Tito 2:10 - Somi He Ɔ

¹⁰ a ko ju, se mohu a kɛ anɔkuale yemi nitsɛ nɛ tsɔɔ mɛ, konɛ a kɛ wo Mawu nɛ ji wa yi wami helɔ ɔ tsɔɔmi ɔ hɛ mi nyami ngɛ nihi kulaa mi.

BAIBLO ALOO NGMAMI KLƆUKLƆU Ɔ

¹⁰ nɛ a ko ju mɛ hulɔ. Se mohu á ye anɔkuale ngɛ nɔ́ tsuaa nɔ́ mi, konɛ anɔkuale nɛ kɔɔ Mawu, wa kpɔlɔ ɔ he ɔ, nihi nɛ a na nya saminya.

Tito 2:10 ပူးပေါင်းရင်းမြစ်များ

Mateo 24:45

“Lɛɛ mɛnɔ ji tsɔlɔ anɔkualetsɛ kɛ ni lelɔ mɔ nɛ e nyɔmtsɛ ngɔ lɛ ngɔ to e webi ɔmɛ a nya konɛ e ha mɛ a nya mi ngma ngɛ be nɛ sa mi ɔ?

Mateo 5:16

Ja nɔuu nyɛ ha nyɛ la nɛ tso ngɛ nimli a hɛ mi konɛ a na nyɛ ni peemi ni kpakpa amɛ nɛ ɛ wo nyɛ tsɛ nɛ ngɛ hiɔwe ɔ hɛ mi nyami.

Luka 1:47

Nɛ ye mumi ngɛ Mawu ye yiwami-helɔ ɔ yi jee,

Luka 1:80

Nɛ jokuɛ ɔ ba wa, nɛ e he wa ngɛ mumi mi, nɛ e hi nga a nɔ kɛ ya su ligbi nɛ e je e he kpo ngɔ tsɔɔ Israel.

Luka 16:10

Nɔ nɛ yeɔ nɔ́ ko nyafii mi anɔkuale ɔ, e yeɔ babauu hu mi anɔkuale. Nɛ nɔ nɛ yi nɔ́ ko nyafii mi anɔkuale ɔ, e yi babauu hu mi anɔkuale.

Yohane 12:6

Se enɛ ɔ nɛ e de nɛ ɔ, pi ohiafo ɔmɛ a he nɔ́ nɛ ngɛ lɛ dɔe he je, se mohu juɔ ji lɛ, nɛ lɛ lɛ e toɔ sika kpɛɛ ɔ, nɛ e juɔ nɔ́ nɛ a ngɔ woɔ mi ɔ eko.

1 Korintobi 4:2

Nɔ nɛ piɛ nɛ a hlaa ngɛ sɔmɔli nikɔtɔma amɛ a dɛ ji kaa, a na a ti nɔ tsuaa nɔ kaa anɔkualetsɛ.

Efesobi 4:1

Imi nɛ i ji pa mi no ngɛ Nyɔmtsɛ ɔ mi ɔ, i ngɛ nyɛ pɛɛ kpae kaa nyɛɛ nyɛɛ bɔ nɛ sa tsɛmi nɛ a kɛ tsɛ nyɛ ɔ,

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Filipibi 4:8

Nyagbe ɔ, mamimɛ, nihi nɛ da, nihi nɛ sa bu, nihi nɛ hi, nihi nɛ he tsɔ, nihi nɛ a suɔ, nihi nɛ ngɛ biɛ kpakpa amɛ kulaa, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu!

1 Timoteo 1:1

Paulo nɛ ji Yesu Kristo bɔfo ngɛ Mawu, wa yi wami helɔ ɔ, kɛ Mawetsɛ Yesu Kristo, wa hɛ kɛ nɔ fɔmi ɔ, kita nya a,

1 Timoteo 5:17

Nikɔtɔmahi nɛ tsuɔ a ni saminya a, e sa kaa a ngɔ bu totoe enyɔ ngɔ ha mɛ, titli ɔ, ninɛmɛ nɛ bɔɔ munyu tumi kɛ tsɔɔmi he mɔde ɔ.

1 Timoteo 6:1

Sɔmɔli tsuo nɛ ngɛ nyɔguɛ yemi mi ɔ, a bu mɛ nitsɛmɛ a nyɔmtsɛmɛ ɔmɛ kaa nihi nɛ bu tsuo sa mɛ, konɛ a ko tu Mawu biɛ ɔ kɛ tsɔɔmi ɔ he musu bɔmi munyu.

1 Timoteo 6:3

Ke nɔ ko tsɔɔ tsɔɔmi kpa ko, nɛ e ngɔɛ wa Mawetsɛ Yesu Kristo munyuhi nɛ tsaa nɔ ɔ kɛ Mawu jami nya tsɔɔmi ɔ,

Tito 1:3

nɛ ngɛ be nɛ sa mi ɔ, e je lɛ si ngɛ e munyu ɔ mi. Fiɛmi sane nɛ ɔ a tu ngɔ wo ye dɛ ngɛ Mawu nɛ ji wa yi wami helɔ ɔ fami nya.

Tito 3:4

Se benɛ Mawu nɛ ji yi wami helɔ ɔ mi mi jɔmi kɛ e nimli a he dɔmi ɔ je kpo ɔ,

1 Petro 2:12

nɛ nyɛɛ ba nyɛ je mi saminya ngɛ maje li a bimɛ ɔmɛ a kpɛti, konɛ nɔ́ mi nɛ a tuɔ nyɛ he munyu ngɛ kaa yayami peeli ɔ, nyɛ ni tsumi kpakpahi nɛ a naa a, a kɛ wo Mawu hɛ mi nyami ngɛ e bami ligbi ɔ nɔ.

1 Petro 3:16

Nyɛɛ hɛɛ he nile kpakpa, konɛ nɔ mi nɛ a tu nyɛ he munyu ngɛ kaa yayami peeli ɔ, zo nɛ gbe nihi nɛ gbe nyɛ je mi bami kpakpa nɛ ngɛ Kristo mi ɔ he guɛ ɔ.

2 Yohane 1:9

Nɔ tsuaa nɔ nɛ jee nɛ e hi si ngɛ Kristo tsɔɔmi ɔ mi ɔ, e be Mawu. Nɔ nɛ hii Kristo tsɔɔmi ɔ mi ɔ, lɛ lɛ ngɛ Tsɛ ɔ kɛ Bi ɔ.