Tito 1:4 - Somi He Ɔ

⁴ I ngma ya ha Tito nɛ ji ye bi nitsɛ ngɛ hemi kɛ yemi kake ɔ nɔuu blɔfami ɔ: Dloomi, mɔbɔ nami kɛ he jɔmi nɛ je Tsɛ Mawu ɔ kɛ Mawetsɛ Yesu Kristo, wa yiwami helɔ ɔ, dɛ mi ɔ ha mo!

BAIBLO ALOO NGMAMI KLƆUKLƆU Ɔ

⁴ I ngɛ womi nɛ ɔ ngmae ha mo Tito, ye bi nitsɛnitsɛ ngɛ hemi kɛ yemi kake ɔ nɛ i kɛ mo tsuo wa hɛɛ mi ɔ mi. Dloomi kɛ he jɔmi nɛ je Tsɛ Mawu ɔ, kɛ wa kpɔlɔ Kristo Yesu dɛ mi ɔ ha mo!

Tito 1:4 ပူးပေါင်းရင်းမြစ်များ

2 Timoteo 1:2

ngma ya ha e suɔmi bi Timoteo ɔ: Dloomi, mɔbɔ nami kɛ he jɔmi nɛ je tsɛ Mawu ɔ kɛ wa Nyɔmtsɛ Kristo Yesu dɛ mi ɔ ha mo!

Yuda 1:3

Mamimɛ, akɛnɛ i ngɛ mɔde bɔe nitsɛ nɛ ma ngma nyɛ wɔ tsuo wa yi wami hemi ɔ he sane ɔ he je ɔ, i na kaa e sa nɛ ma ngma nɛ ma kɛ wo nyɛ he wami konɛ nyɛɛ plee hemi kɛ yemi nɛ a tu ngɔ wo klɔuklɔu bi ɔmɛ a dɛ mi si kake nyɔngloo ɔ he.

2 Petro 1:11

Ejakaa kikɛmɛ a blɔ ɔ nɔ a maa gu kɛ ngmɛ nyɛ blɔ kɛ sɛ wa Nyɔmtsɛ kɛ yi wami helɔ Yesu Kristo neneene matsɛ yemi ɔ mi.

2 Petro 1:1

Simon Petro nɛ ji Yesu Kristo sɔmɔlɔ kɛ bɔfo ɔ, ngma ya ha nihi nɛ nine su hemi kɛ yemi nɛ he jua wa kaa wa nɔ ɔ nɔuu nɔ, ngɛ wa Mawu kɛ wa yi wami helɔ Yesu Kristo dami ɔ mi ɔ.

2 Korintobi 2:13

i hao ngɛ mumi mi, ejakaa i nɛ́ ye nyɛmi Tito; lɔ ɔ he ɔ, i sɛ mɛ nɛ i pue nɔ kɛ ba Makedonia.

2 Petro 3:18

Se nyɛ keke ngɛ wa Nyɔmtsɛ kɛ yi wami helɔ Yesu Kristo dloomi kɛ ni lemi ɔ mi. Lɛ nɔuu a ngɔ hɛ mi nyami ngɔ ha jehanɛ kɛ daa. Amen.

2 Korintobi 8:23

Tito ɔ, ye he piɛlɔ kɛ mami ni tsulɔ ji lɛ ha nyɛ, nɛ wa nyɛmimɛ ɔmɛ hu, asafo ɔmɛ a bɔfohi kɛ Kristo hɛ mi nyami ji mɛ.

Romabi 1:12

Lɔ ɔ ji kaa, konɛ a wo i kɛ nyɛ tsuo he wami ngɛ hemi kɛ yemi nɛ ngɛ i kɛ nyɛ tsuo wa mi ɔ mi.

Yohane 4:42

nɛ a de yo ɔ ke: “Jeha nɛ ɔ wa ngɛ hee ngɛ yee, pi ngɛ o munyu ɔ nya hu; ejakaa wɔ nitsɛmɛ wa nu, nɛ wa na le kaa, niinɛ, nɔ nɛ ɔ ji je ɔ yi wami helɔ nɛ ji Kristo ɔ nɛ.”

1 Yohane 5:14

Nɛ enɛ ɔ ji ka nɛ wa ngɛ ngɛ e hɛ mi ɔ, kaa, ke wa ba nɔ́ ko ngɛ e suɔmi nya a, e buɔ wɔ tue.

2 Petro 3:2

I suɔ kaa nyɛ kai gbali klɔuklɔu ɔmɛ a munyuhi nɛ a tu sa a, kɛ Nyɔmtsɛ kɛ yi wami helɔ ɔ kita nɛ bɔfohi nɛ a tsɔ mɛ nyɛ ngɔ ɔ kɛ ha nyɛ ɔ.

2 Petro 2:20

Ejakaa ke a gu Nyɔmtsɛ kɛ yi wami helɔ Yesu Kristo he ni lemi ɔ nɔ nɛ a kɛ tu je nɛ ɔ mi mu ni ɔmɛ a nya fo, nɛ lɔ ɔ ɔmɛ ami nɔuu a kpale du mɛ ngɛ, nɛ a ye a nɔ ekohu ɔ, a nyagbe si himi ɔ peɔ yayami pe kekle ɔ.

