ hi ha nimli.

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

Galatabi 3:13

Kristo kpɔ wɔ kɛ je mlaa a gbiɛmi ɔ mi, akɛnɛ e plɛ gbiɛmi ngɔ ha wɔ ɔ, ejakaa a ngma ke: “A gbiɛ nɔ tsuaa nɔ nɛ kplaa si ngɛ tso nɔ” ɔ;

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

1 Petro 1:22

Jehanɛ, akɛnɛ nyɛ tsukɔ nyɛ klaa amɛ a he ngɛ anɔkuale tue bumi mi ha nyɛmimɛ a he dɔmi nɛ lakpa be mi he je ɔ, nyɛɛ kɛ tsui klɔuu nɛ suɔ nyɛ he saminya.

Ni Tsumi 9:36

Se yo kaselɔ ko ngɛ Yopa nɛ a tsɛɛ lɛ Tabita, e sisi ji Dorka (odabɔ). Lɛɛ e hyi tɔ kɛ ni tsumi kpakpahi kɛ ohiafohi a hyemi.

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Mateo 20:28

Kaa bɔ nɛ Nɔmlɔ Bi ɔ bɛ nɛ a sɔmɔ lɛ, se e ba sɔmɔmi mohu, nɛ e ngɔ e klaa a kɛ ha kaa kpɔmi nɔ kɛ ha nihi fuu ɔ.”

1 Yohane 3:2

Mamimɛ, jehanɛ ɔ, Mawu bimɛ ji wɔ, nɛ a na we nɛ a je bɔ nɛ wa maa hi ha a si; se wa le kaa benɛ Kristo ma pue ɔ, wa maa hi kaa lɛ, ejakaa wa maa na lɛ bɔ nɛ e ngɛ ɔ.

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

1 Petro 2:12

nɛ nyɛɛ ba nyɛ je mi saminya ngɛ maje li a bimɛ ɔmɛ a kpɛti, konɛ nɔ́ mi nɛ a tuɔ nyɛ he munyu ngɛ kaa yayami peeli ɔ, nyɛ ni tsumi kpakpahi nɛ a naa a, a kɛ wo Mawu hɛ mi nyami ngɛ e bami ligbi ɔ nɔ.

Galatabi 1:4

nɔ nɛ ngɔ lɛ nitsɛ e he ngɔ ha ngɛ wa he yayami ɔmɛ a he, konɛ e je wɔ kɛ je je yaya nɛ ngɛ mwɔnɛmwɔnɛ nɛ ɔ mi ngɛ Mawu kɛ wa Tsɛ ɔ suɔmi nya;

Yohane 10:15

kaa bɔ nɛ Tsɛ ɔ le mi, nɛ imi hu i le Tsɛ ɔ; nɛ i ngɔɔ ye wami ngɔ fɔɔ si ngɛ to ɔmɛ a nane mi.

Hebribi 10:24

Nyɛ ha wa susu wa sibi a he, konɛ wa hɛ nɛ e dɔ ngɛ suɔmi kɛ ni tsumi kpakpahi a he.

Tito 2:7

Nɛ nihi kulaa blɔfami ɔ, ngɔɔ mo nitsɛ o he ngɔ to mɛ okadi ngɛ ni tsumi kpakpahi a he, nɛ ni tsɔɔmi mi ɔ, o tsɔɔ tsɔɔmi klɔuu, nihi nɛ haa nɔ hɛ mi jiɔ,

1 Timoteo 6:18

A pee kpakpa, nɛ a plɛ niatsɛmɛ ngɛ kpakpa peemi blɔfami, a suɔ nɔ hami, a ko pee kpɛle,

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he Nyɛ fɔ nyɛ dɛ, nyɛ yayami peeli, nɛ nyɛ ha nyɛ tsui he nɛ tsɔ, nyɛ juɛmi enyɔenyɔtsɛmɛ.

1 Timoteo 2:10

se mohu kɛ ni tsumi kpakpahi nɛ sa yihi nɛ tsɔɔ a he kaa Mawu jali ji mɛ ɔ.

1 Timoteo 2:6

nɔ nɛ ngɔ e he ngɔ ha kaa kpɔmi nɔ ha nimli tsuo, nɛ ji odase nɛ a yeɔ ngɛ be nɛ sa mi ɔ;

1 Timoteo 1:15

E ji anɔkuale munyu nɛ sa kaa a pɛtɛ he kulaa, kaa Kristo Yesu ba je nɛ ɔ mi, nɛ e ba he yayami peeli a yi wami, nihi a kpɛti nɛ imi ji titima a;

Ni Tsumi 15:14

Simeon sɛɛ bɔ nɛ Mawu ba slaa majemajeli ɔmɛ kekle, nɛ e hla a kpɛti ma ko ngɔ ha e biɛ ɔ.

Ni Tsumi 15:9

nɛ e hlɛ́ nimli a mi ngɛ waa kɛ mɛ kpɛti, nɛ e kɛ hemi kɛ yemi tsukɔ a tsuihi a he.

Yohane 6:51

Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”

Mateo 3:12

Nɔ nɛ hɛɛ e nɔ mi sami tsimi ngɛ e dɛ, nɛ e maa bɛɛ e zugba a nɔ fitsofitso nɛ e ma bua ngma a nya ngɔ to e gba mi; se tsakati ɔ, e kɛ la nɛ gbo we maa sa.”

Mateo 1:21

e ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wmai kɛ je a he yayami ɔmɛ a mi.”

Ni Tsumi 20:28

Lɔ ɔ he ɔ nyɛɛ le nyɛ he nɔ hyemi kɛ tohi a kuu ɔ kulaa nɛ Mumi Klɔuklɔu wo nyɛ a nɔ hyɛli ɔ, konɛ nyɛɛ lɛ Mawu asafo ɔ nɛ e kɛ lɛ nitsɛ e muɔ he ɔ.

Efesobi 1:11

Lɛ e mi nɔuu wa na gbo si ni ɔmɛ hu ngɛ, wɔ nihi nɛ a je ngɔ to ngɛ nɔ nɛ tsuɔ nihi kulaa a yi mi tomi nya, bɔ nɛ sa lɛ nitsɛ e suɔmi ga womi ɔ hɛ mi ɔ,

Hebribi 1:3

nɔ hu nɛ ji e hɛ mi nyami ɔ kpɛmi ɔ su ɔ henɔ, nɛ e kɛ lɛ nitsɛ e he wami munyu ɔ hɛɔ nihi kulaa a, benɛ e tsukɔ wa he kɛ je wa he yayami ɔmɛ a mi ɔ, e ho ya hi si ngɛ hɛ mi nyamitsɛ agbo ɔ hiɛ ɔ nɔ ngɛ hiɔwe.

1 Yohane 1:7

Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.

1 Yohane 1:9

Ke wa jaje wa he yayami ɔmɛ ɔ, anɔkualetsɛ kɛ dalɔ ji Mawu, e kɛ wa he yayami ɔmɛ maa pa wɔ, nɛ e maa tsukɔ wa he kɛ maa je nihi, nɛ dɛ blɔ kulaa mi.