Tito 1:3

nɛ ngɛ be nɛ sa mi ɔ, e je lɛ si ngɛ e munyu ɔ mi. Fiɛmi sane nɛ ɔ a tu ngɔ wo ye dɛ ngɛ Mawu nɛ ji wa yi wami helɔ ɔ fami nya.

Kolosebi 1:2

ngma ya ha he tsɔli nɛ ngɛ Kolose ɔ kɛ nyɛmimɛ nɛ he ye nɛ ngɛ Kristo mi ɔ: Dloomi kɛ hejɔmi nɛ je wa Tsɛ Mawu ɔ kɛ Mawetsɛ Yesu Kristo dɛ mi ɔ ha nyɛ.

Efesobi 1:2

Dloomi kɛ he jɔmi nɛ je wa Tsɛ Mawu ɔ kɛ Nyɔmtsɛ Yesu Kristo dɛ mi ɔ ha nyɛ!

Galatabi 2:3

Se Tito tete nɛ e kɛ mi ngɛ nɛ e ji Hela no ɔ, a nyɛ́ we enɔ kaa a po lɛ,

2 Korintobi 12:18

I kpa Tito pɛɛ nɛ i tsɔ lɛ kɛ wa nyɛmi ɔ; anɛ Tito ba ye nyɛ amimi lo? Anɛ pi lɛ mumi ɔ nɔuu nɛ waa kɛ nyɛɛ? Pi kɔlɔ ɔ nanema he ɔmɛ a mi nɔuu nɛ wa nyɛɛ?

2 Korintobi 8:16

Se sina ha Mawu, nɔ nɛ ngɔ nyɛ he mɔde bɔmi nɛ ɔ ngɔ wo Tito tsui mi ɔ.

2 Korintobi 8:6

Enɛ ɔ ha wa kpa Tito pɛɛ, konɛ bɔ nɛ e je sisi momo sa a, ja nɔuu e gbe kikɛmɛ a dloomi nɛ ɔ hu nya ngɛ nyɛ kpɛti.

2 Korintobi 7:6

Se Mawu, nɔ nɛ jɔɔ nihi nɛ baa a he si ɔmɛ a bua a, e kɛ Tito bami ɔ jɔɔ wa bua.

2 Korintobi 4:13

Se akɛnɛ wa ngɛ jamɛ a hemi kɛ yemi mumi ɔ nɔuu, kaa bɔ nɛ a ngma ke: “I he ye, nɛ lɔ ɔ he ɔ i de” ɔ, wɔ hu wa heɔ yeɔ, nɛ lɔ ɔ he je ɔ wa deɔ hulɔ;

Romabi 1:7

I ngɛ enɛ ɔ ngmae ya ha nihi nɛ Mawu suɔ nɛ ji ni klɔuklɔuhi nɛ a tsɛ mɛ nɛ a ngɛ Roma a kulaa: Dloomi kɛ hejɔmi nɛ je wa tsɛ Mawu ɔ kɛ Nyɔmtsɛ Yesu dɛ mi ɔ ha nyɛ!

Luka 2:11

kaa mwɔ nɛ ɔ a fɔ yi wami helɔ nɛ ji Kristo, Nyɔmtsɛ ɔ, ngɔ ha nyɛ ngɛ David ma a mi.

Galatabi 3:26

Ejakaa nyɛ tsuo ɔ Mawu bimɛ ji nyɛ ngɛ Kristo Yesu mi kɛ gu hemi kɛ yemi ɔ nɔ;

Galatabi 3:28

Yudano be ɔ, Helano hu bé hu; nyɔguɛ bé ɔ, odehe hu bé hu; nyumu be ɔ, yo hu be hu; ejakaa nyɛ tuso ɔ, nɔ kake ji nyɛ ngɛ Kristo Yesu mi.

1 Timoteo 1:12

I naa wa Nyɔmtsɛ Kristo Yesu nɛ wo mi he wami ɔ si, kaa e bu mi anɔkualetsɛ nɛ e ngɔ mi ngɔ wo sɔmɔmi ɔ mi,

2 Timoteo 1:1

Paulo nɛ ji Yesu Kristo bɔfo ngɛ Mawu suɔmi nya kɛ wami nɛ ngɛ Kristo Yesu mi ɔ he si womi nya a,

2 Timoteo 4:10

Ejakaa nɛ Dema suɔ amlɔ amlɔ je nɛ ɔ mi he je ɔ, e je ye he kɛ ho Tesalonika ya; Kreske ho Galata ya, Tito ho Dalmatia ya;

Tito 2:13

nɛ waa hyɛ Mawu Ope ɔ kɛ wa yiwami helɔ Yesu Kristo gbaami nɛ wa hɛ ngɛ nɔ ɔ kɛ e hɛ mi nyami ɔ he kpo jemi ɔ blɔ;